-*-*-*-* حوار مفتوح بين الشباب والبنات *-*-*-*-

[katkota_2010]

سؤال واحد بس نفسي اعرف اجابته من الشباب ليه الولاد بتعاكس البنات بتستفيدوا ايه

[7oDa_elray2]

انت جاية عليا انا
السوال سهل وبسيط
طب مفيش اختيارت

[katkota_2010]

ايه ده يا مستر اكس انا مش فاهمه حاجه من اللى قولته ومش جاوبت على السؤال

[Messi]

الولاد بيعاكسوا البنت اللى عاوزه تتعاكس انما مافيش عمر بنت ماشيه محترمه وحد هيعاكسها
يعنى البنت هى اللى بتدى الفرصه للشباب انهم يعاكسوها.
انما هما بيعاكسوا ليهم بقى فدى لها كذا احتما اول واحد انه يكون ماشى منى مع صحابه ويقوم شايف بنت ماشيه فيقول افيه كده عشان يضحكوا وخلاص.
او ممكن تكن البنت عامله حاجات غريبه فيقوم معلق على الحاجه اللى هى عملاها.
او ممكن تكون البنت داخله دماغه وعاوز يمشى معاها فبيرمى كلمه ويشوف رد الفعل لو البنت ردت وضحكت يبقى فل اوى لو سابته ومشيت يبقى يدور على غيرها

[katkota_2010]

شكرا ميسى على ردك انا معاك ان فى بعض الاوقات البنت هيا اللى بتدى الفرصه للولد انه يعاكسها سواء بلبسها او طريقتها بس دلوقتى بقوا يعاكسوا المحترمه كمان مش سابو حد فى حالوا الواحده بتبقى محترمه وماشيه بادبها وبتتعاكس حتى المنقبات بقوا بتعاكسو مش سابو حد فى حاله ليه بقى

[mr_gawafa]

علي فكرة احنا مش بنات عشان يتقال علي اللبس ده عيب اللي انا شايفه عيب بجد الولاد اللي بتبس الوان فاقعة وبترتر ولميع وقلة ادب...بيبقي هاين عليا اديلهم لبانه يمضغوها ويتأصعوا...رجالة اخر زمن....وبالنسبة للناس اللي بتاكل وتتخن...طيب مالناس دي عارفة نفسها انها هتتخن يبقي تعدل في اكلها تمشي علي نظام غذائي سليم...تلعب رياضة مش تاكل وتنام...اما بالنسبة لان احنا ولاد نسأل البنات...يبقي نخلص من نفسنا الاول وبعدين نمسك غيرنا عشان نمسكهم بضمير ;)

[mr_gawafa]

دي مفهاش احتمالات يا جماعة...اللي بيعاكس ده مش محترم لا بيحترم نفسه ولا بيحترم اهله ( لأنه بيعرضهم للشتيمة ) ومش بيراعي ربنا لا في نفسه ( الناس اللي هتشوفه وهو بيعاكس هيستحقروه ويبعدوا عنه ) ولا في اهله ( يكونوا اهله كويسين ورايحين يدوا مثلا بنتهم لابنهم ويعرفوا ان ده ابنهم تقلب بعداوة) ولا حتي عامل حساب غيره لا في الادب ولا الاخلاق

[| Nadooosh ●]

انا مع جوافة فى اللى قالة

وعلى فكرة بقى يا ميسى

حتى البنت الى بتكون ماشية محترمة ولابسة كويس بتتعاكس ومبتسلمش من عنيكوا ولسانكوا

يبقى الحل اية بقى ؟؟؟؟؟؟؟؟؟؟؟؟؟؟؟

[Messi]

لاء يا بنتى دى مبتكونش معاكسه ده بيكون هزار
بصصى دلوقتى انا هقولك حاجه
لو انتى ماشيه وشوفتى سورى يعنى كلب جمبك بيهوهو فاهمه ازاى؟بينبح يعنى.هتعملى ايه ؟اكيد هتسبيه يهوهو لحد لما يتعب ويزهق ويسكت
هو ده الحل مع الشباب اللى بتعاكس البنات سبيهم ومتعبرهمش هيزهقوا وغالبا هيسكوتوا

[| Kingo ●]

انا حبيت اشارك في الموضوع ده بما انكم اثارتوه
كل الاجابة تتلخص في انه لايأخذ البعض بالكل
بمعني ان فئة طايشة من الشباب بتحب تتمنظر هما الي بيعاكسوا
((لزوم الوجاه ))
والعكس ساعات في بنات بتعاكس الاولاد !!!!!!!