كان نفسي اكون.........كلمنا عن نفسك

[single_memory]

[| Nadooosh ●]

بصى ياقمر
اولا شكرا طبعا ع الموضوع دة

وانا عندى وجهة نظر معينة بالنسبة للموضوع دة

لما كنا صغيرين كنا فعلا لينا ميول وطموحات اتغيرت تماما لما كبرنا

ومتهيألى اساسا ان ميولنا واحنا صغيرين كانت نابعة من تأثرنا بشخصية معينة يعنى اية؟؟؟؟؟؟؟

يعنى انا دلوقتى مثلا بحب عمى ومتعلقة بية جدا دة وانا صغيرة طبعا

وعمى دة اصلا دكتور ساعتها بقى هحس فعلا انى عايزة اكون دكتورة لما اكبر

او مثلا بتفرج على فيلم واتأثرت بشخصية معينة

بمعنى انى لما بقول انا عايزة اكون كذا بيبقى القرار دة ملوش اساس مبنى على تخيلات طفلة مش فاهم اى حاجة

وبعد كدة لما الواحد بيدخل الثانوى الى هيا عنق الزجاجة

الاهالى بقى بيقعدوا يكبروا الموضوع ويحسسونا اننا فى سباق وجزرة ياتطلع سليم ويا متطلعش

وفى الاخر بعد الخوف دة اكيد مبنوصلش لحاجة

متهيألى لو بطلنا نبالغ فى الامور كل حاجة هتبقى زى الفل

بس خلاص

[Messi]

شكراااااااااااااااااا سينجل ع التوبك
وانا مع منتوسه فى كلامها وهو اننا بنختار اللى احنا عاوزينه نبقاه عشان بنتاثر بحاجه انا مثلا كان نفسى اطلع استاذ عشان اضرب العيال بالعصايه

[..●●آه...لو●●..]

اولا الموضوع تحفه وجميل ومش هنعلق على شماعه الاهالي يا ست منتوسه انتي وميسي انحنا صحيح اصحاب بس الحق حق
مفيش حد فينا وهو في الثانويه العايمه البيت بيريحوا لازم شده اعصاب وتوتر صحيح ده مش حلو بس بردوا مش وحش يعني هوصلك قصدي من خلال اختي الصغيره الاء ماشاء الله عليها مبتذاكرش غير قدام التلفزيون مش الراديو التلفزيون ولازم دوشه وفرح حواليها عشان تذاكر اللي عايز اقوله اللي عايز حاجه هيعملها لو في المريخ ومفيش هوا...ده بالنسبه للثانويه
اما كان نفسي اكون ايه فانا كان نفسي ابقى محامي عشان اجيب فلوس كتير لما اكبر وابقى مرتشي ههههه بس للاسف المجموع وداني مجال تاني لازم احبوا عشان هو ده نصيبي يعني اللي بيجيب مجموع فوق 95%بيعاني هو كمان لو راح قال لاهلو انا عايز ادخل حقوق او اداب كان زمانهم دخلوني ع الاخره عدل بس خلاص

[Spider GirL(•'.'•)]

صح صح صح
اللى بيجيب مجموع صغير فى الثانوي التنسيق بيفرض عليه كلية معينة
واللى يجيب مجموع محترم الاهالى بيفرضوا علية كلية معينة حتى لو ما بنحبهاش لدرجة ان احيانا بنكره نجاحى فى الثانوى وكله نصيب
وربنا يوفقنا جميعا
وشكرا ميرو

[| Nadooosh ●]

يت عم الحج انا مقصدش الى انت فهمتة
انا بس كنت بتكلم فى جانب من جوانب الموضوع وبردو متعمقتش فية قوى
عشان مش هو دة اساس الموضوع الى كنا بنتكلم فية

فهمت يا عمنا
وطبعا الاهالى مش هما السبب الوحيد وانت عارف وانا عارفة

وخلى الطابق مستوووووووووووووور

بلا نيلة بقىىىىىىىىىىىىى

[Wezooo(•'.'•)]

ايه يا ندى وايه ياتيفه انتوا هتعملوا خناقه
خلينا فى المهم انا مع تيفة فى الكلام اللى قاله
بس فى حاجه اسبايدر قالتها مهمه جدااااا وتيفه برده وهى ليه الانسان مش بيدخل الكليه اللى هوا حببها يعنى لازم علشان جاب مجموع كبير انه يدخل كليه هوا مش بيحبها يعنى الاهل المفروض يوجه ابنهم للحاجه اللى بيحبها
انا مثلا رغم انى مجموعى كان مش كبير بس هما فى البيت ادونى حريت الاختيار لان هما عرفين ان ده مستقبلى وانى انا اللى لازم اختر وعلشان كده كان ممكن ادخل اى كليه خاصه بس انا فضلت انى اجرب حقوق
وبعدين يا عم تيفه انت كنت عاوز تدخل حقوق علشان تبقى .....يعنى كنت عاوز تبقى مرتشى على العموم ممكن تبقى مهندس مرتشى ولو اتمسكت انا موجود ههههههههه

انا كان نفسى اكون لاعب كورة علشان كنت بحبها جدااااااااا
بس الظرف خلتنى اغير فكرتى وانى كمل فى حاجه موفيده بحيث انى اقدر اساعد الناس
وشكرااااااااااااا ليكى يا سينجل

[Hot Ice]

أكيد ليا عوده يا سبايدر لأن الموضوع ده قلب عليا المواجع

[Haneen]

كان نفسي اطلع (مترجمة) علشان بحب السفر والتنقل واتعامل مع بشر كتير بس طلعت (الحمد لله مافشلتش في تحقيق حلمي) وبجد راضيه جدا عن حنين اخيرا ميرسي لكي للموضوع الحلو ده

[● Snow White ●]

أنا بقى كان نفسى أطلع دكتورة أطفال و كانت دى امنيتى لحد اولى ثانوى و كان كل الناس و مدرسينى يشهدولى بكده عمر ما حد شك أنى ممكن اكون غير كده الحمد لله كنت شاطره أوى و كنت بطلع من الأوائل على المدرسه وكل سنه لازم أتكرم و حوارات كده
لحد اولى ثانوى كنت جايبه 98 %
وبعدين دخلت تانيه و تالته الغباء كله كان فى دماغى ولا كنت بفتح كتاب ولا كان بيفرق معايا أى حاجه ولا أمتحان ولا درس ولا مدرس كان عندى لامبالاه بس عمرى ما تخيلت أنى مهما عملت أنى ممكن أقل عن 95% مش عارفه ده كان غرور ولا تعود فا لما لقتنى بقيت كده تغيرت رغباتى فى النص الأول من تانيه ثنوى و قررت أنى عايزه أدخل كمبيوتر سينس أهى حاجه تسد و بصراحه بابا و ماما محدش أعترض خالص مع أن بابا كان نفسه أنى احقق حلمه وأدخل طب عشان أبقى زيه

المهم طلعت النتيجه بتاعت 2 و بسم الله مشاء الله عليا جبت 91%X( يعنى ولا طايله سما و لا أرض و ضاع الحلم يا ولدى
هذى هى مأساتى مكدبش إللى قال أنها بتقلب المواجع
ودى بقى قصه حياتى شكرا يا سينجل