يا بنات متيجى نبدل

**Messi** · 10-06-2008 01:57 AM

مش انتوا عاوزين مساواه؟
طب متيجوا نبدل وترياحونا

ونعد احنا فى البيت بقى نستنى العدل
والله حياتكم جميله بس انتو مش حاسيين
طب يالا نتخيل الست مكان الراجل
اولها هيقولو وراء كل ست عظيمه رجل عظيم

ويا سلام بقى تلاقى البنات واقفه فى الشارع وعلى الكافيهات وبيعاكسو الرجاله
واحنا طبعا هنفض زى ما هما بيعملوا
وابقى ماشى خايف باليل لوحدى من البنات ليخطفونى
والله فكرة جامدة

والعصمه تبقى فى ايد الزوجه وطبعا الشقه هتبقى من حق الزوج
وهتدفعو مهر وشابكه وكل حاجه
والراجل مننا يطلب فستان فرح ب20 الف جنيه
يا سلام على الجمال
وطبعا البنات هتروح الجيم وهتبقى اشطه

والله عسل
واحنا اللى نخلف ونربى العيال
وملناش فى اى حاجه تانى
وتيجى البنت من الشغل تعبانه ومهدوده وجوزها يحوطيلها رجليها فى ميه بملح

ونزاكر للعيال ومنتكلمش غير فى الطبيخ والموضه

واقول لعبدو يا سلام يا واد يا عبدو انا شفت حته جيبه جامده جدا (( عبدو اعز صحاباتى))

والبنت تدخل على الشات تقول ممكن ولد محترم

والله الدنيا هتخرب على الاخر
والميكانيكيه يبقو بنات

واروح اصلح العربيه عند المعلم الست حمديه
وتخلصو الكليه وتفرزو فى الجيش
وتشوفو الزل على حق وتعرفو يعنى ايه شمس
بس هيبقى جيش عسل وهيكسب اى حرب

وتسافرو تشتغلو بره بقى
والمضيفات يبقو رجاله
وطبعا ظباط بنات بقى هيخربوها:X
وتوقفنى واحده ظبوطه فى الشارع وتقولى بطاقتك ياله
يا نهار مش تمام
X(X(

والله هتبقى كفته
انا عاوز كل واحده فاكره انها مظلومه تعرف ان مجتمعنا ودينا بيكرم المرأه جدا جدا
وحاططها فى مكان عالى قوى
ومينفعش الست تقوم بدور الراجل مهما كان
ولو عاوزين ممكن تجربو بس اللى يشيل يشيل كل حاجه
يعنى خدو دورنا فى الحياه زى ما هوا
ونعد احنا فى البيت نقشر بصل ونربى العيال

بس مهما البنت عملت هتفضل برضو بنت حتى لو غيرت المظهر

متحاولش تتمردوا ع الواقع عشان احسن حاجه انكم تعيشوا الواقع

يالاا سلام

**Spider GirL**(•'.'•) · 10-06-2008 11:59 AM

اية الفكرة المجنونة دة
وكل واحد عليه دور لازم يقوم بيه
واحنا لما كنا بنطلب المساواة كانت المساواة اللى كفلها الدين لينا واتحرمنا منها وخدناها ويمكن بزيادة عن المفروض ويمكن بسبب الحرية الزايدة دى دة بنحس ان حصل خلل فى المجتمع

ومحدش قال ان البنات عايزة تتمرد ع الواقع لكن في بنات بتحاول تغيره واقعها واحيانا التغيير دة بيكون نحو الأسؤا

وبعدين انا ارفض فكرة التبديل دى حلو حياتنا كدة

شكرا احمد

**Messi** · 10-06-2008 12:45 PM

[quote=Spider Girl;48143]
واحنا لما كنا بنطلب المساواة كانت المساواة اللى كفلها الدين لينا واتحرمنا منها وخدناها ويمكن بزيادة عن المفروض
لاء البنات طلبت المساواه فى كل حاجه عشان المساواه اللى الدين كفلها ليكم دى موجوده من زمان بس مش مكفايكم

ومحدش قال ان البنات عايزة تتمرد ع الواقع لكن في بنات بتحاول تغيره واقعها واحيانا التغيير دة بيكون نحو الأسؤا

معظم بنات اليومين دول عاوزين يتمردو وده باين فى اللبس والسجاير وطريقه الكلام والشيشه اللى بقت فى ايد البنات .اما بالنسبه لان فى بنات عاوزه تغير الواقع فمش عارف عاوزه تغير ايه تانى؟ماهى اخدت كل حاجه هى كانت بتحلم بيها.ايه اللى ناقص البنت دلوقتى عشان تغيره .؟؟؟!

شكرااااااااااااااااا لمرورك يا اسبايدر
quote]

**| **المقصرة في حق الله** ●** · 10-06-2008 02:05 PM

لو لم اكن بنت لوددن ان اكون بنت
ما اجمل البنات
البنات البنات اجمل الكائنات
شكرا على الموضوع
بس طبعا ده لحد غيري

**Messi** · 10-06-2008 02:32 PM

العفو

**| **Silent Guardian** ●** · 10-06-2008 02:34 PM

انا بنت?
يعع
مش ممكن اطيق نفسي بنت تلات دقايق على بعض يا عم احمد
انا استحمل قرف كوني ولد بس مبقاش بنت ابداااا
الحمد لله اني طلعت ولد

**Dr_Matrix** · 10-06-2008 05:14 PM

بيس يا مان هو ده الكلام المظبوط
صح كده لو عايزين مساواه يبقى في كل حاجه مش مساواه في اللي على مزاجهم ويسيبوا اللي على وزاجهم
يعنيtake it or leave it
والرجاله طول عمرهم كفاءه
وده برضه ما يقللش من اهمية الستات
يعني بيقوا مفيدين احيانا

**Spider GirL**(•'.'•) · 10-06-2008 05:56 PM

انا قولت كنا بنطالب بيها
لما ظهرت حركات وجمعيات حقوق المرأة والمساواة كانت المرأة لا تتمتع بأبسط حقوقها كتعليم مثلا
واى مساواة وحرية للبنات اكتر من كدة بصراحة هتبقى انحلال لو افترضنا ان الوضع الحاى مش انحلال

دى نسبة بسيطة يمكن ظاهرة لانها مختلفة

شكرا كمان مرة

**● **Snow White** ●** · 10-06-2008 08:01 PM

بصراحه موضوع كان فى دماغى والله يا ميسى بس مش أننا نبدل (يعنى الجنان مش لدرجادى) كنت عايزه أسأل هيا المرأه مظلومه فى إيه يعنى على العموم أنا ضدد فكرة أن المرأه مظلومه
وضد فكرة تحرير و حرية المرأة و يا نساء العالم أتحدن و الكلام الفارغ ده انا شايفه ان الحمد لله أوى على كده ولا أحب اخد مكان الراجل ولا حتى جزء من أعماله ولا احط راسى براسه أحنا كده حلوين و الحمد لله ولازم نقتنع بالحدود إللى ربنا سبحانه و تعالى خلقنا بيها وشكرا يا أحمد بك وديما فاتحلنا مواضيع جديده و خلاقه

**single_memory** · 11-06-2008 02:34 AM

لاء المساواة تبقي بحدود بس مش توصل لاننا نبدل يعنى

كل واحد مخلوق عشان يعمل دور معين ولد او بنت مينفعش يعمل دور التانى

و الله فكرة مش مقبوله كمان عند ناس كتيييييير

و بعدين انا شايفة ان مفيش مساواه اكتر من اللي احنا فيها

اه زمان ايام القهر و سي السيد و الكلام دا كان في ظلم و مفيش مساواه

بس دلوقت الوضع جميل جدا و الامن مستتب يبقي فين الظلم دا