دقات على ابواب 2010 (فكرة المبدع كيوبيد)

**كوكى** · 31-12-2009 10:56 AM

**كيوبيد** · 31-12-2009 12:42 PM

شكرا لك يامنى...ده كتير والله...انا مش عارف اعمل لك إيه..عموما انتي طلبتي اسيب الموضوع زي مانتي كتبتيه..
مع إني لا أستحقّ هذا الثناء

ايه الصفات الكويسة اللى اتعلمتها فى 2009 وناوى تاخدها معاك 2010؟

الحِلم..والهدوء خاصة مع زوجتي وأطفالي

وايه اللى الصفات اللى ناوى ترميها فى 2009؟

الإحساس المفرط

وايه البرامج الجديدة فى شخصيتك اللى ناوى تثبتها فى 2010؟

تبادل الثقافة والقراءة بشكل أوسع

وايه من الاحداث اللى حصلتلك فى 2009 عايز تنساه وايه عايز تفضل فاكره؟

عايز أنسى الفترة من حياتي من 2001 الى 2009
وعايز ابتدي فترة جديدة من عمري في مصر

واللي عمري ماهنساه هم انتم يااعضاء المنتدى الكرام

مين أحسن شخص عرفته في 2009؟؟

واحد زميلي في الشركة بيحب يساعد الناس فعلا حتى لو على حساب مصلحته

ونفسك يكون لك ايه في 2010؟؟

نفسي يكون لي حياة مستقرة في وسط أهلى وناسي اللي بجد وحشوني

نفسك تقول ايه لـ 2009؟؟
و2010؟؟

2009

أرجو ألا اكون قصدرت في حق نفسي..
ولا في حق من أنا راعيهم...
ولا في حق من أحبهم

2010

اشتقت إليك كثيرا...
أرجو أن تكون أيامي معك سعادة وراحة بال...
وأرجو ألّا أدفع خلالك فواتير سوء إدارة 2009

كل عام وانتم بخير
كيوبيد

**ali_202000** · 31-12-2009 01:45 PM

ايه الصفات الكويسة اللى اتعلمتها فى 2009 وناوى تاخدها معاك 2010؟

الصداقة كنز حقيقى فحاول جاهدا الحفاظ عليه

وايه اللى الصفات اللى ناوى ترميها فى 2009؟

الثقة فى اشخاص لا يستحقون الثقة مطلقا

وايه البرامج الجديدة فى شخصيتك اللى ناوى تثبتها فى 2010؟

الاطلاع اكثر على كل ماهو جديد فى العالم والمستقبل

وايه من الاحداث اللى حصلتلك فى 2009 عايز تنساه وايه عايز تفضل فاكره؟

عايز انسى ماحدث للمصريين فى السودان

انما اللى مش عايز انساه مطلقا انى عرفتكم وده اجمل شىء حصل ليا فى 2009كلها

مين أحسن شخص عرفته في 2009؟؟

عرفت كتير فى 2009 وبصراحه كلهم احسن من بعض

ونفسك يكون لك ايه في 2010؟؟

نفسى الناس تفكر شوية بعقولهم ونرجع تانى المحبة اللى كانت زمان

نفسك تقول ايه لـ 2009؟؟
و2010؟؟

2009

انت عام مثل الذى مضى
فلن اقسو عليك لان كل عام فيه الخير والشر
فلترحل فى امان ولا تعود احداثك مرة اخرى

2010

فى انتظار شكلك الجديد لكى نفهم معالم كثيره كانت غامضة فى السابق
نتمنى منك الا تقسو علينا كما كان سابقك

**كيوبيد** · 31-12-2009 01:57 PM

ربّنا يوفقك بجد ياعلي...انت تستاهل كل خير...

**Master Man** · 31-12-2009 02:10 PM

**حكايه** · 31-12-2009 11:34 PM

توبيك اكثر من روعه
وفكره اكثر من مبهره

بس انا حاليا مش هرد ع الاسئله اعذرونى

**كوكى** · 01-01-2010 07:26 PM

شكرا لكل اللى رد على التوبيك
والله ردكم ادى للتوبيك معنى كبير
وبالنسبة للاخ اللى لسه مش رد
متشوقين لردك يا فندم انت كبير العيلة
كل سنة وانتو طيبين

**كوكى زمالك** · 01-01-2010 07:30 PM

ميرسى يا ماما على التوبيك دة جاااااااااااااامد جدا

ايه الصفات الكويسة اللى اتعلمتها فى 2009 وناوى تاخدها معاك 2010؟

قيام الليل لانها بجد حاجة بتريح الانسان اوى

وايه اللى الصفات اللى ناوى ترميها فى 2009؟

مفيش حاجة بس اتمنى انى مش اعاند فى حاجات ممكن تضرنى خصوصا انى بطبيعتى مش شخص عنيد

وايه البرامج الجديدة فى شخصيتك اللى ناوى تثبتها فى 2010؟

انى افضل هنا فى المنتدى معاكو طبعا وأنى افضل اود الناس اللى بحبهم
وايه من الاحداث اللى حصلتلك فى 2009 عايز تنساه وايه عايز تفضل فاكره؟
خروج مصر طبعا من كأس العالم وعايز افضل فاكر انى عرفت احسن ناس كصحاب واخوات ليا بجد
مين أحسن شخص عرفته في 2009؟؟
بلاش احراج
ونفسك يكون لك ايه في 2010؟؟
امى مووووووووووونى طبعا كلكو عارفينها ربنا يخليهالى:قلب::قلب:

نفسك تقول ايه لـ 2009؟؟
و2010؟؟

2009 بجد كنتى سنة حلوة اوى عندى عرفتينى على ناس بجد مش كنت احلم بمعرفتهم.... بداية من محمد صديقى واخويا الكبير لامى طبعا لعلى حبيبى وبوب صديقى اللدود ونهى ربنا يرجعها بالسلامة و بوسى ونرمين وطبعا الاخ العزيز على قلبى اوى اسلام كيوبيد بجد انا بحبو جدا جدا جدا جدا ربنا يخليكو ليا

2010 طبعا بتمنى انه يخليكو ليا وينجحنى السنادى لانها سنة مش عايز اقول وحشة بس ربنا يبعد اى حاجة وحشة عنى وعنكو يارب