مش لاقى عنوان بس ادخلوا اقروا

[Messi]

بصصوا بقى
الموضوع ده طق فى دماغى كده وانا بذاكر اصل بعيد عنكم عندى دراسه جدوى ودى ماده تجيب جنان ~X(فقولت قوم ياد يا احمد طلع جنانك ده فىموضوع

نخش فى الموضوع
نسال الاول حته سؤال صغنن كده وبسيط.
دلوقتى لو فى بنت صاحبتك جت وقالت ليكى انها مبتحبش ولاد ومبتمشيش مع الولاد والكلام ده. هتقولى عليها ايه ؟اكيد دى متخلفه وهبله ومعقده و........ وى.........
طيب ماشى

السؤال للبنات اللى مرتبطين؟ انتى مقتنعه بان الارتباط فى السن ده ) سن الجامعه اقصد( كويس كده وحلو وبيعمل انتعاش زى انتعاش صابونه zest ؟طيب لو بيعمل الانتعاش ده ايه اخرته؟ .............

طيب يا ستى فكرى كده مع نفسك وشوفى كام واحده صاحبتك كانت ماشيه مع حماده وتامر وفى يوم وليله حماده او تامر قلبها ومشى مع واحده تانيه ؟ طب انتى ليه متخافيش على نفسك ليحصلك كده؟
ده اذا مكنش حصلك مره فعلا قبل كده ان حماده قلبك او انتى قلبتيه او انتوا الاتنين شقلبتوا بعض .
ليه تحطى نفسك فى موقف انك تكونى على سيره حماده او تامر وهو بيتكلم مع صحابه؟
اقولكم سر انتى عارفه لما تكونى ماشيه مع واحد وهو بيتكلم عنك مع صحابه اكيد مش كله صحابه ملايكه يعنى اوقات كتير بيتقال عليكى كلام من واحد منهم وبتبقى حاجه قله ادب والله وحماده طبعا مبيعملش اى حاجه اللا انه بيضحك على اساس انه كلام هزار وزى ماهو اتقال عليكى كده هو هيبقى يرضها له لما يتكلموا عن البنت اللى هو ماشىمعاها.

حافظى على نفسك وعلى كرامتك الحب فى الوقت ده اخرته 99% فشل وبصى متحبيش واد اللا اذا كان بيصرف على نفسه ويقدر يتحمل مسؤليه انما طول ماهو بياخد مصروفه من السيد الوالد ربنا يخليه يبقى بلاش حب هه.

وسعوا انتوا بقى نخش ع الرجاله.


بص يا معلم اظن ان موضوع انك تقبل اختك تمشى مع واد والحوارات دى اتكلمنا فها كتير وكلنا تقريبا اجمعنا اننا نوافق لو عرفتنا اخلاق الدبدوب ده .
طيب انت ايه ضمنك بقى انك عرفت الدبدوب ده على حقيقته ؟مهو الطبيعى انه قدامك هيبقى ملاك وياعينى هتلاقيه مكسوف يرفع عينه فى وشك وبيكلمك بصوت واطى وشويه حاجات انت برضه اكيد بتعملها.
عاوزين نحافظ على اخواتنا البنات يا ناس .وعلى فكره بقى انا شايف اننا مبقاش عندنا حياء خالص وقله الادب دلوقتى بقت عندنا بزياده.

انا مش عارف حاسس ان دراسه الجدوى خليتنى اخبط فى الكلام بس انا شايف ان كلام ده صح ع الاقل من وجهه نظرى .
طيب اللى يخش بقى يا ريت يتكرم ويقولى "فى حاجه انا غلطان فيها او شايفها غلط" واهو منه نستفيد

اقوم اكمل مذاكره بقى وادعولى
واستنوا شويه مواضيع كده موووووووز بس لما الواحد يروق بس ان شاء الله



اه معلش فى سؤال كده طق فى دماغى قبل لما اقوم .
هو سؤال لولبى شويه السؤال بيقول ايه.
لو انتى ام او انت اب وعرفت ان بنتك بتحب وهى لسه فى الجامعه هتتصرف ازاى ؟
اوعوا حد يقول عادى اصل اقوله عليه ب........ وللا بلاش

سلالم بقى

[| Nadooosh ●]

مساحة محجوزة لاهمية الموضوع

وعشان عندى امتحان بكرة

هرد عليك بعد الامتحان
وربنا يباركلنا فى دراسة الجدوى الى طلعت منك التوبيك الجامد دة


فاصل ونواصل

عدنااااااااااااااااااا

بص ياعم الحج

بالنسبة للارتباط فى الوقت دة

فهو فااااااااااااشل فاااااااااااااااااااشل فاااااااااااااااااشل

وللاسف الواحد مبيعرفش انة فاشل الى بعد مايكون فعلا مر بالتجربة

ولو حاولت تنصح واحد لسة هيجرب مستحيل هيسمعلك
لازم يتصدم لوحدة

بس بردو الواحد بيتبسط لما بيلاقى قصة نجحت فلتة كدة

وبيحس ان ممكن يبقى فى حب فى الدنيا


بس بالنسبة للقاعدة العامة ان دة سن مايعلم بية الا ربنا مينفعش فية اى مجازفات

ودى مش بتبقى اى مجازفة دى مجازفة بقلبك

عامة انا مش مؤيدو اهذا الارتباط

وششكرا على الموضوع المهم جدااااااااااااااا دة

[Spider GirL(•'.'•)]

احمد بجد موضوع جامد وربنا بوفقك فى الامتحان

بالنسة لسؤال الصغير
هحترمها جدا لو حسيت انها بتعمل كدة بأقتناع

لكن انا من رأيي لو العلاقة بين البنت والولد فى حدود الصداقة المقننه ممكن ليه لاء

اما بقى بالنسبة لفكرة الارتباط فى سن الجامعة فزى ماندى قالت فاشل جدا
بس انا بعترض ع ندى فى حاجة الواحد لازم يتعمل من تجارب اللى حواليه مش لازم هو كمان يتصدم

الحب فى فترة الجامعة بشبه تشبيه غريب شويا بشبه بحرب الاستنزاف لانه بيستنزف مشاعر واحساسيس وكمان وقت وممكن حاجات تانية وممكن بعد دة كله ما يكونش حب اصلا
ولو فى حب بجد وفعلا فهو بيستنزف الحب دة فعلا

حاجة كمان بعترض عليها فى الحب فى الفترة دى
البنت بتكون خايفة جدا حد من اهلها او تعرفه يشوفها وهى بتكلم المحروس
مع ان الخوف دة بتلاشى لو هى بتكلم حد زميلها عادى
واعتقد ان السبب فى دة ان عندها احساس داخلى بيقولها انتى بتعملى حلاجة غلط وبتسمعه بس رافضة تصدقه او مش عايزة

بس كدة دة رأيي
وشكرا لدراسة الجدوى وليكى طبعا يا احمد باشا

[| المقصرة في حق الله ●]

مش عارفة اقول ايه كلامك ميه ميه صح
بس لو انا عرفت ان بنتي بتعمل كده
لازم واكيد وان شاء الله اعرف منها
وساعتها ممكن اخليه يجي هو واهله يخطبوها
لو رضي يبقى فعلا شاريها واجحمهم باي حاجة يعني اشوف مدى قبولهم وانهم فعلا شاريين بس كده
شكرا على الموضوع

[Haneen]

ميرسي لك ميسي تصدق بقي انو موضوعك تحفة وكلامك مليون بالمية مظبوط بجد شيء مؤسف وحياة ربنا اللي بيحصل ده

[Spider GirL(•'.'•)]

انا رديت ونونة كمان

[single_memory]

فعلا و الله الارتباط ف السن دا مجازفة كبيرة

و غالبا بتنتهى بالفشل و اكيد بيبقي في خسائر نفسية و اجتماعية وعاطفية

و لحخد كبير جدا اغلب الكلام اللي قولتة صح

بس في حالات بتتخطى القاعدة دى بس مش بنسبة كبيرة

اما بقي بالنسبة لسؤالك دا

طبعا عمري ما هقول عليها متخلفة

دى وجهة نظرها و هى حره فيها

و دى وجهة نظر تحترم اكيد لان اكيد من رواها خوف علي نفسها و مصلحتها

و دى حاجة لا يمكن الومها عليها

و السؤال دا

هتصرف بعقل شوية و مش هعقدها ف حياتها

هعرف منها الموضوع كله عبارة عن ايه عشان ساعتها اعرف احكم صح

هطلب منها اشوف البنى ادم دا و لو بجد انسان جدير بيها و شخصية محترمة ممكن اسمحلة بالارتباط بيها

ما دام كل الشروط الكويسة دى موجودة

لو انسان مش كويس ف بعض الحاجات هقول نصيحة و اكيد هى هتعمل بيها

عشان ف النهاية تبقي هى اللي اختارت بنفسها

شكرا علي موضوعك الجميل و الفكرة كمان