مادة الcircuit هندسة الزقازيق - مشهد من ليلة امتحان

[| Silent Guardian ●]

النهاردة كان عليا سيركت , مادة الدكتور مهدي العريني
غرباوي هندسة , فاهمة يا سنو و انتي كمان يا ندى
انا دخلت الامتحان
استلمت الورقة الاولانية , و كان فيها تلات اسئلة , استنيت التلات اسئلة التانين , ببص في ظهر الورقة بالصدفة لقيت اخر جزئية في السؤال التالت و بعديها كلمة good luck استغربت قوي
سألت المعيد , هو فين الورقة التانية , قالي مفيش ورقة تانية , هي واحدة بس .
انبسطت قوي , و لكن ما خفي كان اعظم
نرجع فلاش باك لقبل الامتحان بتسع ساعات
يعني الساعة 12 صباحا امبارح
كنت تعبان و عايز انام , و في نفس الوقت قلقان قوي , المادة بايخة و دكتور زي الفل , و ورق كتير بالعبيط , و معلومات متضاربة , يعني كل المقومات اللي تخلي الواحد يشيل المادة , و انا مش طالبة معايا شيل مواد الترم ده
من الساعة 12 لحد الساعة 2 جثة هامدة على السرير بس مفيش نوم , مرارتي اتفقعت , قلت اقوم اشوف الدنيا فيها ايه.
فتحت شاشة الكمبيوتر لانه مبيتقفلش , كبيره الشاشة بس. و فتحت المنتدى , و عملت كام مصيبة كده على النت و على الماسنجر و مواقع اخرى , ابويا جه الساعة 3 صباحا , لاقاني على الكمبيوتر , طبعا عمل فيلم تركي لانه فاكر اني كل ده على الكمبيوتر , و انا ولا انا هنا .
و انا مبشرحش لحد , اللي هو شايفه شايفه , مش مشكلة , انا مش فايق , مش لسه هشرح و هبرر , كله بيطلع في الغسيل.
المهم بعد ما بابا كمل على بقيت المرارة اللي عندي , قلت مفيش غير المنوم الطبيعي , الكتاب , مسكت حبيبي الكتاب الساعة 3 و نص , كنت في سابع نومة الساعة 4
المشكلة اني كنت متفق مع واحد زميلي هجيبله ورق مهم الساعة 7.5 لحد 8 في الكلية .
فكنت لازم اصحى الساعة 6
بالعافية صحيت الساعة 6.15 , و برده مقدرتش اقاوم , فتحت شاشة الكمبيوتر و شوفت ايه اللي حصل في الساعتين اللي نمتهم , ابويا شافني على المحروق , " يعني انت مفيش غير ابن ال ...( متروكة لخيال القارئ) , يحرق ( متروكة لخيال القارئ) اللي جابهولك على اليوم اللي جه فيه "
انا مش فايق اصلا , و لا شايف قدامي , انا نايم ساعتين و ورايا اوسخ امتحان في الترم .
قلت اقصر , قفلت الشاشة تاني , و روحت قفلت الباب قال يعني هلبس , و بعدين كملت اللي بعمله على الكمبيوتر , و بعدين قمت غيرت .
الصراحة مكنش معايا فلوس كفاية , فعملت عملية هاكينج على محفظة ماما , و اخدت منها عشرة جنيه و بعد ما اخدتها قلتلها ان انا اخدت فلوس , حطيتها قدام الامر الواقع
روحت موقف مشتول السوق الساعة 7 و قلت كويس , هوصل على الساعة 8 في ميعاد صاحبي و قلت مية مية , و قدام على الاقل ساعة اراجع فيها نص المنهج اللي لسه مخلصش حاجة مية مية
من الساعة 7 لحد الساعة 8.45 واقف في موقف المحروقة مشتول السوق , حاجة تفقع المرارة يعني , و انا لما بتخنق في اول اليوم بفضل متضايق طول اليوم .
وصلت الكلية الساعة 9.20 فاضل عشر دقايق , ملحقتش اعمل اي حاجة , يدوبك طلعت و قعدت واستلمت الورقة و نرجع بقى بعد ما طلعت ورقة واحدة .
و بما اني عارف اللي هيحصل لو قريت الاسئلة مقريتش و حليت على طول.
السؤال الاول الجزئية b الاقي الدكتور جايبلي السؤال من مادة القياسات الترم الاول
انا شايلها اصلاااااااااااااااااااااا ااااااااااااااااااااا
يا فرحتي , حبيبي مهدي العريني ده , عثثثثثثثثثثثل
الفت , و عيش حياتك
بعد التاني بدأت اعراض قلة النوم تشتغل يا معلم.
زغللة , وجع في الظهر , قلة تركيز , خفت ليحصل زي يوم الالكترونية , غمضت عينيا ثانية و فتحتها تاني و كملت , و كل ما كنت اتعب اريح كام ثانية و اكمل.
الحق يتقال , انا الفت سؤالين , كل واحد فيها من 8 درجات , و الباقي حليته , بس طبعا الله اعلم بخصوص النواتج.
كده كده انا مبسوط باللي عملته النهاردة , و لاني اتدربت على الصعب الامتحان النهاردة كان متوسط بس انا حليته كويس
و ربنا يهديك كده يا دكتور مهدي وترفعلي الماشين كمان
و يا سلام بقى لو القياسات كمان تترفع
و اعدي الالكترونية بتاعت السنة اللي فاتت همتحنها يوم السبت و اعدي الترم ده صافي
و السنة الجاية اخش حاسبات
و اطلع معيد في كلية هندسة الزقازيق
طبعا بابا اول ما قلتله موضوع اني هبقى معيد ده , مش لازم اقول متروكة لخيال القارئ , انتوا متخيلين لوحدكم
يا الله بقى
ربنا يوفق باقي الممتحنين
و اجدع سلام لكل عائلة فكك
سلاموعليكم

[● Snow White ●]

دا إيه الجمال ده و الخيال الواسع الله عليك كل المواد هتترفع الترم ده كده من عند ربنا و الراجل الغلبان إللى نفسه أتقطع كان ممكن يروح فيها عشان يجيبك .....رايحله تذاكر فى الكامحه يافرحت عمو بيك مصطفى أنا عايزه نمرت عمو ضرورى هبلغ عنك واخليه يفرح بأبنه المعيد دا أنت دكتور مش معيد وهخليك يهرقلك الكمبيوتر و يوديك فى منطقه معزوله عن النتورك
على العموم متقلقش يا مصطفى بك مفيش حاجه بعيده على ربنا و لو بطلنا نحلم نموت و الدعاء يغير مجرى القدر يعمى فيه أمل

[حكايه]

التفاؤل بينط من التوبيك فعلا مااسخم من طب الا هندسه

[| Nadooosh ●]

ههههههههههههههههههههه

عليك شوية مغامرات

وكلة الا الخيال بتاعك

فعلاخيالك عالى

مقدرش اقول غير ربنا معاك ومعانا

وبصراحة انا كمان بقول انى هعدى مادة التدريب وهيترفعلى مادة الاعلان وربنا هيستر فى مادة بكرة وهنجح كدة صافى وكلة على الله
ماهو مفيش حاجة بعيدة على ربنا

[Spider GirL(•'.'•)]

هههههههههههههههه
ربنا يستر عليك يا مصطفى

[Hot Ice]

طب انا راضي ذمتك ياباشمهندس .. من امتي فيه تأليف في

السيركت بالذات .. دي زي معادلات الكيميا يا ابيض يا اسود !

عموما بجد فكرتني بالذي مضي .. وعاجبني روح التفاؤل اللي

فيك رغم كل المشاكل .. بتفكرني بنفسي وانا اول مرة كنت بشوف الماده

ليلة الامتحان وتحديدا كانت كمان ديزاين !! وشرحه الكومنيكيشن طبعا !

ربنا معاك يا باشمهندس .. من قلبي والله

ويارب قريب نبارك لكل اللي بيتحرقوا حاليا .. قصدي بيمتحنوا طبعا !!!

[Dr_Matrix]

بص يا عمو مصطفي احنا نجيب شوية مناديل على بسكوت شمعدان على لبان تشكلس واخد بالك انت
ونطلع على سكة القطر ونبيع يا معلم ووننشل الركاب ونبقى مدمنين ونعيش حياه سعيده
وسيبك بلا تعليم بلا وجع دماغ
يعني حناخد ايه من التعليم غير 5 في 6=30
ربنا معااااااااااااااااااااااا ااااااااااااااااااااااااك ومعاااااااااانا يا كبير

[| المقصرة في حق الله ●]

يارب تنجح يارب

[Hot Ice]

طب خللي الدعوه عامه يا ميني !

يالا ااقولها نيابه عنك وانا عارف نيتك

[| Silent Guardian ●]

ههههههههههههههههههه
عمو فقد الامل خلاص , متقلقيش يا سنو.
و بعدين انا عندي حق , انا هخش حاسبات , القسم كله فيه 21 واحد .
انا هاخد منها 19 و هعلمهم الصياعة ميذاكروش , يسقطوا و انجح انا
بس برده هخلي بالي اني هطلع التاني عشان محدش يشك فيا
و بكده هطلع معيد لانهم بياخدوا اتنين معيدين من حاسبات.

اه والله يا ابو مريم , ربنا يسهل و نخلص

ههههههههههههههههههههههههه هه
زميلتي في التفاؤل .
انا خايف تتفائلي زيي الترم الاول
بس ان شاء الله هتعدي و كله هيبقى زي الفل .
بس انتي بطلي سرحان بس في الدكاترة العساسيل