اللى بنى مصر كان حلوانى

[فينوس]

اللى بنى مصر كان فى الأصل حلوانى، جملة كلنا عارفينها كمان فى أغنية أيضا تكمل «وعشان كده يا ولاد مصر حلوة الحلوين».بصراحة لا أعرف أصل هذه المقولة وفكرت كثيرا فيها هل فعلا من بنى مصر كان حلوانى؟! لم أعرف حتى الآن ولكن ما عرفته أن المصريين متمسكين جدا بتلك المقولة لا تندهش فهذا عن تجربة.فى إحدى المرات ركبت تاكسى وجلست مصادفة بجوار السائق ومررنا بلجنة فقال لى« ياريت حضرتك تحطى حزام الأمان مش لازم تتعبى نفسك وتقفليه بس حطية كده» وعندما اندهشت وأسأله ليه، يقول« دى حاجة حلوانى كده عشان محدش ياخدنى مخالفة.أكون فى الكليه بخلص ورق معين ومحتاجة دمغات بجنيه مثلا، وعندما أدوخ أجد العامل يبيع الدمغات ويطلب منى 5 جنيهات «وإذا تجرأت وسألته ليه بيبعها بالسعر ده« يقولى دى حاجة حلوانى كده خلينا ناكل عيش»!!فى مرة ذهبت لاستقبال قريبة لى بالمطار، وهى منقبة، وقالت لى إن موظف الجوازات طلب منها أن تكشف وجهها حتى يتبين من الصورة، واضطرت أن توافق حتى تنتهى الإجراءات سريعا، فقلت لها «معلش مهو لازم يتأكد برضه من شخصيتك» إلا أننى فوجئت بها تقول «لكن الحمد لله طلع كويس ولم ينظر لوجهى» قلت «طيب وليه بقى طلب منك كشفه» فصعقتنى بالجواب «قالى دى حاجة كدة حلوانى، إحنا عندنا اخوات برضه!!».أدخل أنا وأصدقائى السينما فأجد أحدهم يدفع للعامل الذى يدخلنا «جنيهين» فأسأل «طيب وليه؟! هو عمل إيه يعنى يقولوا «دى حاجة حلوانى كده عشان يظبطنا فى المكان: «مش عارفة ليه بقت كل حاجة حلوانى.. اللى بيذاكر حلوانى واللى بيكدب حلوانى.. واللى بيشتغل حلوانى.

[كوكى زمالك]

:مر: