حمله صله الارحااااااااااااااام

[فينوس]

:نيو:الى كل زميلات وزملاء المنتدى
احترت كثيرا فى اختيار المكان الذى اعلن منه عن حمله صله الارحام
واخيرا هدانى الله الى بيتنا الثانى منتدى حكايهحتى تشاركونى الحكايه
الموضوع ببساطه شديدة ودون ان اطيل عليكم
فكرت ازاى نوعى بعض حتى نصل ارحامنا وجدت اننا ممكن نوعى بعض بالحكايات عن صله الارحام
فمن الحكايات تولد المواعظ للساهين والناسين
فهنعمل كل اسبوع حد مننا يدخل التوبيك ويضع حكايه تكون نهايتها ان الشخص بينجح فصله الرحم وبعدين نعمل استفتاء انهى حكايه اللى عجبت اكتريه الاعضاء فننشرها ونثبتها فى المنتدى
وانا هبدا يا ولاد وخلونا نرشح واحد بعد واحد

الاول فينوس

كان فى مرة راجل متزوج وعنده ولدين وبنتين
الراجل ده كان متربى كويس جدا يا جماعه كان متربى عالاخلاق والقيم الحميدة بس مشاغل الدنيا يا خونا ما انتوا عارفين
المهم انه زى ما اتربى ربى اولاده البنات والاولاد عالاخلاق والقيم
وفيوم من الايام كان نايم وحلم بان بنت عمه امه الله يرحمها جياله فالمنام وبتساله على صحته وعلى حاله هو واولاده
فجاه صحى الرجل مفزوع وافتكر انه بقاله سنين وايام مسالش على قريبه والدته دى
وفجاه قام واتنفض وصحى زوجته واولادة وكان هذا فى وقت متاخر جد ولكنه لم يهتم بالوقت
المهم اخذ الاولاد وراح يسال مكان مكانت ساكنه قريبته رد البواب عليه دى راحت دار مسنين بعد ما بنتها ماتت وحفيدها طردها واسكنها دار مسنين
بدا الراجل يشعر بالذنب ويشعر اد ايه اهميه صله الرحم
فضل الراجل والاولاد فالشارع لحد الصبح وراح يسال لحد ما الحمد لله وصل دار المسنين وسال على السيدة فاطمه محمد عبد الرحيم وفعلا لقاها موجودة حيه ترزق دخل عليها هو والاولاد وحضنها وباسها واعتذرلها عن المدة اللى انقطع فيها عنها
قالتله ان مستعدة اسامحك بس لو تقدر ترجعلى حفيدى نفسى اشوفوه قبل ما اموت وعدها الراجل انه يرجعلها حفيدها
وتركها على وعد بالعودة بالحفيد وانه عمرة ما هيسبها تانى لا هو ولا الزوجه ولا الاولاد
خرج الراجل ودخل استعلامات الدار وحب انه يترك مبلغ من الاموالكتبرع لقريبته
وكانت المفجاه يا جماعه الراجل قال اتبرع بمبلغ....... الى السيده فاطمه محمد فالسيدة مديرة الدار كتبت الايصال بالمبلغ ولكن باسم فاطمه محمد عبد الحميد فالراجل قالها حضرتك غلطانه الاسم عبر الرحيم مش عبد الحميد اجابت المديره لا انا صح اصل السيدة فاطمه محمد عبد الرحيم توفاها الله ليله امس ودفنت فى مدافن الصدقه
لو تحب حضرتك تسترد التبرع انا تحت امرك
بكى الرجل بكاء شديد والاولاد والزوجه كمان ندما على عدم صله الرحم
ووقف حائرا هل يسترد قيمه التبرع لان قريبته توفت ولا لا ؟؟؟
الاجابه اتركها لمخيله الاعضاء
ال ى من يهمه الامر يا جماعه

:نيو:يااااااااااااااارب التوبيك والفكرة تعجبكم :نيو:

[ابو اسكندر]

مشكورة على الموضوع

[كوكى]

توبيك رائع يا روبى ومؤثر جدا
وانا رأييى انا هايسيب التبرع وكمان هايدور للست دى على حفيدها عشان يعوض اللى مش عمله مع قريبته رحمها الله

[حكايه]

هايل يا روبى وانا من رئى منمن

[كيوبيد]

طبعا ياروبي الواحد مايرجعش في خير عمله...
ربنا يقدّرنا كلنا على فعل الخير

[بسمة امل]

فكرة الموضوع روووووووووعة يارباب

وبالفعل صلة الارحام مهمة جدااااااا فالله عز وجل يحاسب عليها فمن وصلها وصله الله يوم القيامة وللاسف هناك الكثير من الناس غافلين عن اهميتها وروعة ثوابها.

جزاك الله خيرا لطرحك المفيد جداااااااااا

وبالنسبة للقصة التى طرحتيها بالطبع الرجل لن يسترد مبلغ التبرع

لان الشخص اللى عندة قيم واخلاق ويسارع لصلة رحمة اكيد حيكون انسان صالح

ولايرجع عن فعل الخير وبالتالى سيوفقة الله فى حياتة ويبارك له بعمرة وبأولادة.

[فينوس]

مرسى لمروركم اجمعين وشكرا ليكى يا بسمه على ردك الرائع