كان ....حجر!!!!!

**ReRe** · 15-05-2008 03:35 PM

كان.. ..حجر!!!

كان حجر ...هناك فوق الجبل...
بس كان ديما يسأل يعني إيه بشر؟؟!!
كان ديما يدقق النظر..
بيحاول يشوف في ايه في درب البشر؟!!
وفي يوم إتزانه خانه!!
ووقع الحجر..
وقع في درب البشر..
وأهو دلوقتي بئا..
:
:
:

وبص لفوق وأفتكر..
أيام ما كان أول واحد يحضن المطر..
أيام ماكان يمد ايده يلمس خد القمر..

دلوقتي...

دلوقتي بئا بسوي جزمة أقل واحد في البشر

بص لفوق وأفتكر
بكي ومن بكاه أنفطر..

بس خلاص يفيد بأيه وحان وقت السفر..

وتاه الحجر بين البشر

لحد مارماه القدر..
جنب طفل نفسه في تفاح الشجر..

وفرح الطفل بالحجر ومسكه ورماه لفوق علي الشجر

وفرح الحجر وقال خلاص هطلع من تاني الجبل
وايد الطفل خانته ووقع الحجر في نهر بين الشجر

وداب الحجر
:
:

داب الحجر وبئا تراب بينادي بعضه علشان يكون تاني الحجر

(الحجر اللي كان هناك فوق الجبل)

ورماه التيار علي شط من شطوط البشر

وشاله الهوا وطار بيه لفوق... لفوق ورماه تاني علي الجبل

ورجع تاني..

بس المرادي مابقاش حجر...
بقا شوية تراب علي الجبل...

مستني في كل لحظه سفر..
سفر مع نسمة هوا
او حتي حبه من حبات المطر..

وادي قدر اللي كان حجر...
وغرته دنيا البشر!!!!

**Spider GirL**(•'.'•) · 15-05-2008 09:24 PM

الله الله الله يا ريري بجد جميلة جدا
ومعبرة جدا

**Wezooo**(•'.'•) · 15-05-2008 10:14 PM

الله ياريري على الكلام الجميل جداااااااااااااا
بجد كلام فوق الوصف
ومنتظرين المزيد

**ReRe** · 16-05-2008 01:17 PM

شكرا لزوقك وتشجيعك

**ReRe** · 16-05-2008 01:18 PM

ياااااااااه علي الكلام

شكرا بجد يا ويزو وربنا مايحرمنيش من رايك

**Hot Ice** · 24-05-2008 04:24 AM

الحجر !!!!!

لو ( الحجر ) بالأحساس ده يا ريري

انا موافق يفضل حجر !!!!!!!

**ReRe** · 24-05-2008 10:32 PM

بس الحجر احساسه ذله وهانه بين البشر

وخلاص ما بقاش حجر ده بئا شوية تراب مستنيين السفر...

مستنيين يتجرفوا في تيار المطر....

بس تعالي انا اكملك حكاية اللي كان حجر ودلوقتي بئا تراب علي الجبل...

((كان يا مكان ونكمل من تاني حكاية الحجر اللي زمان اتغر في دنيا البشر

في ليله برد .....بشروا بنزول المطر
وحس التراب بقرب السفر
بكي........وانفطر
ودموعه عصرت ذراته وجمعت من تاني الحجر

وفرح الحجر...

بس من يومها مبئاش تهمه دنيا البشر

بئا كل اللي شاغله انه يجمع حبات المطر
رجع كل ليله يستني القمر

رجع الحجر...

بس اتحفر جواه التوهه في دنيا البشر

وقرر انه عمره تاني ما يستسلم للسفر..

قرر يفضل هناك علي الجبل جنب القمر

قرر ان حياته الجايه هتبئا بين نجوم السهر

وادي حكاية الحجر...

**بسمة** · 27-05-2008 04:44 AM

قليلون هُم من يسكبون على بياضِ الورقِ بعضاً من أرواحهِم
فيلج المكتُوب إلى قلوبِ القرّاء دُونمَا تكلّف ..
أما قيلَ لكِ يوماً أنَّكِ منهم ؟!
رائعة ،
رقيقة
موجعة ،
و أشياءٌ كثيرة أُخَرى ..

**Wezooo**(•'.'•) · 28-05-2008 03:39 AM

رجع الحجر...

بس اتحفر جواه التوهه في دنيا البشر

وقرر انه عمره تاني ما يستسلم للسفر..

قرر يفضل هناك علي الجبل جنب القمر

قرر ان حياته الجايه هتبئا بين نجوم السهر

وادي حكاية الحجر...
بجد لو فى كلام ممكن اعبر بيه على جمل الكلمات دى كنت قولتها لو
بس فعلاااااااااااااااااا انا مش لاقى حاجه بجد الكلام جميل او رائع دى قليل عليه
انا عجبنى دى اقووووووووووووووووووووى الجزء اللى انتى كتبتيه فى الاخر
شكراااااااااااااااا ياريرى