سـت الـسيد

**ابو اسكندر** · 13-11-2009 02:54 AM

ســـــــت السيـــــــــــد

طبعا الكل هايستغرب ويقولى يعنى اية يا ابو اسكندر ( ست السيد )

احنا سمعنا عن سى السيد والروية الشهيرة لااستاذ نجيب محفوظ وشفنا المسلسل بتاع الروية اللى هو مسلسل

(بين القصرين )

المسلسل بيجسد صورة الرجل الشرقى اللى شخصيتة قوية اللى مسيطر على البيت فى كل الامور وعرض

شخصية المراة الضعيفة المغلوبة على امرها اللى مسلوبة الارادة

المسلسل دة ربى عقدة عند كل البنات وبقت البنت وهى بتختار شريك حياتها خايفة ليكون نسخة تانية من سى السيد

وبقت تبعد بكل الطرق عن الراجل اللى شخصيتة قوية لحسن يعمل منها نسخة تانية من
امينة

اكيد لسة محدش فهم يعنى اية ست السيد

طبعا من اختلاف الزمان والتفكير والدنيا اللى احنا عايشنها بالمقلوب

وانتشار المساواة بين الرجل والمراة اللى كتير من الناس بيستخدمها غلط وفهمها غلط

بقى دلوقتى فى بدل سى السيد بقى فى

ست السيد

ســــــــت السيـــــــــد ( هى المراة اللى شخصيتها قوية جدا فى البيت وهى المسيطرة على اموار البيت بااكملة )

وهى الست اللى تزعق فى الرجل يترعب

ومن اول نظرة يفهم هى عايزة اية

وطبعا هو بيعمل كدة حافظ على حياتة

انا بتكلم فى الموضوع لانة فعلا انتشر بطريقة غريبة فى داخل البيوت المصرية

تفتكر دى نتيجة اية ، لية دلوقتى بقى الرجل ضعيف وجبان

الحقيقة كمان انا ملاحظة ان المراة القوية فى البيت المصرى هى المراة العاملة

يعنى هى عشان بتشتغل تفتكر دى يبقى سبب عشان تلغى شخصية الزوج وتبقى هى صحابة القرار فى كل حاجة

حور بين زوج وزوجة ( من نوعية ست السيد )

الزوجة : قوم يامدهول على عينك قوم ياخويا مش فالح غير فى النوم وبس

الزوج : عايزة اية بس ماتسيبنى انام شويا لسة بدرى على الشغل

الزوجة : يانهارك ازرق مالوش ملامح انت عايزنى انا انزل السوق واشترى خضار وفطار واحضرك الفطار وانت نايم

الزوج : ياحبيبتى ماانا كل يوم بعمل كدة يعنى مافهاش حاجة اما تروحى انتى انهاردة

الزوجة : يانهارك ازرق مالوش ملامح انت عايزنى انا انزل اشترى الخضار واروح السوق واحضرك الفطار وانت نيام

الزوج : خلاص خلاص ياحبيتى انا اسف هاقوم اهو اجبلك اللى انتى عايزة

الزوجة : ايو كدة ناس ماتجيش غير بضرب الشبشب

الزوج : ماشى وهو مغلوب على امرة ونزل دعاء على المدام بس طبعا فى سرة

الزوجة : اوعى تتاخر هاخلى ليلة اهلك سودة لون الفلانة اللى انت لبسها اللى بقالها شهر مااتغسلتش دى

شوفتو بقى ست السيد بتعمل اية زوجها ( ماهو اتقى شر الحليم اذا غضب )

وانا هسالكوا هنا شوية اسئلة

1_ اية الاسباب اللى ممكن تخلى المراة فى البيت هى ( ست السيد )

2_ اية الاسباب اللى ممكن تخلى الرجل يتخلى عن شخصيتة فى البيت ويصبح اسير للمراة

3_ لو اكتشفت بعد الزوج ان مراتك\جوزك عندها \ةحب السيطرة وعايزة تبقى هى المتصرفة الوحيدة فى اموار البيت هاتعمل اية

4_ تحب تكون انت سى السيد فى البيت ؟؟؟

5- اية الاسباب اللى ممكن تدفعك اللى انك تتجوزى برجل شخصيتة ضعيفة

يالا يا شباب

مستني اكبر مناقشة فى الموضوع دة

**همسة حب** · 13-11-2009 11:03 AM

والله موضوع واقعلى وموجود فعلا
انا هبدا بالراى
اية الاسباب اللى ممكن تخلى المراة فى البيت هى ( ست السيد )

ممكن يكون عندها عقده من نموذج معين شافته قدامها فبالتالى خايفه تكون زيه

2_ اية الاسباب اللى ممكن تخلى الرجل يتخلى عن شخصيتة فى البيت ويصبح اسير للمراة

اكيد بيكون اصلا طبعه كده شخصيته ضعيفه

3_ لو اكتشفت بعد الزوج ان مراتك\جوزك عندها \ةحب السيطرة وعايزة تبقى هى المتصرفة الوحيدة فى اموار البيت هاتعمل اية

بجد انا احب كده بس مش يكون ديكتاتور

4_ تحب تكون انت سى السيد فى البيت ؟؟؟

لاااااااااااااااااااااااا ا ابدا

5- اية الاسباب اللى ممكن تدفعك اللى انك تتجوزى برجل شخصيتة ضعيفة
مفيش اى سبب يخلينى اعمل كده لان من مميزات الرجل القوه والشخصيه القويه
ههههههه انا اقعد فى بيتنا احسن:ه:

شكرا حسن ع الموضوع ده

**ابو اسكندر** · 13-11-2009 11:05 AM

ردك جميل اوى منار تسلمي على مرورك ومشاركتك الفعاله

**كوكى** · 13-11-2009 07:24 PM

_ اية الاسباب اللى ممكن تخلى المراة فى البيت هى ( ست السيد )
ممكن ان الرجل اصلا شخصيتة ضعيفة
او ممكن تكون هيا اللى بتصرف ع البيت

2_ اية الاسباب اللى ممكن تخلى الرجل يتخلى عن شخصيتة فى البيت ويصبح اسير للمراة
دى بتبقى طبيعة فى الرجل يعنى شخصيتة اصلا كده وبيحب او اتعود ان حد يقوده

3_ لو اكتشفت بعد الزوج ان مراتك\جوزك عندها \ةحب السيطرة وعايزة تبقى هى المتصرفة الوحيدة فى اموار البيت هاتعمل اية
انا بحب الراجل اللى شخصيتة قوية بس مش لدرجة تخنق

4_ تحب تكون انت سى السيد فى البيت ؟؟؟
نوووووووووووووووووووووووو ووو

5- اية الاسباب اللى ممكن تدفعك اللى انك تتجوزى برجل شخصيتة ضعيفة
مفيش حاجة ممكن تخلينى اتجوز راجل كده
وعامة انا الحمد لله اتجوزت راجل شخصيته قوة لدرجة تخنق شوية بس قادرة اتعايش معاها

ميرسى يا سونة على التوبيك المميز