احنا شباب الانترنت

**..●●**آه...لو**●●..** · 11-05-2008 01:26 AM

قولوا معايا وعلو الصوت احنا شباب الانترنت

قالوا علينا ومهما يقولوا احنا شباب مش بيخاف ولا بيهت

شباب فاهمين وشباب واعيين شباب في ثقافته ناس جامدين

قالوا مجانين وقالوا صايعين قلنا شباب لله طايعين

بينا حواجز وبينا بلاد بس رسولنا امام وامين

شتموا وقالوا شباب فاضيين شات مع بت وناس وحشين

قبل متغلط ولا تتكلم شوف البت دي تطلع مين ؟!!!..

احنا شباب الانترنت

شباب في الله متحابين وعلى امتنا ناس خايفين

شباب بيفكر له مستقبل لا احنا قاعده ولا تنظيم

اصحوا وفوقوا بلاش تلحين اعرفو اصلا احنا مين

وانتي يا اختي الزمي حدك واعرفي انك كنز ثمين

ولا تحكيلي اصلو وفصلو ولا تشكيلي كاني وماني ....بلاش تمثيل

بايدك تبقي فله ومرمر عقد منور ...وبايدك تبقي رماد وانين وتحت رجول البني آدمين

اصحي يا بنتي وشوفي مصلحتك ولا انتي غبيه بمخ تخين

احنا شباب الانترنت

شباب في دراستو مش فاشلين فينا دكاتره ومحاسبين

شباب جدعين شباب للخير علطول حاضرين

نمنع دمعه...ونرسم بسمه... نوهب دم....نفرح ام

لسه بتسالوا احنا مين

احنا شباب الانترنت

شباب ع العلم منكبين نعرف نقرا ونعرف نكتب يبقى نغير ناس تانيين

ناس بيقولوا علينا تافهين ناس ملهمش اساس ولا دين

لفو ودوروا....بلاش تنطيط واعرفوا قبلا احنا مين

احنا شباب الانترنت

احنا شباب جامدين شباب واعيين شباب للخير علطول حاضرين

بصوا وشوفوا "فكك مني" اسم شبابي واسم جميل !!!

حتى الادمن جسموا صغير واهو تافاتيفي جسموا كبير

بس عقولنا دايما واحده ...وللنور دايما رايحين

بس اياكم تبعدوا لحظه عن قرآنا وعن سنتنا ده احنا دينا جمال ويقين

ذاكروا كويس خدوا فيتامين وبلاش هروين واوعوا تشيلوا مواد تانيين

واوعوا تشمتوا فينا البني آدمين

ماشي يا اجمد مفكوكين
tafatefe

**Wezooo**(•'.'•) · 11-05-2008 01:55 AM

الله عليك والله بدون مجمله الموضوع جميل اوووووووووووووووووووووووو وووووى
يخربيت عقلك يا تيفه
دى انا مش لاقى كلام اعبر بيه على الكلام الجميل الى انت كتبه بجد انت جبت من الاخر
وانا بشكرك بشده انا برده حاسس ان الرد ده ناقص
كلام كتير نفسى اقولهولك
انت واد جامد
بص احنا ولاد..................علشان تستريح وانت طبعا فاهم
بصوا وشوفوا "فكك مني" اسم شبابي واسم جميل !!!

حتى الادمن جسموا صغير واهو تافاتيفي جسموا كبير
دى عجبانى اووووووووى

**..●●**آه...لو**●●..** · 11-05-2008 02:01 AM

قشطه عليك يا حبيب قلبي وده طبعا من بعض ما عندكم انتا ناسي الجمل ولا ايه

**● **همسة** ●** · 11-05-2008 02:01 AM

مصطفى لو انت اللى كاتبه فعلا
يبقى ملكش حل
ايه ده الجمال ده يخرب عقلك فعلا

تسلم يا درش
واحنا شباب الانترنت

**..●●**آه...لو**●●..** · 11-05-2008 02:06 AM

ميرسي ليكي يا احلى اخت في الدنيا وبالذات انتي من بعض ما عندكم
وشكرا على المرور وان في حد عبرني

**Messi** · 11-05-2008 02:08 AM

يا عينى عليك يا شاعر يا كبير
انت فعلا جاي فى زمن غلط
انت بجد مكانك مع المتنبئ وامرؤ القيس وعنتره وفهمى غريب
معلش ملحوقه ان شاء الله

شكلك صدقت .
هههههههههههههههههههه

لاء بجد بجد تحفه كلامك ودمه زى العثثثثثثثثثثثثثثثثثثثثثث ثثثل
:">
ربنا مايحرمنا من كلامك وللا من قلمك بس يارب الحبر يخلص منك عشان منتعذبش كتير

تقبل مرورى

**Hot Ice** · 11-05-2008 02:11 AM

علي مايبدو دخول الامتحانات فجر الطاقه الكامنه جواك

يا تيفا !! مع تحفظي علي شباب الانترنت .. لكن

معانيك هايله .. وبتمني يكون ده فعلا شباب الانترنت !

تسلم ايدك وابداعك يا تيفا