سامحتك من قلبي !

**Haneen** · 10-05-2008 03:05 AM

سامحتك من قلبى
سامحتك من قلبى...عبارة فى غاية الروعه فهل أنت مستعد لقولها ؟
المسامحة هي عملية تتشافى بها روحك .. هي عملية فيها خطوات، وربما مطبات فشل وتردد، وهي عملية تحدث في قلبك وروحك من الداخل . إن أول إحساس يصيبك هو الإحساس بالحرية وقبول القضاء والقدر .... قبول ضعفك وضعف الآخرين وتقبل أنك بشر وقبول أنك قادر على محاولة الإحساس الجديد وكأنه أعظم شيء وليس ضعفاً .......
المسامحة علامة جيدة .. لا لضعفك بل لقوة إرادتك في قرار شجاع، ناضج،مثالي ......

المسامحه هي قدرة على إطلاق مشاعر متوترة مرتبطة بأمر حصل في الماضي القريب والبعيد ........
المسامحة هي الوصول إلى نقطة تدرك أنت فيها أنك لست في حاجة إلى الغضب ولا للإحساس بأنك الضحية،وبذلك فإن حياتك بها سلامة وحرية أفضل من السابق .........
المسامحة هي إنطفاء لرغبة في رد الأذى لمن آذاك والعيش مع إحساس أخف وألذ على الروح والعقل .......
المسامحة هي الوصول إلى قناعة بأن أي أذية تسببها للآخر لن تشفي روحنا المجروحة.إن المسامحة هي حرية للعقل المحبوس بالغضب والألم ورغبة الانتقال إلى عالم فيه حياة أفضل .....
المسامحة هي مساعدة نفسك لأن تسير في الحياة خطوات إلى الأمام بدلاً من أن تكون واقفاً في ذات التجربة المؤلمة ......
النقطة الأهم أن تعرف أن المسامحة هدية منك إليك ..
ولكن تمالكني إحساس بالحزن لفقدها على أرض الواقع فكم قليل هم أولئك الذين يمتلكون القوة والقدرة على قول كلمة ((( ســامحتك )))
...... إخوتى...أخواتى....الكرام ......
* أليس العفو والصفح أقوى دليل على الإيمان بالله عز وجل والإيمان بالنفس والإيمان بالحياة ؟!
* أليست القدرة على العفو في حد ذاتها قوة ؟!
* لماذا يجد الكثيرين صعوبة بالغة في النطق بكلمات العفو والصفح عن الآخرين ؟!
* لماذا ينسون أن الكل يخطىء وأن الأنسان ليس معصوماً ؟!
* ماذا تعني لك كلمة ((( سامحتك من قلبي ))) ؟!
* متى تجد نفسك مستعداً لقولها ؟!
* وماهو شعورك عند سماعها؟

**Wezooo**(•'.'•) · 10-05-2008 03:29 AM

اولا الموضوع تحفه زى ما عوتينى يا حنين بجد الموضوع جميل جدااااااااااا
يعنى انا مش شايف احسن من الكلام اللى مكتوب
بس انا هشارك ببعض الكلامات
أليست القدرة على العفو في حد ذاتها قوة ؟!
نعم
* لماذا يجد الكثيرين صعوبة بالغة في النطق بكلمات العفو والصفح عن الآخرين ؟!
لان الكل الناس بيشوفوا انهم صح وغير كده كل واحد بينتظر الاخر انه يجى ويقول اله وغير كده كمان الكل بيقول كرمتى رغم ان الاسلام بيحس على العفو (خيركم من يبدأ بسلام)
* لماذا ينسون أن الكل يخطىء وأن الأنسان ليس معصوماً ؟!
علشان دى اول حاجه موجوده عند الانسان انه بينسئ
* ماذا تعني لك كلمة ((( سامحتك من قلبي ))) ؟!
الصفاء اى صفاء القلب
يعنى لما تسئلى الانسان دى على الى حصل مش هيفتكر حتى اللى كان حاصل ولو هوة لسه فاكر يبقى لسه........
* متى تجد نفسك مستعداً لقولها ؟!
لما الاقى قلبى بيقولها ولما اكون اقوى من نفسى
* وماهو شعورك عند سماعها؟
احساس مش لاقى له كلام

**Haneen** · 10-05-2008 04:12 AM

ميرسي كتير كتير يا وسام لمشاركتك وردك الجميل كلك ذوق يسلموا ودايما تنور موضوعاتي بشكرك تاني

**ReRe** · 10-05-2008 03:51 PM

من لا يغفر لا يغفر له...

اذا قررت عدم التسامح فحفر قبرين قبر لك وقبر للشخص الاخر

فعلا يا حنين التسامح مهم جدا

لانك تخيل كده لو ماسمحتش اللي قدامك هتفضل كل ماتفتكره تضايق وتحس انك عايز تقتله او ....

فايه اللي هيحصل تخيل كده

هتشغل نفسك وتتملي علي اخرك حقد وكراهيه

فلا هتشوف مستقبلك ولا هتعرف تتقدم في حياتك

وخليك بئا لحد ماتدمر نفسك .....

فلازم نسامح

لازم ديما في معاملتنا نعامل ربنا مش البشر

ماتقولش هو اللي يبدا ويعتذر دي كلها حجج قرعه ملهاش لزمه

ونفتكر ديما

ان الله غفور رحيم

ونشوف تسامح الرسول مع الكفار والمشركين

وهو قد ايه اتاذي منهم وبرده ماهنش عليه ياذيهم

ياريت كلنا نتسامح

ومن قلوبنا

شكرا يا حنين

وانا من هنا بقول لكل المفكوكين

انا مسمحاكم كلكم وبحبكم من قلبي حقيقي

**Haneen** · 21-05-2008 01:48 AM

ميرسي ياريري كتير لمشاركتك واضافتك وقلبك الصافي

**● **همسة** ●** · 21-05-2008 02:26 AM

انا دايما بسامح من قلبى
تسلمى يا حنين على التوبيك

**Hot Ice** · 24-05-2008 02:14 AM

التسامح ... الصفح .... المغفرة

كلها من صفات الخالق جل وعلا ..

من منا لايتمني ان يتصف بها !!!!

تسلم ايدك يا حنين

**Haneen** · 24-05-2008 10:24 PM

بتسامحي لانك جميله ونقيه من جواكي نورتي ياهمسه ميرسي لمرورك

**Haneen** · 24-05-2008 10:26 PM

ميرسي لك يا hot ice للمتابعة والتعليق ويارب فعلا يعم التسااااااااااااااااااااا مح وينتشر بساااااااااااااائر القلوب والنفوس

**● **Snow White** ●** · 04-06-2008 03:57 AM

سامحتك من قلبى كلمه كلها معانى و تدل على القوة بس أقدر أقول انى لا اتمتع بهذه القوة اه بسامح يعنى مبشلش حاجه فى قلبى بس صعب ان معملتى ترجع زى زمان
ياريت ميكنش ده معناه ان قلبى اسود
شكرا حنين على التوبك و بجد
تقبرينى شو حلو كلامك