عفوا الشباب المصرى غير , متاح حاليا

**| Nadooosh ●** · 09-05-2008 08:20 PM

Post

هل أنت ولامؤاخذة مثقف؟؟

هل فكرت وغامرت واتهورت مرة وقريت كتاب؟؟

بتقرا حاجة غير مجلة ميكي ؟؟

عندك مصدر بتجيب منه معلومات غير قعدة القهوة و الكافتريه و ( السنكحه ) مع صحابك ع الكورنيش ؟؟

تعرف يعني إيه حزب؟؟

هل تعلم ماهى الليبرالية والفدرالية والإشتراكية ؟؟

يا ترى بتدخل ع النت ليه؟؟ عشان تتثقف؟؟

إذا كانت معظم إجاباتك هى ( لا ) لا تقلق عزيزي الشاب أنت طبيعى 100% ولا تحتاج إلى أي تحاليل أو إشاعات
فكل الدراسات والأبحاث تشير إلى أن الشباب المصرى عليه العوض و منه العوض وهو في أسوأ حالاته الثقافية في ظل أزهى عصور الحرية والديموقراطية والتقدم .......!!
- يعني احنا شباب تمام .... في العصر التمام -

انا لاقيت الاحصائيات دى ع النت و قولت لازم انقلها علشان تكمل فيها يمكن لعل و عسى يحصل تغير ( لا قد الله )

حيث تشير إحدى الدراسات إلى أن:

80% لا يقرأون الصحف و70% من الشباب الذين يشاهدون التلفزيون..أنهم يفعلون ذلك بدافع الهروب وقتل الوقت وتحتل البرامج الدينية المرتبة الأولى في قائمة البرامج التي لا يهتم الشباب بمشاهدتها بنسبة 64% - لا شباب متدين صحيح -

أما في الصحافة

الصفحة الأولى التي يهتم الشباب بقرأتها هى..صفحة "الحوادث" تليها "الصفحة الرياضية"
..وإذا كانت علاقة الشباب بالإعلام كأحد مكونات المجتمع المصري تبدو ضعيفة..فإن علاقته بالمؤسسات السياسية تبدو مصيبة..

ففي البحث الذي أجري عن ثقافة الشباب المصري ذكر أن 10% من الشباب لا يعرفون بوجود أحزاب فى مصر من الأساس- يا حلاوة!! -

و الكارثة بجد هى وجود أكثر من 74 % من الشباب لا يعرف اسم أول رئيس للجمهورية - محمد نجيب يعني -

وذكر أيضاً أن 19 % يظنون أن مصر فيها حزب واحد فقط - أكيد قصدهم على حزب النادي الأهلي - بينما أكد 17% من الشباب أن عدد الأحزاب في مصر هو ثلاث أحزاب..وأكتشف البحث أن 50% من الشباب لا يعرفون عدد الأحزاب الموجودة في مصر..مع العلم أن بها 22 حزب (يا ترى أنت كمان كنت عارف؟؟ ولا انت من الــ50%) _ على فكرة انا منهم

( مع إن الأحزاب في كل بلاد العالم تعتمد أصلاً على الشباب بشكل أساسي..ويستطيع الشباب من خلالها إقامة واسقاط الحكومات

فنجد أن الشباب الأوكراني وبالتحديد طلبة الجامعات هم الذين أسقطوا النظام الديكتاتوري في أوكرانيا من خلال ثورة شعبية أقامها هم

وهذا هو نفس سبب سقوط الحكومة في فرنسا حينما قام طلاب الجامعة هناك بمظاهرات حتى أسقطوا الحكومة عندما قدمت قوانين للعمل لا تناسبهم..

طب تعالوا نشوف ازاى الشباب المصرى بيستفيد من الإنترنت:

فحسب تصنيف مؤسسة أليكسا العالمية عن أكثر 100 موقع يدخله المصريون كان ترتيب هذه المواقع هى مواقع الشات..والمواقع والمنتديات الجنسية ثم مواقع تحميل الأفلام ومواقع نوادي الكرة ومواقع النغمات والبلوتوث ولم تشمل هذه القائمة سوى 4 مواقع إسلامية في حين أنها لم تشمل على أى موقع علمي!!!

لكن الكارثة الكبرى هى أن مصر تحتل المركز الثاني في قائمة أكثر 10 مناطق فى العالم بحثاً عن المواقع الإباحية على شبكة الإنترنت وفقاً لتصنيف محرك البحث جوجل !!..

فى وقت إن ناس غيرنا وشباب غيرنا هم اللي بيستفيدوا بمليارات الكتب والمعلومات الموجودة على الإنترنت .. ( عشان كده بيتقدموا.. )

فنلاقي مثلاً إن الهند تحتل المركز الأول على العالم فى البحث عن البرمجيات وده يفسر لنا ليه الهند هى الأولى على العالم فى صناعة البرمجيات الآن؟؟

طب و بعدين ايه اللى حصل

اللى حصل بقى ان الكلام ده قلق ناس جامد وعارضوه بشده فقالوا لازم يطمنوا ويتعاملوا مع الواقع وبلاش كلام الاحصائيات الخايب ده ورفعوا شعار عمار يامصر و بلدنا لسه بخير و عايزنها تبقى خضرا ولازم يطمنوا علي الأرقام دي بنفسهم.. وعلى الشباب الجامعي المثقف..

فنزلوا للجامعة ( جامعه القاهرة ) وعملوااستطلاع لعينة عشوائية من طلاب الجامعه ( 20 طالب )

وكانت النتيجة ان معظم الطلاب 17طالب يستخدمون النت للشات ( مش لحاجه تانيه خااااالص لا سامح الله )
وإن 15 طالب لا يقرأون إلا الكتب الدراسية ( ده إذا كانوا بيفتحوها أساساً )
ونسبة قليلة 3 طلاب يقرأون الروايات الأدبيه العظيمة مثل رجل المستحيل وملف المستقبل ( الحمد لله أهو لقينا حد بيقرا حاجة ) ..

طبعاً مش لازم تبقى محمد حسنين هيكل..ولا لازم تكون فهمي هويدي ( مصيبة لا تكون مش عارف دول كمان )
لكن على الأقل تكون فاهم.. وعارف .. وداري باللي بيجرا حوليك
فاهم العالم ماشي إزاي ومين عايز إيه؟؟
ومين بيعمل إيه عشان يكسب إيه؟؟
و مين كويس و مين وحش ؟؟
وقبل كل ده تكون عارف كويس..أنت عايز إيه؟؟

لأن فعلاً جهلنا ثقافتنا في كل شئ خلانا أمة نايمة مش بتفكر ولا عايزة تفكر
.. دماغنا فاضية
.. مفيهاش أي حاجة
.. ولا أي قضية
.. ولا عايشين لهدف
.. وكل اللي نعرفه في حياتنا .. وكل معلوماتنا .. عن الممثلين والكورة
.. حتى ديننا منعرفش عنه إلا الوضوء والصلاة اللي اتعلمناهم واحنا صغيرين

.. فحين إن العالم كل بيتقدم بسرعة جنونية .. واحنا لسه محلك سر !!

.. يا ترى الفكرة وصلت؟؟ولا لسة؟؟

وملحوظه بسيطه بقى نسيت اقولها تبع الاحصائيات دى برضه

هنري بوتر هو اللذي اعاد الشباب المصري لقرائه الكتب وهو الكتاب اللي حقق اعلي مبيعات في مصر
بعدها تيجى سلسله كتب تفسير الاحلام و حظك اليوم و الابراج

**Spider GirL**(•'.'•) · 09-05-2008 08:55 PM

والله يا نونة انتى ظلمنا بس مش اوى يعنى
يعنى فى ناس بتستفاد بالنت فى حاجات كتير ( المنتدى نفسه استفادة )
ناس كتير بتقرأ كتب يمكن معظمها ادبيه بس مش الرجل المستحيل يعنى (بالمناسبة انا عمرى ما قريت الرجل المستحيل ولا مجلة ميكى اللى بتقولى عليها دى )

انتى عارفة المصيبة اللى بضايق فعلا
انك تلاقى حد مثلا ما بحبش يقرأ كتب مايكتفيش بمصيبته ويسكت لا بيتريق ع اللى بقرأ وبيعتبر دة تضييع وقت وان اللى بقرأ دة انسان فاضى ( انا اتعرضت للموقف دة ع فكرة )
ع العموم كل حمكان فى الكويس واللى فى دماغه واللى منفض بس
يبقى الامل موجود وشكرا يا نونتى

**Messi** · 09-05-2008 09:08 PM

الصوره معتقدش انها بالشكل اللى انتى بتقولى عليه ده يا منتوسه

هو اه فى شباب كبير فى الضياع

وميعرفوش كتير من اللى انتى قولتى عليهم دول

بس مش بالنسبه دى

على فكره هو اسمه هارى بوتر اصل انا بشترى القصص بتاعته كلها :">

**Haneen** · 10-05-2008 12:19 AM

هههههههههههه هم يضحك وهمووووووووووووم تبكي والله فعلا هو الحال ساء من شيء قليل بس لعلمك ياندي في ناس كتير بجد مثقفين ويجيدوا لغة الحوار بالشكل اللائق والحمد لله رب العالمين انا مش منهم والله لانو عاشقة للقراءة بشكل معقول وبحاول والله بالفترة الاخيرة استفيد من وقتي اللي بقضية علي النت وبتمني الحاااااااااااااااااااااا اااااااااال يتصلح

**Hot Ice** · 10-05-2008 02:40 AM

كلامك فيه كتير جدا جدا من الواقعيه

وبالفعل الاحصاءات دي مش ظالمه !

ولو كل واحد فينا فكر بامانه مع نفسه

وسأل نفسه عن حصيلته العلميه والثقافيه

هيعرف هو فين من الاحصاءات دي !

وعموما جمال موضوعك انه جرس انذار

بيقول الحق نفسك قبل فوات الاوان !!

شكرا ندي وتقبلي مروري

**ReRe** · 10-05-2008 03:09 AM

**..●●**آه...لو**●●..** · 11-05-2008 12:19 AM

قشطه عليك يا ميسي هاري بوتر تب متتفرج على الفيلم وخلاص
هههههههههههه
لا بجد يا منتو احنا فعلا هندنا ناس في الضياع ببس الحمد لله اللي ااقدر اقولو ان احنا معظمنا مش كده ودي حاجه كويسه ومبشره بالخير يعني زي ما في الوحش في الحلو
وده في رايي الصغنطوط