....تحت كارت الفقر ....

**| سندباد ●** · 05-05-2008 07:50 AM

تـحـت كــارت الفقــر

السؤال
بم تفســر: 20 % من العراقيين يعيشـون تحت خط الفقـر فى ظل الاحتـلال الامريكي...و 44 % من المصريين يعيشـون تحت خـط الفقــر فى ظل.. ممممم.. الاحتـلال اللي مـش امريكي
السؤال معــدّل من عندى علشان مااروحـش فى داهيـة
*******

الاجــابات ( برضه معدلة ) كالتـالي
1)
يا حقـدة يا جهلة خلّوا الشعب تحــت خط الفقــر علشان يبقى عنده دافــع يشتغل, ولاّ انتم عايزينا نغتني وننام ونقعــد فى بيوتنا

2)
بإذن الله كلها كام سنــة والبلد هتبقى خاليــة من الفقــر.. والبركــة في العبّارات والقطارات وانفلونــزا الطيور

3)
لان الفقر المصــري موديــل 81 والفقر العراقى موديــل 2003

4)
لان الفقر بيكفّــر السيئات وبكده احنا هندخــل الجنة.. لكن امريكا كافرة مش عايــزة للعراقيين الخير فكفاية عليهــم 20 % يدخلوا الجنــة

5)
خط الفقــر بتاع بغداد بيزنس.. يعنى مـش الكل قــادر يجيبه ويبقي فقيــر.. اما خط فقر مصر فللأســف ما طلعــش خط.. طلــع نظام كارت شحــن من أبو اتنين ونص.. يعنى احنا بقينا: تحـت كـارت الفقـر

*******

مع العلم انى مش لىّ دعوة
دا احنا عايشين فى نعيم !!!!

**| سندباد ●** · 05-05-2008 07:54 AM

منقول للأهمية

انا مش ناقص مصايب

**| Nadooosh ●** · 06-05-2008 01:11 AM

thnx sindbad
great topic

**Messi** · 06-05-2008 02:34 AM

متشكرين يا سندباد ع الموضوع
بس فعلا احنا احسن من غير كتير الحمد لله
كفايه ان ربنا كرمنا اننا معندناش حروب
وبص ع الصومال والسودان وافغانستان وانت تعرف الفرق

**..●●**آه...لو**●●..** · 06-05-2008 03:02 AM

انا من رايك يا ميسي اللي يشوف بلاوي الناس تهون عليه بلوته وع فكره مصر بخير وبتطور بينا والله وشوف اضراب شباب الانترنت اللي هم احنا وشوف الزياده في الاجور 30% بدون ضرائب ع الزيادات وكمان القايا اللي بتفتح وتطوير مجالات كتير اوي صدقني مصر بخير... وده من رايي الصغنطوط

**| سندباد ●** · 06-05-2008 07:12 AM

شكرا لمرورك منتوسة

**| سندباد ●** · 06-05-2008 07:34 AM

بص يا عم ميسى احنا ممكن نكون احسن من غيرنا -ده شئ وارد واحنا حاسينه لو عملنا المقارنات بتاعتك-
بس ليه منفكرش ان احنا نكون زى اى دولة حصلت على استقلالها بعدينا ذى ماليزيا مثلا او اليابان مع انهم أمة مش عريقة زينا ولا عندها قيمنا ومبادئنا ولا حتى ديننا

ليه منفكرش فى عزة الاسلام والمسلمين ونرتقى ببلدنا وبعد كده نحرر اخوانا فى السودان والصومال وفلسطين والعراق
ليه مش يجى الاجانب يتعلموا مننا ،، بدل ما انا احب اخد الزمالة من انجلترا او امريكا
هما على فكرة نجحوا انهم يزرعوا فينا السلبية ونقول الحمد لله دا احنا كنا فين وبقينا فين؟؟
اه ،، الحمد لله على كل حال...بس احنا لازم نقضى الظلم.. عشان نبدأ نستقر ونتقدم بدل ماحنا مضروبين بالنار كده ..ونعرف نعيد أمجادنا وعزنا

وسور معلش فى التشبيه حالنا بيفكرنى لما واحد صاحبى يقول الحمد لله انا عديت السنة بالعافية الحمد لله دا صاحبنا سقط...طب ليه مش بص للى طلع للمتميزين او البارعين فى مجالتهم

اما أنت يا تفاتيفى يا صاحبى،، فالمواد البترولية غليت امبارح.. والدنيا هتولع بكرة ...وابقى افرح بالزياده أم 30% من الأساسى وبحد أقصى كمان -معايا-
دا احنا اقل مستويات للدخول على مستوى العالم
واذا كان على الاضراب ده يابنى نتيجة 27 سنة ظلم

لازم هيكون فيه ثورة !!