ذاكرت ايه النهاردة

**| **Silent Guardian** ●** · 29-04-2008 12:14 AM

سلاموعليكم
ازيكم يا شباب
العام الدراسي كالعادة جري و محسنياش بيه
و الامتحانات على الابواب , و هتبقى هبااااااااااااااااااااااا اااااااااااااب هباب
النهاردة انا جايب فكرة حلوة , و يا رب تعجبكم
هتكون نوع من انواع التحفيز لينا كلنا
خصوصا اننا قاعدين طول النهار على النت والمنتدى
و شكلنا محدش بيذاكر حاجة
فعشان كده طقت في دماغي الفكرة دي
و هي اسمها ذاكرت ايه النهاردة
الفكرة بتتلخص في الاتي
كل واحد في اي وقت يقول هو ذاكر ايه النهاردة
و ناوي يذاكر ايه بكرة
و تاني يوم يقول ذاكر من اللي قال هيذاكره قد ايه
و فاضله قد ايه و هيذاكر ايه تاني
من الاخر هيكون ده جدول مذكراتنا على النت
طبعا كلنا في كليات مختلفة و لو في نفس الكلية في اقسام مختلفة
فعادي يعني لو قلت اسامي مواد او حاجات الباقيين ميعرفوش عنها حاجة
هنعذرك
المهم نبتدي نذاكر عشان اللي بنعمله ده هيودينا في داهية
يا الله كل واحد يقولي ناوي ذاكر ايه النهاردة و ناوي يذاكر ايه بكرة

**| **Silent Guardian** ●** · 29-04-2008 12:15 AM

و كنوع من انواع التحفيز
انا هبتدي
و انا الحمدلله بقالي تلات ايام مشوفتش الكتاب
من يوم الجمعة اللي فاتت
و ناوي الليلة كمان مش بكرة اكون قريت الفصل الخامس field و مش لازم افهمه , هقراه بس وابقى افهمه بكرة

**Spider GirL**(•'.'•) · 29-04-2008 12:33 AM

والله يا مصطفى طول عمرك افكارك مجنونة بس يمكن تجيب نتيجة معانا
احنا مقيمين فى المنتدى دة اكتر من اقامتنا قدام الكتاب

المهم انا تاني واحدة هقول وربنا يستر ومش عايزة اقر او تريقة مفهوم

انا بقالى يومين قاعدة فى البيت بحكم الاجازة يعنى فذكرت شويا فى الكتاب
عقاقير ( انا فعلا مش فاكرة حاجة بس بس عشان قبل الامتحان نبقى عارفين المنهج فى اية )
وزاكرت نحليلية بس جزء بسيط يعنى

وبكرة ان شاء الله هذاكر ميكرو عشان عندى امتان بعد بكرة ادعو لى

وشكرا يا مصطفى مرة كمان على حاجات كتير

**Wezooo**(•'.'•) · 29-04-2008 12:41 AM

الفكره جامده يا مصطفى وعايز فى الاول ادعى لي امانى وربنا معاكى يا رب وتحلى كويس
انا طبعا زى كل يوم مافتحتش كتب بس ان شاء الله هذاكر بكره ايه ايه ايه
اه هذاكر بكره تنفيذ جبرى

**● **همسة** ●** · 29-04-2008 01:01 AM

يا جماعه مش يمكن فى ناس عينهم وحشه وبتقر
زى ام سعيد اللى بتقول اوك يا مونى

وبعدين انا وهوت ايس
ملناش فى التوبيك ده
ازاى تعملوا توبيك ميضمش كل الاعضا واهتماماتهم
انا زحلانه منك يا درش متفكرش فى اختك الكبيره

**..●●**آه...لو**●●..** · 29-04-2008 01:17 AM

انا رسمت لوح خرسانه مسلحه لتصميم تلت كمرات وبلاطه
وان شاء الله بكره هرسم كمان واحده واذاكر شوية تشييد وان قدرت اكمل هذاكر اي حاجه في الاسترانكتشر عشااااان انا بموت فيه لدرجه اني بشيلو كل ترم

**Hot Ice** · 29-04-2008 01:22 AM

تصدقي اه .... !! دا انتي اللي ( اخدتيني ) بالي !!

دا كلام يا مصطفي ؟؟

انا اطالب بتعويض عن احساس كبار السن والمعوقين اللي

حضرتك فجرته وبقوة بهذا الموضوع التعسفي !!

وانني اطالب بتدخل فوري لوقف بث هذا الرنامج ..

وكذا اطالب بتعويض مالي علي هيئة معاش مبكر

للعضوين المذكور اسمهما اعلاه في عريضة الدعوي

المرفوعه من الطرف الاول ..

كملي بئا يا همسه .. شكلي هروح في داهيه !

**● **همسة** ●** · 29-04-2008 01:33 AM

المفروض اننا لينا حقوق
واجب عليكم تراعونا
وتعملولنا توبيك
قضيت فراغك فى ايه انهارده
مماثل للتوبيك
ذاكرت ايه انهارده
ممكن نعتبر ده تعويض معنوى
اما المادى
هسيب هوت ايس
يقول طلباته

**| Nadooosh ●** · 29-04-2008 01:34 AM

هههههههههههههههاية ياهوت ايس ياباشا انتوا اساتذتنا وامثالنا العلياواحنا من غيركوا بلا هويةهههه شفت هوية دىالمهم الموضوع جامد ياشوشو قصدى ياشومان وانا بالنسبالى لسة مفحتش الكتب بس الظاهر انى هفتحها بقى عشان شكلى بقى وحش قدام المفكوكين واوعدك انى هدخل اقول انا ذاكرت اية بس بجد فكرة جامدة موووووووووووتترقبونى بقى وقولوا يارب

**Hot Ice** · 29-04-2008 01:49 AM

واضح ان ( محاميو ) المدعي عليه بدأوا بدري !

وواضح ان الموضوع مش هيبقي بالسهوله المتوقعه ..

خصوصا في ظل محاولة ( تحييد ) المدعين بالحق المدني

و ( اساتذتنا وامثالنا العليا .. وبلا هويه ) وبلا هويه دي بالذات

اطالب بأثباتها في محضر الجلسه

بلاش انتي يا ندي تدخلي مع الخصوم وخليكي محايده

علشان ( ساعة الدفع ) ماتقوليش ياريت اللي كان ياماكان وكدا يعني ..