حكاية رحال..

**ReRe** · 27-04-2008 12:18 AM

حكاية رحال

ايه اللي في جرابك يا رحال؟؟

اللي في جرابي ضريبة الترحال

في جرابي كلمه وهمسه وبسمه وذكري

عندي ذي ماتلاقي دمعه تلاقي ضحكه

ادي اللي في جرابي ياللي عايز تعرف

ايه اللي في جرابي انا الرحال

وليه كده ماتشوفلك مرسي؟!!!

مرسي؟؟!!!

انا اللي زيّ مايقدر يرسي

ولو لقاله مليون مرسي

يابني بقولك انا الرحال

انا اللي منكم وغريب عنكم

انا اللي ترحالي بياخدني منكم

انا اللي دايب بين قلوبكم

منكم يحن ومنكم يقسي

ويمكن ينسي..

يا بني بقولك انا الرحال

لازم الف بلاد الله

اجمع من هنا ضحكه ومن هنا دمعه

ولما يتعبني الترحال..اعيش علي الذكري

انا اللي عمري ما اخاف من بكره

مانا عندي امبارح اللي يحلي مرار الف بكره وبكره

يابني بقولك انا الرحال

ألقاك بفرحه

وأفارقك بفرحه

وانا ايه غير نسمه رايحه

يابني بقولك انا الرحال

وادي الوقت وجري بسرعه

دلوقتي هنا

ومن عالم هكون فين بكره

ويهم بأيه بكره وكلها هتبقي ذكري

ولازم أكمل الترحال

يلا يا بني ومن غير سلام

مايمكن تجمعنا الأيام

ويفرقنا تاني الترحال..

مش بقولك انا الرحال.....

حكاية رحال عاشق للترحال بين قلوب البشر

يمكن جريح ترحاله

ويمكن جارح بترحاله

**ReRe** · 29-04-2008 04:37 AM

وااااااااااااااااااء

هي وحشه قوي كده

فينك ياعابر سبيل

لو كنت موجود كانوا عبروك اخص عليكم

عيال وحشيين

**Hot Ice** · 29-04-2008 05:00 AM

انا اللي عمري ما اخاف من بكره

مانا عندي امبارح اللي يحلي مرار الف بكره وبكره

ايه دا بئا ؟ امتي دي ؟؟؟ ايه الجمال ده ؟؟
بجد بجد .. اهي دي ضربت اللي في السوق كله !!
ومش مجامله والله العظيم !
بقولك ايه .. اعملي ايدك كدا .. !

**Hot Ice** · 29-04-2008 05:03 AM

في جرابي كلمه وهمسه وبسمه وذكري ..

كمان !! يابختك ياعم .. ربنا يوعدنا

بين قوسين مع توافر النيه السؤ لمحتويات الجراب !

**ReRe** · 29-04-2008 05:32 PM

ههههههههههههههه

ماشي ماشي

طبعا احنا قعدنا ليله نتناقش في الموضوع ده

احنا اكيد عارفيين اننا في الدنيا دي عابر سبيل...رحال

يوم مع ناس وتاني يوم مع ناس تانيين

يوم هنا ويوم هناك

كل اللي بقوله بئا ماتشغلش بالك بانت هتفارق الناس دول امتي

وهتروح فين بكره

عيش معاهم النهارده علي قد ماتقدر

علشان لما ييجي بكره ويبئا عندك رصيد يخليك تستحمل اي حاجه

وتقول ياه مانا ياما عشت وياما فرحت

**ReRe** · 29-04-2008 05:35 PM

بواسطة hot ice...في جرابي كلمه وهمسه وبسمه وذكري ..

كمان !! يابختك ياعم .. ربنا يوعدنا

بين قوسين مع توافر النيه السؤ لمحتويات الجراب !

ايه ده انا مش فاهمه ماشي اول سطر بتنؤ وتؤر اوكي ماشي ربنا يسامحك

اما اللي تحت ايه؟؟؟؟

**..●●**آه...لو**●●..** · 29-04-2008 09:53 PM

حلوه اوي بجد يا دوك ما شاء الله انتي بتقولي كلام لووووووووووووووووووووز وزي الفل بس الموضوع ده هم يبكي وهم يفرح ارسيلك ع بر وسيبك من الترحال وحلو اوي عابر سبيل بس هو اساسا عابر سبيل يعني اساسا مش معانا ازاي بقى نعبروا ونسيب ريري اللي منورانا ع طول