๑♥๑ ::: عارفين الشعور دة ...!!!

**Cadbury** · 18-10-2009 03:13 AM

عارفين الشعور ده
عارفين لما تفتكر حاجه كده
تحس انها بتشدك لذكريات
انت مش عارف ايه الذكريات دى
بتشدك لحاجه كده
بحاجه انت مش عارفهاا
و ممكن تدخلك فى شعور كده غريب
حزن مع الم مع فرحه
الشعور ده
عارفينه.......!!!!!!
عارف لما تسمع اغنيه كده
تلاقى نفسك بتبتسم من غير سبب
بس جواك حزين اوووى
و تلاقى شعور بدأ يدخل جواك
انت مش فاهمه
و تحاول تفهم ايه ده
وفى الاخر متفهمش

طيب عارف
لما تروح تقف على البحر كده
وتاخد نفس عمييييق
بعديها تلاقى نفسك بتبتسم
بس جواك حاجه مش قادره تخرج
حاجه يمكن بتقطعك من جوه
و مش عارف تتخلص منها
عارفين الشعور ده

طيب عارفين
لما تبقى لسه صاحى من النوم
اليوم لسه مبداش اهو
وتلاقى نفسك على السرير لسه
و غصب عنك تنزل دمعه
ممكن تفضل ساعتين تعيط على المخده
المخده اللى تعبت مننا كل يوم
كل يوم يتحس بينا
قبل ما ننام
و تقوم من على السرير
و محدش يعرف حاجه
عارفين الشعور ده
عارفين لما تكونوا اصحاب متجمعين فى يوم كده
و كلكوا مهيسين وبتضحكوا
و اللى يشوفكوا من بعيد لبعيد
يقول الناس دى رايقه
وحياتها تمام اوى
و انتوا اصلابتضحكوا بدل ما تعيطوا
و محدش حاسس بحاجه
و محدش فاهم حاجه
لا و ايه
محدش هيقدر اصل
انه لا يفهم ولا يحس اللى جواكوا

طيب عارفين
لما تحس انك عايز مساعده من اى حد
اى انسان
اى مخلوق
حاسس انت بتغرق
بتغرق فى ايه مش عارف
بس انت محتاج مساعده
محتاج حد ينجدك
مش عارف هتطلبها من مين
و حتى لو طلبت مساعده
هتتقوله ايه
عايزك تساعدنى و خلاص
هيرد و يقولك اساعدك فى ايه
تقوله حاسس انى بغرق
الحقنى
هيقولك بتغرق فى ايه
ما انت واقف قدامى اهو
انت محتاج مساعده
بس مساعده فى ايه انت مش عارف
و تفضل تغرق و مش لاقى مساعده

طيب عارفين
لما تكون عايز تسمع كلمه معينه مش شخص معين
كلمه ممكن تكون كلمه من حرفين بس
مش صعب عليه يقولها
وتلاقيه ولا بيتكلم
تحس انه تمثال
ما تتكلم بقى
طيب ما هو انا شايفاك بتقولها مليون مره
شايفها فى عينيك
حاسسها اوى
عايز تسمعها بقى
قوووووول
اتكلم
و لما يتكلم
تحس انه بيشفق عليك
!!!...بتشفق على
طيب لما انت كده
بتحسسنى بيها ليه من الاول اصلا
بتعيشنى فى الشعور ده
ليه من الاول..و لو للحظات
لما ده مش حقيقه

طيب عارف
لما تبقى عايز تسمع صوت حد معين اووى
واحشك اوى
عايز تسمع صوته
تطمن عليه
و تفضل مستنى
و مستنى..... ومستنى
و فى الاخر ميتصلش
لا و بعدين يتصل حد تانى
تقول اخيرا اهو
و ترد بلهفة
و تسمع صوت حد تانى
مش ده اللى كنت مستنيه

و الشعور اللى بتحسه دة كلو مش بيتوصف بكلمات اصلا
بيبقى عميق اوووى
بيبقى جاى من جواك
و مش عارف اصلا هو اتولد ازاى جواك
يارب يعجبكم
مستنى ردودكم
وتقولوا انتوا كمان ده بيحصل معاكم ولا لا؟؟؟؟

***NONIA*** · 18-10-2009 03:25 AM

طيب عارفين
لما تبقى لسه صاحى من النوم
اليوم لسه مبداش اهو
وتلاقى نفسك على السرير لسه
و غصب عنك تنزل دمعه
ممكن تفضل ساعتين تعيط على المخده
المخده اللى تعبت مننا كل يوم
كل يوم يتحس بينا
قبل ما ننام
و تقوم من على السرير
و محدش يعرف حاجه
عارفين الشعور ده

ياااااااااااااااه يا عمر..قلبت عليا المواجع
بس بجد توبيك راااااااااائع
:مر:

**ya_3omrena85** · 18-10-2009 03:33 AM

طيب عارفين لما تكون عايز تسمع كلمه معينه مش شخص معين كلمه ممكن تكون كلمه من حرفين بس مش صعب عليه يقولها وتلاقيه ولا بيتكلم تحس انه تمثال ما تتكلم بقى طيب ما هو انا شايفاك بتقولها مليون مره شايفها فى عينيك حاسسها اوى عايز تسمعها بقى قوووووول اتكلم و لما يتكلم تحس انه بيشفق عليك !!!...بتشفق على طيب لما انت كده بتحسسنى بيها ليه من الاول اصلا بتعيشنى فى الشعور ده ليه من الاول..و لو للحظات لما ده مش حقيقه الله علي الاحساس الرائع والمعاني الجميله ميرسي ياعمر علي التوبك الجميل ده

**بسمة امل** · 18-10-2009 04:18 AM

الاحاسيس المتشابكة بنحس بيها كلنا وبالذات لما بيختلط الفرح والحزن جوانا

طرح فوق الراااااائع ياعلى قلت حاجات متتقلش لكن تتحس بس

شكرا لتميزك برقى طرحك.

**noha** · 18-10-2009 04:57 AM

دوامة الحياه فيها قلبي تاه
ليييييييييه كل واحد فينا ماشي في اتجاه
هاها هاها هاااااااااا
زكرياااااااااات عشنا فيها دبنا فيها مالعذاب
زكريات
من ماضينا بقيا فينا ليه سراب
زكريات
في الطريق كتير ميشينا واتناسينا في الطريق
وانتهينا معتدش فينا شئ بريئ
زكرياااااااااااااااات
عشنا فيها دبنا فيها من العذاب
في الطريق قلوب بريئه قلوب غريقه
والحقيقه مش حقيقه في كل شئ
:مر: ياعمور
وفعلا كل الاحاسيس ديه حسيناها

**كيوبيد** · 18-10-2009 07:41 AM

رووووووووعة ياعمر...
ربنا يكرمك

**حكايه** · 22-10-2009 11:43 AM

والله تسلم ايدك

عارف لما تسمع اغنيه كده
تلاقى نفسك بتبتسم من غير سبب
بس جواك حزين اوووى
و تلاقى شعور بدأ يدخل جواك
انت مش فاهمه

**ابو اسكندر** · 22-10-2009 11:48 AM

عارف لما تكون عايز تشكي لحد همومك واحزانك

وتلاقي حد يحس بيك وهو ادامك

وعاجز عن انك تكلمة

**ali_202000** · 22-10-2009 01:35 PM

لما تبقى لسه صاحى من النوم
اليوم لسه مبداش اهو
وتلاقى نفسك على السرير لسه
و غصب عنك تنزل دمعه
ممكن تفضل ساعتين تعيط على المخده
المخده اللى تعبت مننا كل يوم
كل يوم يتحس بينا