يوم من عمرى

[بسمة امل]

نظرا لتأخر الاستاذ كيمووووووو والاستاذاسلام اللى هو النائب العام عن المشاركة

فطبعا ننتظر مشاركتهم ولكن لعدم توقف الموضوع

فسأختار الاخ الفاضل جدااااااااا على

ليحكى لنا يوم من عمرة ويفضفض هنا بقسم الفضفضة.

[ali_202000]

اولا انا سعيد جدا بالتوبيك الجميل ده

فعلا توبيك يرجعنا للذكريات

وندخل فى الذكريات على طوووووول

يعنى فى ايام كتيره عدت صعبه وايام قليله حلوه وجميله

بس خلينا نحكى فى الايام الجميلة احسن



يمكن الايام الحلوه اللى فى حياتى كلها انى بتعرف على ناس جديده

يعنى انا عندى اصحاب كتير بس فى اصحاب للصحبه اللى بجد وده اللى لقيته فى كل الناس الموجوده فى المنتدى هنا ماعدا ناس بسيطه اظن انها معروفه للجميع ناس طلعت اونطه

انا بعتبر الناس اللى اتعرفت عليها فى اول ايامى فى الجامعة من اهم الايام اللى فى حياتى لانهم غيروا حاجات ومعانى كتير فى حياتى كنت فاهمها غلط وبالذات انى كنت داخل الجامعه مخنوق بس الحمد الله على كل شىء



يمكن فى ناس كتير بتشوف ان الاصحاب نقط ضعف كتير بس انا بشوفها نقاط قوه وخصوصا فى ايامنا دى

علشان من الصعب انك تلاقى ناس كويسه لكن سبحان الله الطيور على اشكالها تقع

وانا من الناس اللى بتاخد على الناس بسرعة فكان معظم اصحابى سرعان ما يثقون فيا وده الحمد الله فى حد ذاته اختبار اخر وتحدى كبير وربنا يعنى علشان اعرف احافظ على الثقة

بجد ايام ولحظات التعارف دى مش ببتنسى ابدا حتى لو عدى عليا زمن كبير بتفضل فى ذاكرتنا على طوووووووول

ملحوظة : مجدش يفتكر انى مش عايز احكى بس بجد مفيش ايام حلوه اكتر من كده بس الايام الصعبة كتير وبلاش نتكلم فيها علشان انا نفسى مش عايز افتكرها

يلا هختار مين ورايا !!!!!!!!!!!!!!!!!!!!!!!!!!
نقول افتكر يا نونيا

[*NONIA*]

السلام عليكم ورحمة الله وبركاته

اولا
اشكرك يا علي لاختياري في توبيك بسومه القمر

ثانيا
الصراحه انا مش عارفه اقولكم ايه
بس مش هاتكلم عن موضوع حزين
لاني مش باحب افتكرالحزن

وكمان احلي يوم في حياتي لسه ماجاش
انا منتظراه

لكن والله كفايه اني معاكم وبلاقي حد يسأل عليا
وبجد انا عرفت غلاوتي عندكم المره دي اكتر من اي مره غبت فيها عنكم

وفي ناس سألت عليا ماكنتش اتوقع انها ممكن تبعتلي رساله
ربنا مايحرمني منكم ابدااااااااا

انا مش لاقيه حاجه احكيها بس ممكن اقولكم علي موقف حصلي وكنت محرجه جدااااااااا

كنت لسه في سنه اولي في الجامعه
وكنت باروح قليل جدا
وماكنتش لسه عرفت حد خالص
ايه اللي حصل بقي؟؟؟
اتزحلقت
ووقعت في الجامعه
ههههههههههههههههههههههه

بس الحمد لله لاقيت ولاد الحلال كتير جايين يجروا عليا ههههههههههه
فا وقفت بسرعه وانا ميته من الضحك
رغم ان كنت تعبانه جدا

بس طبعا الموقف كان محرج اوي وماكانش قدامي غير الضحك
هههههههههههههه
واليوم دا اتعرفت علي بنات كتير
يعني الواقعه جت بفايده
هههههههههههههه

كان يوم فظيع ومش قادره انساه

وماحدش يضحك عليا لو سمحتوا
:26:

وهاختار=====> جلال

[GeLoOo]

ايه التدببيسه دى هههههههههههههه

بجد احلى حاجه حصلتلى على النت لحد دلوقتى انى عرفتكو .





ومكنتش متخيل خالص ان كل المنتدى يهتم ب تعب والدى وكله يسأل

بجد الموضوع دا خلانى ابقى معجب بيكوا اكتر واكتر واحب المنتدى واحبكوا اكتر


يووووم من عمرى


يوم ماقدرش انساه ابدا ابدا ابدا


اليوم دا كان فى شهر 8 /2009

كنت فى رحله فى مرسى مطروح على شاطئ روميل

المهم الشاطء دا كان فيه صخور جميله جدا كنت بتصور عليها انا وقرايبى

فالشورت بتاعى اتقطع قطع بسيط اوى يعنى ميعملش حاجه وانا معرفش بس ابن عمتى عارف ان الشورت التقطع ومقالش
المهم نزلت البحر
فاكتشفت الشورت مقطوع بس ايه بقى مقطوع قطع كبيييييير ومن ورا كمان

يالهوووووووووووووووى على اللى حصل والله كنت عاوز اعيط

اعمل ايه بقى قعدت فى ا الميه شويه وفى الاخر خرجت ومليت القطع كدا على

بعضه شويه بس كنت فى نص هدومى هههههههههههههههههه زى ما بيقولو

كنت مكسوووف اوى ومكنش معايا كمان شورت تانى كان معايا بنطلون بردموه

اللى كنت مسافر بيه لبسته ونزلت تانى الميه ههههههههههههههههه

بجد اليوم دا مش هنسااااااه ابدا فى حياتى



هختااار توتااااااااااااااااا

[فينوس]

بجد مش عارفه اقول ايه بس الحمد لله انا عندى يوم واحد صعب اوى فحياتى بس مش هقول انى مش هقولوه لانى بحبكم جدا وزى ما بتشاركونى الحلو لازم تشاركونى الوحش اليوم ده كان يوم وفاه والدتى كان يوم صعب جدا بس الحمد لله زمايلى فالشغل هنا وقفوا جنبى لحد ما خطيت المرحله دى والحمد لله ولا راد لقضاء الله
ثانيا
اليوم الحلو بقى بصراحه هم 3 يوم مش واحد بث
الاول منهم هو يوم تعرفى على زوجى وعلى فكرة وانا مش بخجل انى اقول ان زوجى حبيبى وروح البى عرفته من النت والحمد لله هو انسان محترم جدا وحتى كوكى تعرفه كويس جدا لانها اختى وروح البى الحمد لله ربنا كرمنى فزواجى وفصحبتى
اليوم الثانى هو يوم دخولى منتى حكايه اللى هو احلى حكايه حصلتلى انا بجد بمووووووووووووووت فيكم كلكم وبلاقى نفسى معاكم بحس انكم صفوه المنتديات
اليوم التالت عشان ما اطولش عليكم هو يوم 1/11/2009 اللى اترقيت فيه مع روميو حبيب الى جلال اللى اختارنى ليوم من عمرى وبقيت مشرفه كلام فالحب معاه واتمنى اكون اد المسؤليه وجلال ينبسط منى انا سعيدة جدااااااااااا واتمنى اكون ضيفه خفيفه على قلوبكم

:bl:واسمحولى اختاااااااااااااااااار نهى حبيبه البى واظنها حبيبتكم كلكم

[فينوس]

لو امام ما شاركش يا ريت ولو شارك يا ريت كوكى

[كيوبيد]

انا رديت قبل كده ياروبي وهاردّ نفس اليوم...لأنه مش يوم من عمري ده أحلى يوم في عمري





أنا هاتكلم عن يوم من عمري بس بجد هو أحلىىىىىى يوم في عمري....


أعترف أن أي يوم في عمري بحلوه ومرّه هو يوم محسوب عليّ...
..
..
ولكن في زحمة الحياة تأتي أيام
تطل على الذاكرة باطلالة تشعرنا بالكثير من المتعة والسعادة..
..
..
كنت قد أحببتها من أوّل نظرة...
..
نعم أقصد الحب ذاته الذي يعصف بكيانك فلا تملك إلا أن ترضخ له
وبعد لحظات قليلة..وجدتني أقرأ الفاتحة مع أسرتي وأسرتها...
معلنا بداية مرحلة جديدة من هذا الحب فوق العادي...


..


وبعدها افترقنا عندما سافرت لفترة إلى العمل بالخارج لمدة سنة....
كانت من أصعب اللحظات...
ولكن لم يلبث هذا اليوم من عمري أن أتى
...
كانت أسعد لحظات حياتي...
وكان عرسا للجميع ...
..
ومنذ ذلك اليوم لم تفارقني حبيبتي...
...
..
.
:اح::اح::اح:



لو مشاعر صادقة كانت مش ردّت يبقى الدور عليها

[كيوبيد]

واختار الأعضاء أبو اسكندر ....جميلة...سلطانة زماني..ايشو...والأعضاء الكرام يشاركوا بحسب اولوية المرور

[Eshoo_m7m]

:ق2::ق2::ق2::ق2::ق2::ق2::ق2::ق2::ق2:
مرسي قوى على اختيارى للمشاركه فى الموضوع والتوبيك الرائع ده
شكرا كيوبيد ..... واحلى صباح نادى على احن الكلمات فى العالم
:ق2::ق2::ق2::ق2::ق2::ق2::ق2::ق2:
اما بالنسبالى يوم من عمرى
هحكيلكم يوم استحيل انساه فى عمرى .... انا ليه اخ اكبر منى بسنه ده حبيبى قوووى يوم فرحه انا مصداقتش انو هيروح لحد غيرنا ويبعد عنننا مع ان انا اللى كنت اقرب واحده ليه ولخطبته فى شراء طلبات الفرح وموضيع ديه ... انتوا عارفين بقى اللخمه وهرجله يوميها
نقتلوا البدله واشترتهالوا وحجزت له فى الجم وماسبتوش طول الليل كل شويه ادخل عليه ابوسه وغطيه
لحد مطلع النهار وكالعاده راح الجم وانا روحت الكوافير واتقبلنا عند البيت الساعه 4 مصدقتش نفسى لقيته لابس وقمر قعد اقراه قراااان كتير خفت ليتحسد
وكل كوم واما كاتبوا الكتاب كووووم تتصورو انى بكيت ماعرفش كانت دموع فرحه ولا زعل انوا هيبعد :و:
بس الحمد لله يوم كان من الف ليله وليه و كـ عادتى كنت نجمه الحفله ما انا كنت موزه يوميها :r:
:r::r:
خلاث خلاث لحسن طولت عليكم
ويارب يجعل الايام الجايه كلها يوم من عمرى
:9::9::9::9:

[حكايه]

يارب يجعل كل ايامك فرح وهنا والجميع يااااااااارب