حق المراه متاح فى الشيشه تفاح

**همسة حب** · 11-10-2009 08:31 AM

طبعاً عنوان الموضوع غريب جداً
بس دا اللى احنا شايفينو كلنا وخلاص بأى حق للمرأه انها تشتيش
البنت تروح تقعد على كافيتيريا ويجى الجرسون وبكل بساطه..
الجرسون: تشربى ايه يا افندم
هى بأه: شيشه تفاح
حماده هلال يرد: شيشه ؟
نهى: ايوه شيشه ((بأستظراف كدا))
حماده: شيشه يا نهى
نهى: صدرى ملبش...... عايزه اكح
ههههه.......طبعاً دى قصه صغيره مقتبسه من الفيلم عشان تبين اللى بيحصل بس
واما تشوفها بتحصل قدامك بأى هاتتكيف اوى..... الست تكون قاعد مع جوزها على الكفيتيريا بردو وهى ماسكه الشيشه وتخيلوا بأه هو مش بيشرب شيشه ((الله يرحمك يا رجوله))هههههههه........وعادى بتشرب قدامو والحياه اشطه

وشوفت موقف مستفز اكتر من دا
بنت ((ماتعديش 15 سنه)) قاعده مع مامتها على كافيه وبكل بساطه تطلع علبة السجائر وتشرب سيجاره وبعد ما خلصتها لازم تحبس بأه بالشيشه وفعلاً طلبت الشيشه وتفاح كمان((لو كانت كوكتيل كانت تعدى))
لو هانيجى نتكلم ونيجى نحاسب حد ونحط اللوم عليه....هايكون مين
يا ترى البنت نفسها...ولا....الأسره....ولا... المجتمع ولا_____ولا____ولا____.....
فيه كتير مسؤلين عن الموضوع دا
مستنيه اراءكو

**كيوبيد** · 11-10-2009 10:19 AM

مممممممممم.....
حاقول لك رايي بصراحة ولو إنه ممكن يضايقك.....
بصراحة ومن مشيّش قديم.....
هو منظر مزري ومثير للاشمئزاز شكل الشباب والبنات وهو كل واحد منهم ماسك الرّضعة وعمّمّمّال يرضع.....
والمفروض إنه يختفي ...كفاية الآفات اللي في الجوّ......
وإن الله إذا أراد أن يهلك قرية أمر مترفيها ففسقوا فيها....

**حكايه** · 11-10-2009 11:16 AM

اقول انا بقى رئى اللى هيزعلكم انتوا التلاته
ههههه انا عارف انكوا اتنين بس لكن فى تالت هيزعل
المهم....
الشيشه مادامت عادى للرجل فعادى جدا جدا للمراءه
اااه فعلا الافضل ان تختفى عن الانظار
بس خلاص

**كوكى** · 11-10-2009 11:19 AM

انا بأه بلاش اقول رأيي فى الموضوع ده عشان مفيش حد يزعل منى
بس توبيك هايل يا منار
تسلم ايديكى

**ali_202000** · 11-10-2009 02:26 PM

لا للشيشه لا للتدخين من اساسه
نايس توبيك ياهمسه وشكره على طرحك الموضوع ده

**بسمة امل** · 12-10-2009 06:16 AM

الموضوع يامنار مش بقى انه عيب او ازاى بيعملوا كدى امام ازواجهم واهلهم

لكن اصبح مظهر للرقى والروشنة ههههه

ميعرفوش ان بكدى البنت بتفقد اجمل صفاتها وهى الرقة والانوثة ولية التدخين؟

علشان تبوظى صوتك الرقيق وتكونى ارجل من زوجك وتبوظى بشرتك الناعمة اللى بنعملها ماسكات علشان نكون فى احسن صورة

المهم هى طبعا مسئولية الاهل وكمان فين عقل البنات اللى بتعمل كدى

لو بتفكر صح حتعرف انها بتضر نفسها والسلام وعجبى على رأيى عمر فى احد مواضيعة ههههههه

شكرا يامنار انك ادتينى الفرصة لاطلع اللى فى قلبى هههههه:g: