مفيش حد زيك
ـــــــ

مفيش حد زيك ولا يبقى فيه .. مش عارف هحبك على ايه ولا ايه
من ساعة ما شوفتك مبعرفش ليه .. بحس اني واقف وحاضن ملاك
وانا معاك بحس اني طاير لفوق .. واحس اني تايه ومش عايز افوق
ياللي ف جمالك مفيش مخلوق .. انا عايز اكمل حياتي معاك
م النهاردة .. عمري ابتدى قبلك ما عشتش .. قبل كدة
ولا عمري قلبي رق كدة .. ولا عمره حب غير وانا وياك
عايز أقولك .. حاجات كتير أصل انا بحبك حب بضمير
ده انت الأول .. وانت الأخير ومفيش في قلبي غير بس هواك
انا عايزك على طول تبقى معايا .. ده انت لوحدك عندي انا كفاية
مش عايز حاجة غيرك ويايا .. اصل انت اللي انا بتمناه
انت بقيت عايش جوايا انا .. والثانية معاك بتساوي ميت سنة
مابلاش تبعد .. خليك هنا .. عيشني معاك أحلى حياة