بكره ممكن يكون متأخر قوي...

**عابر سبيل** · 18-04-2008 08:31 PM

بكره ممكن يكون متأخر أوووى

لو انت زعلان من اي حد, ومفيش حد لاقيه علشان يصالحكم على بعض.. صالحُه انت
ممكن يكون الشخص ده لسه عايز يكون صاحبك.. ولو معملتش كده النهاردة
بكره ممكن يكون متأخر اوووى

لو انت بتحب شخص, والشخص ده ميعرفش انك بتحبه.. قولّه او قولّها
ممكن يكون الشخص ده هو كمان بيحبك ولو انت مقولتلوش النهارده
بكره ممكن يكون متأخر اوووى

لو انت لسه بتحب حد وفاكر انه نسيك.. قولّه او قولّها
ممكن يكون الشخص ده كان بيحبك طول عمره.. ولو انت مقولتش النهارده
بكره ممكن يكون متأخر اوووى

لو محتاج ان صاحبك يقرّب منك.. اسأله او اسألها
ممكن يكون هو محتاج اكتر منك.. ولو انت مسألتش النهارده
بكره ممكن يكون متأخر اوووى

لو انت عندك اصدقاء وشايلّهم تقدير بجد.. قولّهم
ممكن يكونوا همّ كمان في قلبهم ليك نفس التقدير.. علشان لو انت مقولتش النهارده وهمّ سافروا مكان بعيد
بكره ممكن يكون متأخر اوووى

لو انت بتحب ناسك واهلك اللى فى بيتك ( باباك و مامتك ) وماجاتش الفرصة انك تقولهم كده.. قولهمّ ممكن يكونوا موجودين دلوقتي علشان تقولهم.. علشان لو انت مقولتش وهما سابوك النهارده
بكره ممكن يكون متأخر اوووى

جربوا تسيبوا لسانكم يتحرك مره من غير قيود

جربوا تبقوا احرار من الروتين .. وده قال وده هايقول

ممكن بعد اذنكم تسمحوا ل عابر سبيل يسيب رساله
يمكن يمر عليها حد من اللي قابلوني علي درب الحياه
ويكون زعلان مني
او يكون مجروح
او.....

احب اقوله سامحني
انا عابر سبيل...

**Messi** · 18-04-2008 11:06 PM

جامد اوى الموضوع يا نجم
تسلم ايدك بجد
ومنتظرين المزيد

**..●●**آه...لو**●●..** · 19-04-2008 12:17 AM

حلو بجد بدرجه طحن
ان شاء الله محدش يزعل منك ابدا لا انهارده ولا بكره
وع العموم احنا مسامحينك عشان بس متزعليش
وبلاش حكاية عابر سبيل دي
مع المفكوكين كلنا موجودين

**| Nadooosh ●** · 19-04-2008 12:34 AM

حلو قوى الموضوع دة
شكرا عابر سبيل

**Hot Ice** · 19-04-2008 02:06 AM

امممممممممممممم ..... بعيدا عن جمال الكلمات والاحساس و.... و....

أنا بشبه علي الاسلوب ده ... دا حد اعرفه واوي كمان !!!

انت متأكد انك عابر سبيل ولا...عابرة سبيل ؟؟؟

**Haneen** · 19-04-2008 02:37 AM

شكرا كتير عابر سبيل موضوعك جميل

**Criss Angel** · 19-04-2008 01:05 PM

عابرة السبيل الغامضة
ههههههههههههههههههه

تسلمي بجد الكلام جميل جدا و مهم جدا
فعلا الإنسان ميضمنش بكره و طول ما فإيدك النهارده
متسيبش الفرصه
و على رأي Mtm كلمة مقولتهاش آه لو كنت قولتها كان اليوم ده مجاش !! .... أو كما يقول الشاعر

تسلمي على الموضوع المتميز