ايه السبب الحقيقي ورا اختيارك كليتك..الانكار مش هينفعك؟

[mr_gawafa]

اكيد انت مخترتش كلية الهندسة استخسارا للمجموع العالي اللي جبته في الثانوية العامة
قولي بقي يا بشمهندس وقوليلي يا بشمهندسة..
ليه دخلتوا كلية الهندسة وكان ايه طموحكم لما دخلتوها...قول بقلب جامد متخافش

[Essoo]

انا اصلا بمووووووووووت فى حاجه اسمها هندسه
ونفسى ابقى مهندسه الكترونيات واتصالات ....... ان شاء الله
وميرسى يا مورا على موضوعك

[| Silent Guardian ●]

ممممممممممم
موضوع جميل قوي يا باشمهندس عمرو
و على الرغم من اني من ساعة مدخلت الكلية دي و انا عارف اني ظلمت نفسي
و ظلمتها اكتر لما دخلت كهرباء..
الا اني مبسوط قوي .. و متأكد انها احسن كلية ..
للاسباب التالية:
1-كلية الهنسة في وجهة نظري المتواضعة هي الكلية الاساسية في كل حاجة
يعني الطب كنش هيقدر يتطور لولا الاجهزة الطبية الحديثة اللي بيصممها مهندسين
وبالقياس هنلاقي نفس الحكاية عند كل المجالات
2- انا الصراحة مكنتش عاقد العزم 100% ايام الثانوي اني هخش هندسة ..بس بدأت اشيل اللي ان مبحبوش من دماغي .. فشيلت الطب والصيدلة و تبقت الهندسة .. و انا مبسوط قوي ان ده حصل
3- القسم بتاعي هو قسم كهرباء .. قسم في غاية اللذة .. بجد والله .. بس بشرط انك تكون حبه ..
للناس اللي مش حابين كهرباء و داخلينها على اساس انها اعلى قسم زي مدخلوا هندسة على اساس انها اعلى كلية .. هيتعبوا قوي قوي ..و انا الحمدلله مبسوط قوي في القسم بتاعي
شكرا يا باشمهندس عمرو على الموضوع الجميل ده

[sheriwolf]

السلام عليكم
اولا انا احب اشكركم على فكره المنتدى الخاص بجامعه الزقازيق ده فكره لزيزه اوى.
واحب اعرفكم بنفسى
انا شريف
هندسه الزقازيق......الفرقه التالته اتصالات ان شاء الله

اما بالنسبه لدخولى كليه الهندسه
فانا شايف انها انضف كليه فمصر حاليا ليها علاقه بالتكنولوجيا او التطور او عمتا اى شى يدل على اننا لسه شعب بيفهم
وخاصة القسم اللى انا فيه.....لانى انا اصلا بحب عالم الاتصالات والنت والشبكاات جداااااا
وطموحى انى اتخرج على خير.....واخد حبه قرصات حلوه كده بحيث اواكب الحياه اللى احنا فيها.....وبعد كده ابتدى اتعمق فمجال الشبكات اللاسلكيه والستالايتس.....ومفيش مانع اتجوز...سمعت ان الجواز حلو ههههههههه
تحياتى للجميع وخاصه للمشرفين.....وان شاء الله اكون معاكم فالمنتدى دايما

[| المقصرة في حق الله ●]

انا جبيت ادخل هندسة زي اختي الكبيرة صراحة بس كده كان طموحي خلص
دخلتها وبعدها معرفتش اعمل ايه بالاضافة اني مبحبش اذاكر لولا صحابي بس الحمد لله دخلت مدني

[Kool]

انابقى الحمد لله طول عمرى وانا نفسى ادخل هندسه من صغرى وانا الكل بيقولى يا باشمهندسه
بس لما كنت صغيره فى ابتدائى كنت بحب اروح الشغل مع بابا جدا وكنت بحب اتنرفز على العمال هما كانوا بيسمعوا كلامى مش علشان انا بنت المشرف بتاعهم بس علشان انا كنت بفهم كويس فى الشغل
وكنت بحب اعرف كل حاجه عنه من بابا
بس الحكايه دى كانت بتكون شهر واحد فى الاجازة علشان بابا كان بيسافر السعودية فكنت بتمتع بيها لمجرد شهر بس
كنت بحس بارتياح جدا وانا فى الشغل معاهم
وبعدين دخلت اعدادى وانا بردوا نفسى ادخل مدنى وافتح مكتب هندسى كبير وافتح اكبر شركه مقاولات
بعد كده دخلت ثانوية عايمه فيها الاموز كلها اتغيرت
حسيت فيها فعلا ان شغل مدنى صعب جدا على البنات ومحدش يقدر يستحمله الا راجل قوى علشان يقدر يتعامل مع العمال
وكمان بينى وبينكم بابا حكالى عن مهندسه صاحبتهم فى الشغل كانت نازله الموقع والعمال اتريقوا عليها ولما راحت للمدير قالها سورى يا باشمهندسه انا مقدرشى اعمل معاهم حاجه انا محتاج ليهم اكتر منك
المهندسين الرجال كتير لو حضرتك عندك اعتراض انك تكملى معانا
وكمان اخوالى كانوا دايما بيتكلموا معايا على الاتصالات وشغلها ومجالها اللى بدأ ينتشر فى العالم وحسيت بارتياح شديد
والحمد لله دخلت هندسه بس مستخسرتش مجموعى ولا حاجه وعمرى ما فكرت انى داخله اعلى قسم فى الكليه
بس اللى شوفته وحسيته انه بقى اهم قسم فى العالم كله مفيش حاجه بتحصل للاتصالات والتكنولوجياالا وفيها مهندس اتصالات
مش بمدح فينا بس هى دى الحقيقه احنا والحمد لله اصحاب التطوير والابداع والاختراع
ونفسى اى حد عاوز يدخل اتصالات ومتردد يدخل وبقلب جامد لانه مفيد جدا بغض النظر عن دراسه الكليه وعن الدكاتره بس اللى بيفكر صح بيفكر فى الحياة اللى بعد كده
ومعلشى طولت عليكم بس انا بحب مجالى وبحب اتكلم عنه جدا
وانا نفسى اشتغل فى الشبكات بجميع انواعها والميكروويف لانه فعلا اهم قسم فى الاتصالات دلوقتى

[ahmed ammar]

انتى طولتى ده انتى زهقتينى ازيك يا....... عاملة ايه
انا بقى دخلت كلية الهندسة لأنى كان نفسى ادخلها وكمان لأنى وعدت امى انى مش هاخزلها ادام اعمامى واولادهم وخصوصا ان ولدى متوفى وهى اللى بتربينى ومش معقول يبقى جزاء تربيتها ليا انى اخزلها والحمد لله انا جبت مجموع ودخلت الكلية وانا كنت طاير من الفرح لما شوفت نظرة السعادة والفرح والفخر فى عينيها وانى انا كده رفعت راسها ادام الكل وبقى ليا الصدارة فى كل حاجة فى البيت صحيح الكبير كبير
مع تحياتى المهندس احمد عمار

[hema]

انا بقى كان نفسى ادخل كلية الشرطة
بس محصلش نصيب وطلعت من كشف الهيئة
ودخلت كلية الكعب العالى | اداااااااب |

[fary]

طبعا القصه العاديه المعروفه
المجموع في تانيه كان زفت اوي
واداب كانت بالنسبه ليا حلم صعب المنال
لاني كان مستحيل ادخل حقوق
بس يعني حصلت المعجزه
ودخلت كليه الكعب العالي(علي راي هيما بس مش عارفه ليه هيه كليه الكعب العالي)
يلا بقي بال رغي

[hema]

انت فى اداب ولا اية وفى قسم اية وسنة كام واسمك اية