شوفتوا القدر

**..●●**آه...لو**●●..** · 18-04-2008 01:34 AM

شوفتوا القدر وحلاوة القدر
ودانا فوق سطح القمر
لا وايه خلانا قلب واحد لاتنين من البشر
بدأ قصة حبنا في ليلة من ليالي نص الشهر
الله على القدر يا محلى القدر
ضحكتنا مفرقتش عنينا للحظة ولا كلمة حب هتوصف احساسنا في لحظة
حتى حليم ميل عليا وقالي"الحياه قدام عنينا حلوة والكلام فوق الشفايف غنوة"
الله على القدر يا محلى القدر
وصلنا لليوم المنتظر اليوم اللي بيستناه كل البشر
احساسنا سافر لبعيد بعـــــيد عند القمر
كانت عيونا من الفرحه مدمعين
والقلب دقاتو من الحب تقولش واخد ادرينالين
الله على القدر يا محلى القدر
لما يجمع في الحلال قلبين على طول الدهر
بس اه من القدر
اخد مني اعز البشر وف نفس ليله نص الشهر
والقلب من كتر الحزن انفطر
كان ليه ياقدر تسبني لليالي الحزن والسهر بس انتوا عارفين القدر
مهنش عليه يسيب قلب من الحزن انفطر
غمضت عنيا لثانيه وصحيت ملقيتش الدنيا
وفوق سطح القمر لقيت احلى البشر
بس احلى من احلى بنت بين كل البشر
وانا واقف على شط نهر من العسل وهيا على شط نهر من الخمر
وحور العين بيزفوا احلى عروسين في اجمل جنه ممكن تشوفها العين
مش قلتلكم حلو القدر
الله ع القدر ويا محلى القدر

**Hot Ice** · 18-04-2008 01:52 AM

الفكره جميله جدا جدا يا تيفا ...

وياريت تبقي النهايه بالجمال ده !!

احساسك جميل اوي يا تيفا .. بس لو تسمحلي

كانت محتاجه تظبط شويه كوزن وتفعيله علشان

جمالها يكمل .. تقبل مروري ورأيي المتواضع

**Spider GirL**(•'.'•) · 18-04-2008 01:41 PM

اية الجمال دة يا مصطفى الفكرة جميلة
بس زى ما قال هوت ايس محتاج تظبيط
ومنتظرين باقى ابداعاتك

**| **المقصرة في حق الله** ●** · 18-04-2008 01:56 PM

لالا دي جميلة خااااااااااالص روعة

**..●●**آه...لو**●●..** · 19-04-2008 12:55 AM

ثانك يو يا جماعه على مروركم كلكم بس انا مش بكتب شعر ده احساس في حدودته كده حاجه على قد الحال يعني انما الاوزان والقوافي بوظه وشوربه وتبعا الكبير كبير يا هوت ايس انا بحب كل اللي بتكتبوا انت اصلا كتله من الاحساس

**Wezooo**(•'.'•) · 19-04-2008 01:01 AM

ايه الحلوى دى ياتيفه بجد جامده موووووووووت

**Hot Ice** · 19-04-2008 01:54 AM

يامصطفي ربنا يخليك يارب .. كلنا بنتعلم وبنحاول

وانا بشكرك جدا جدا لسعة صدرك وروحك الجميلة

وربنا يعلم انا بقول رأيي علشان تبقي كلماتك في احلي صورة

وانت احساسك عالي جدا في كتاباتك وواصل لنا .. اللي

بتكلم فيه بئا زي مابنقول كدا ( البهارات ) اللي بتظبط الطعم

ودايما في انتظار خواطرك الجميله

كمان مرة اشكرك جدا .. وتقبل مروري

**Criss Angel** · 19-04-2008 12:27 PM

جميله أوي يا تيفا و فكره بجد روعه
قصة جميلة بس إنته قلبت بسرعه
يعني قصدي كان ممكن الصور تاخد حقها شويه عشان نعيش الإحساس اللي بتحكيه
على أي حال بجد روعه و بهنيك على الفكرة الجميله
تسلم و منتظرين المزيد

**ReRe** · 19-04-2008 12:28 PM

كده يا تيفا

مااااااااااااااااااااااشي

يعني ما ظهرتش كتباتك غير لما انا قولت انا مش هدخل المنتدي

ماتكنش كنت خايف مني لاحسدك

سيبك بئا المهم انك نطقت

وعلي فكره بئا احساسك حلو جدا

وكلامك برده حلو

شوفت القدر..وحلاوة القدر....

بيعجبني تفكيرك جدا يا مصطفي

بيعجبني الرضا اللي جواك

بهنيك ...

ومنتظرين الجديد

عايزين القسم يتغرق ابداع

**$$ بسملة $$** · 04-11-2008 02:14 AM

يندرج تحت الشعر المرسل ( الحر )غير مقيد بوزن وقافية يعنى مش شوربة

هو اهم شىء الاحساس وأنه يكون الكلام واصل صح لمن يتذوق أحرف سطورك

وأنت عرفت توصل ده بدقة بس ياريت لا تكرر الكلمات كثيرا مثل القمر

بس بجد غاية فى الصفاء والنقاء وفكرته عذبة وجميلة

ربى يرزقك بجنة عرضها السماوات والارض

ولا توقف حبر قلمك ودائما تشجينا بروائعك

دمت فى حفظ الرحمن