الحياة مقدرش اقولك حلوة بعدك قد ايه ...

**عاشقة الطبيعة** · 04-10-2009 01:48 AM

الحياة مقدرش اقولك حلوة بعدك قد ايه ...

معظمنا ...
لو ماكناش كلنا ..

سمعنا اغنية محمد نور الجديد (( لما يحصل ايه ))

لو اتكلمنا عن الاغنية كعناصر .. ف هي بجد من انجح الاغاني اللي اتعملت في 2007 ..

دة طبعا مش موضوعنا ..

دة انا لو هعيش عمري ف مكاني .. مش هضيع نفسي تاني
والعذاب لو كان فراقك .. هلقى راحتي وروحي فيه
....
....
....
...
الحياة مقدرش اقولك حلوة بعدك قد ايه ..

ياااااه ..

الواحد لو قرأ شوية الكلمات دول وفكر فيهم شوية

هيلاقي معاني قاسية اوي

منتهى القسوة

ايه دة كلو ؟؟

وليه يعني ؟؟

الاكيد ان اللي يقول كلمتين دول لحبيبتو
او لحبيبو

يبقى اكيد انجرح منو جرح جامد اوي

واكيد شاف منو قسوة أكتر من القسوة دي

اتعذب كتير

وتعب كتير

وخسر حاجات كتير

ورغم كدة لقى حبيبو مش مقدر العذاب والتعب والحاجات اللي بيعملها عشانو ..

انا ايه الي عايز اقولو من دة كلو يعني ..

اللي عايز اقولو حاجة يا جماعة ..

هو فعلا الحب خلاص انتهى ؟؟

بقة مجرد وقت حلو بنقضيه مع بعض ؟؟

نسمع كلمة ( بحبك ) ونقولها بمنتهى البساطة ؟؟

وبردو ندوس عليها وعلى الوعود اللي بنبينها عليها بكل بساطة ؟؟

يبقة كدة محدش غلط بقة لما قال ان الجيل بتاعنا مابيعرفش يحب

ومجرد من العواطف والاحاسيس

ماهو حاجة من اتنين

يا إما دي الحقيقة واحنة فعلا بقينا مش بنحس غير بنفسنا بس ..

يا إما اللي بيقولو كدة علينا دول عقلياتهم متخلفة ..

وللأسف ..

انا شايف إن ( يا إما ) الاولانية هي الأرجح ...

.

**ali_202000** · 04-10-2009 01:59 AM

هو فعلا الحب خلاص انتهى ؟؟
الحب موجود لكن بداخلنا ساعات بنخاف نخرجه يمكن الظروف تقصى عليه وتتدفنه لكنه موجود

بقة مجرد وقت حلو بنقضيه مع بعض ؟؟
مين قال ان الحب مجرد وقت وخلاص لكن الجب ارتباط وتفاهم وتخطيط بين اتنين لمستبلهم اللى جاى

نسمع كلمة ( بحبك ) ونقولها بمنتهى البساطة ؟؟

كلمه بحبك مش كلمه سهلة علشان نكرر فيها بدون ان نفهم اغلب معانيها
وعلشان متبقاش كلمة سهلة تتقال و خلاص
وبردو ندوس عليها وعلى الوعود اللي بنبينها عليها بكل بساطة ؟؟

لو كان حب هيقتال من اجل تنفيذ كل وعد ولكن اللى ببخلف الوعد هو ده معنى مجدر وقت وبنقضيه وخلاص وبالتالى مكنش حب

**GeLoOo** · 04-10-2009 02:10 AM

عندك حق يا على .. كلامك صح

**noha** · 04-10-2009 02:14 AM

هو فعلا الحب خلاص انتهى ؟؟

من راي انا انتهى فعلا ونادر لما تلاقي حد يقدر الحب ده

بقة مجرد وقت حلو بنقضيه مع بعض ؟؟

اكيد مش هقولك الشباب بس لا وفي بنات كمان كده للاسف بس طبعا هههههه الاكتريه للشباب

نسمع كلمة ( بحبك ) ونقولها بمنتهى البساطة ؟؟

ديه اسهل كلمه دلوقتي عند الولاد بحبك :هه::ههه: كل صبح وكل ليل بحبك ههههههههههه من الاخر لبانه في بقهم

وبردو ندوس عليها وعلى الوعود اللي بنبينها عليها بكل بساطة ؟؟

ياااااااااااااااااااااااا ه ديه اسهل حاجه عند الانسان او الانسانه اللي بيبيعوا بيبيعو بسهووله

يبقة كدة محدش غلط بقة لما قال ان الجيل بتاعنا مابيعرفش يحب

ومجرد من العواطف والاحاسيس

ماهو حاجة من اتنين

يا إما دي الحقيقة واحنة فعلا بقينا مش بنحس غير بنفسنا بس ..

يا إما اللي بيقولو كدة علينا دول عقلياتهم متخلفة ..

وللأسف ..

انا شايف إن ( يا إما ) الاولانية هي الأرجح ...

وحياتك اهو كل زي بعضه
نصيحه البنت تستنى في بيتها معززه مكرمه لغاية لما يجي اللي يستحقها ويخدها وفي نفس الوقت لازم تكون مرتحاله على الاقل
فيري نايس توبيك ياعاشقة الطبيعه وياريت تفضلي دايما موجوده في السايت كده