اسئلة تجنن ؟ياساتر

**Haneen** · 16-04-2008 02:15 AM

مستلقي بتختك ونايم ومطفي الضو ومتغطي بالبطانية
بيجي واحد من أهلك بيفتح الباب وبيقول :شو نايم ؟؟
لأ !! عم ارقص.. بس الوضع بيوحي إني نايم

معزومين على بيت جماعة، ولما بتدقوا الباب .. بيفتح شي فهمان وبيقول بدهشة
هه ، شو جيتوا ؟؟؟
لا والله لساتنا عالطريق، في عجئة بالشارع

لابس أحلى أواعيك ومتعطّر وشايل مفاتيح السيارة وجزدانك وطالع لبراة البيت،
بيجي حدا من أهلك بيسألك، شو رايحلك شي مشوار !!؟؟
لا والله طالع عالسطوح صلّح الدش

حامل سماعة التلفون وعم تبلش تدق بالأرقام، بيجيك عنصر مفاجئة من أهلك وعلى
وشه علائم الإستغراب والدهشة: بدك تحكي بالتلفون؟
لأ شو إحكي !!! بس كنت عم جرب صوت طنة الأرقام

حاطط راسك ونازل دحي بهالكتب والدراسة، بيجي أبوك أو أمك...: عم تدرس؟
لا والله ...!! عم غير زيت للسيارة

مذيعة بيوم العيد عم تلفلف بالشوارع وتلطي ع كم مواطن وتسألن وبنفس الوقت هي
بتجاوب: شو بتساوي اول يوم العيد ؟ أكيد بتروح بتزور الأهل والقرايب
لاوالله بالعادة بفكر العب دء طميمة وماروح لعندن

نفس المذيعة بشوف ولد بالشارع وبتسأله؟ حبيبي بتحب البابا والماما؟
لا مابحبن , بحب البوسنة والهرسك

واحد فايت ع جماعة وشايف الوضع بالشارع معتم والمكتوب مبين من عنوانه، شو
مقطوعة الكهرباء؟
لأ حبيبي بس هيئتك بدك تعمى

أشّر بأصبعته الكريمة لتكسي، وفعلاً وقفلو العينتين، بيسأله: فاضي؟
لأ ... عندي 10 طلبيات بس وقفت حيونة

بتطلع بميكرو وبتحط هيك وبتطلع (خمسة) وبتعطيها للي ئدامك، وبكل برودة
بيئلك: واحد ؟
لأ 60 !!!!!!!!!!!!!!!!!؟ ورجعلي الباقي

بدك تنزل من الميكرو: عاليمين زكاتك.... بتتلقى الرد: نازل ؟؟
لا والله بس عم جرب صوتي

بتمنى يعجبكن الموضوع

**Hot Ice** · 16-04-2008 02:24 AM

**Haneen** · 16-04-2008 02:31 AM

نورت

**Hot Ice** · 16-04-2008 02:42 AM

مش بيقولوا شر البلية مايضحك

فعلا اسئلة ترفع الضغط .. فكرتيني بسؤال غبي برضه ياحنين

لما واحد يرجع من الشارع مبلول ويدخل البيت

يساله اهل البيت .. هي الدنيا بتمطر بره ؟؟

مفروض تمطر جوه كمان !!