ماذا تفعل لوكنت مكانى؟؟؟

**قلب مجروح** · 02-10-2009 09:54 PM

حلو اوى بسمه موضوع جميل مافيش كلام لانى اوقات مش بنلاقى حد نتكلم معاه تسلمى بجد .

**بسمة امل** · 04-10-2009 04:46 AM

اعضاء حكاية الكرام:

فى موضوع خاص بصديقة لى من السعودية وطلبت رأيى وبصراحة ماعرفت افيدها

فقلت اعرضة عليكم يمكن نوصل لرأيى اقوله لها واقدر افيدها بجد

تقدم لخطبتها شخص فية المواصفات التى تحبها ولكن مشكلتة انه اصغر منها

بخمس سنوات وهو موافق ولكنها خائفة من صغر سنة عنها وهى سنها مش كبير ولكن عندهم كما قالت لى الفتاة تصل لسن معين يخاف الرجال ان يتقدموا لها

لانهم يفضلوا السن الاصغر وطبعا لعدم السماح للرجال برؤية النساء يصعب الامر اكتر وهى شخصية ممتازة ولديها شخصية مميزة وكما قالت لى ان هذا يجعل الاخرين يخافوا من الارتباط بها وطبعا يعتبر هذا العريس مميز لها

ولكن هل فارق السن مش مشكلة؟

انا فى رأيى انة لابد ان يكون الرجل اكبر بخمس سنوات على الاقل ليكون هناك ملائمة بينهم ويكونوا بنفس المرحلة ولكنى اخاف ابلغها كلامى هذا اتسبب فى ضياع العريس المناسب وضياع فرصة زواجها
ماقلتة لها ان تصلى استخارة حتى افكر جيدا ماذا انصحها

من فضلكم تساعدونى فى الرأى لخوفى ان اكون السبب فى اقناعها بالموافقة او الرفض

وماذا تفعل لو كنت مكانى؟

ارجو الرد بسرعة لاننا على موعد للحديث غدا واريد ان اعطيها رأيى .

شكرا لحسن استماعكم.

**حكايه** · 04-10-2009 08:22 AM

لا يابسمه انتى بقى خانك الرءى
انا رئيى ولو 7 سنوات كمان عادى جدا مادام عقليه تسبق سنه
وايضا انا لى تجربه شخصيه ولعلمك اوقات يكون اكبر سنا واصغر عقلا وتفكيرا
انصحيها بالاسراع فالزواج منه ولا تفكر فى فرق السن اطلاقا
وطول حياتها معه حتى لا تشعره بالفارق الذى لن يذكره اطلاقا مادامت توفر له الحياه المكرمه

**noha** · 04-10-2009 09:45 AM

بصي يابسومه المفروض يعني ان هي اللي تحكم على الانسان ده لان فعلا اوقات كتير يبقى سنه اكبر منها ويبقى مخه اصغر والعكس بيحصل لازم تشوف هي هو تفكيره وعقله عامل ازاي وربنا يارب يوصلها للطريق الصح وقوليلها تعمل استخاره ربك هو اللي بيرشد للصح وتتوكل على الله

**كيوبيد** · 04-10-2009 11:31 AM

:ف::ف::ف::ف::ف:

اللي فهمته من رسالتك انه الموضوع انه في شخص متقدم لها...يعني لسه مافيش حب ولا غيره والموضوع بس ان الشخص فيه نفس المواصفات اللي هيا تتمناها...وموضوع السن يعتبر هاجس بالنسبة لها...وممكن هيا نفسها ترفضه بسبب هذا الهاجس... بس هيا خايفة ترفضه عشان خايفة توصل للسن اللي هايكون فيه صعب الزواج بالنسبة لها...هو شخصيا ماعندوش مانع وموافق رغم السن-طبعا لأن هم الاتنين في الوقت الحالي سنهم صغير-

شوفي ياستي...انا اختي متزوجة من شخص اصغر منها ب3سنوات والحمد لله حياتهم ماشية كويس وبالعكس هو رجل بمعنى الكلمة وان شاء الله مخّه يكبر اكتر هو وهي..
بس الفكرة ان الحب اللي بينهم اقوى من فوارق السن والحاجات دي...بس لو الاخت صاحبتك واللي متقدم لها بينهم اعجاب وقوة جذب ومش عايز اقول كمان بوادر حب تطغى على فارق السن تتوكل على الله بعد الاستخارة طبعا والله وليّ التوفيق والله يعين الناكحين يريدان العفاف...
أمّا لو الموضوع انه جوازة والسلام حتى لو الشاب كويس عشان ممكن اكبر بعد سنّ الزواج وتكون مشكلة...فكلنا عارفين ان النصيب غلّاب وربنا بيرزق بالزوج الصالح والزوجة الصالحة....
يعني نصيب الواحد مننا مستنّيه مستنيه...وفعلا الست بتكبر اسرع من الراجل وتنضج أسرع من الراجل...إلا فيما ندر وهو وشطارته...
وعلى رأي ستّي الله يرحمها إنه ثبت بالتجربة ان الوحشة بتتجوز قبل الحلوة لأن الجواز ده قسمة ونصيب....
وشكرا

:ف::ف::ف::ف::ف:

**كوكى** · 04-10-2009 12:30 PM

بصراحة يا بسمة انا رأيي انها مش توافق عليه
لأن فى رأيي ان فارق السن لازم يكون فى صالح الرجل ومش معناه ان يبقى اكبر بكتير كمان
يعنى 5 او 6 سنين بالكتير
ودى مش قاعدة فيه زيجات كتير نجحت وفيه فرق فى السن بين الزوجين لصالح الزوجة
بس يعنى يبقى سنة ولا اتنين لكن 5 سنين صعب قوى
وسورى يا حيكو انا مختلفة معاك فى الرأى ومتفقة جدا مع اسلام انه حتى مش فيه حب يغطى على مسألة السن دى
وده رأيي

**بسمة امل** · 04-10-2009 07:16 PM

انا بشكركم جدااااا لانك شاركتونى النقاش ولكن زى ماقلتلكم الموضوع فعلا محير وصعب القرار فية

انا مع امام العاشقين وكوكى ان الست بتعجز قبل الراجل يعنى لو الاتنين بنفس السن بيكون هناك نضج للست اكتر من الراجل ودى طبيعة خلقها الله لادخل لنا فيها وطبعا مش قاعدة حسب الشخصية

ففى كتير كبار وتافهين وايضا صغيرين فى السن وناضجين يعنى بتختلف

وفعلا يانهى الحاسم هو الاستخارة لان ربنا اللى يعلم فين الخير

بس كنت عاوزة اعرف رأيكم قبل مااتكلم معاها

شكرا ياحكاية ويا امام العاشقين ويانهى وياكوكى لمشاركتكم وماانحرم منكم ابدا

ولو تفضل حد اخر من الاعضاء لابداء رأية الامر لسة مطروح للنقاش

:شك:

**jane dark** · 04-10-2009 08:04 PM

فكره جميله جدااااااااااااااااا وان شاء الله تبقى تواصل بين الاخوه والاخوات
اما انا شخصيا للاسف مش هعرض مشاكلى على حد هنا تانى لانى حرمت
بس من ناحية الموضوع فهو فكره تستحق التقدير والاحترام

**همسة حب** · 04-10-2009 08:38 PM

والله يا بسمه انا رايى ان صعب اوى تكون البنت اكبر من الولد

لان اولا التفكير البنت هتكون اكيد انضج لان ثبت عن تجارب وابحاث ان عقل المراه بينضج اسرع من الرجل
وغير كمان ان الشكل البنت شكلها بيكبر قبل الولد

ده باه رايى

**المستغفرة دائما** · 04-10-2009 09:15 PM

السلام عليكم
اولا فكره ان كل واحدنده مشكله يقولها وكلنا نشاركه فيها دى جميله جدا
واحييكى عليها بجد
اما بالنسبه لموضوع صاحبتك فرأيى ان الحب بيسهل كل حاجه يعنى هى لو بتحبه بجد مش هتخاف لا من فرق سن ولا حاجه ابدا ودا برضه مع انه لازم يكون بيحبها عشان هو كمان فيما بعد مايحسسهاش بفرق سن بينهم .
وعلى فكره مش بالسن والله فى ناس كبيره فسنها وصغيره جدا فى تفكيرها ومخها
خليها تتوكل على الله بعد الاستخاره وان شاء الله اللى فيه الخير ربنا يقدمه
وبلاش نتحجج بمواضيع تافهه سن ايه وكلام فارغ ايه
اللى ليه نصيب فحاجه وربنا كاتب له حاجه هيشوفها وهتحصل مهما كان ومهما عمل
وتقبلى رأيى ياقمر وان شاء الله ربنا يهديها للخير