بلاش انا.....

**ReRe** · 14-04-2008 02:37 AM

بلاش انا
لو كانت كل وعودك كدب...بلاش انا
لو كان كل كلامك كدب ف كدب...بلاش انا
لو كان احساسك برده كدب...بلاش انا
لو سهل عندك تجرح قلب ...بلاش انا

تعالي أقولك بلاش انا ليه
تعالي اقولك وبعد كده مش هقولك بتعمل ايه
تعالي اسمعني وبعدها جرحك مش هبكي عليه
تعالي افهم اشمعني انت وبلاش انا ليه؟!!

لو كان اختياري ليك غلط ...سيبني
لو كان حبي ليك ذنب...اجرحني
لوكانت ثقتي فيك غلطه..خوني

لوكنت شايف حبي ليك قلل مني يبئا من حقك تدوسني

لو كنت شايف سهري جنبك ضيع كرامتي يبئا من حقك.....

انا همشي دلوقتي واسيبك
هسيبلك دم جرحي السايل بايدك
هسيبك تكتب حروف البدايه
بداية قلب مات بداء الهوي..مات عاشق بين ضلوع خاين كان فاكره الدوا
بداية نهايتي
يابو قلب مات من مليون سنه...

**Hot Ice** · 14-04-2008 02:52 AM

ممكن

أاقولك

.
.
.
.
.

يخرب عقلك !!!!!!!

روعه روعه يا ريري ...

**ReRe** · 14-04-2008 03:01 AM

مش قوي كده لتغر

عمتا ان ماقصدتش الكلام قد ماقصدت الفكره

ان لما بنت تحب ولد وتثق فيه ياريت مايبقاش جزاءها انه يعاملها علي انها مستهلكه

وثقتها تترد ليها بعدم ثقه

اكتر كلمه بنسمعها...

مش هتجوز واحده حبيتها او خرجت معاها

طيب ليه ماتبص هي كانت بتعمل كده ليه

ماتفكر هي قبل كانت ايه وبعدك كانت ايه

شكرا ليك ياهوت

واسفه علي التصديع

**Hot Ice** · 14-04-2008 03:26 AM

الفكره واصله فعلا .. والكلام اللي ماقصدتهوش ده

طلع من اجمل مايمكن شعريا .. بالضبط لحد التلت الاخير منه !

نرجع للفكرة .. للأسف في غالب الاحوال حقيقي اللي بيحصل

لكن عزائنا ان الاقليه بتقدر وتفهم كل حاجه بتعملها البنت وازاي بتعملها وليه

وعزائنا كمان ان مع الوقت وحتي لو الاغلبيه دول سابوا البنت

هيعرفوا وهيندموا بعد كده انهم ضيعوا حب استحاله يلاقوه تاني !!!

**ReRe** · 14-04-2008 03:35 AM

تفتكر؟؟؟؟

اتمني ده طبعا

واتمني ان كل بنت تلاقي اللي يقدرها
وانا مايجيش حد يبدلها بوحده تانيه ويقولها مش عايزك كفايه كده عشنا اللحظه وباي ياعسل

حاسه اني في وقت هكون مجبره اني ارحل عن هنا علشان اعرف ابدا تاني

ياما هفضل هنا بس هفضل كمتفرج علي مسرحية الحياه وليس بطل فيها

عارف الفكره دي مسيطره عليا لدرجة....
هههههههههههه ماتشغلش بالك

شكرا علي المتابعه

**Hot Ice** · 14-04-2008 03:47 AM

( ...حاسه اني في وقت هكون مجبره اني ارحل عن هنا علشان اعرف ابدا تاني

ياما هفضل هنا بس هفضل كمتفرج علي مسرحية الحياه وليس بطل فيها )

دي ريري القديمه !! لو سمحتي اصرفيها !

**ReRe** · 14-04-2008 01:17 PM

ههههههههههههههه

علي اساس ايه اني بدلت ريري القديمه بواحده جديده بكرتونتها هههههههههه

انت فاكر موضوعك بتاع ان اننا بقلب واحد وروح واحده لما بنتغير مابنعرفش نغيرهم

انا اه حد جديد بس مش زي مانت متخيل

يعني انا ماتخلتش عن الماضي ولا الذكريات

في حاجات هتفضل ملزماك حتي لو عملت ايه

انا لما بقول انا حد جديد

انا بقول اني حد راضي بكل لحظه بعيشها سواء فرح او حزن
بقول اني هتغلب علي كل حاجه
لاني اقدر استغل كل حاجه لصالحي
اقدر استغل حزني قبل ما استغل فرحي
انا اقدر دلوقتي اتغلب علي ضعفي لاني مش ضعيفه

انا بطلت الاوامر السلبيه اللي كنت بديها لنفسي

الحمد لله حياتي اترتبت

بس لسه جزء اللي حبايبي بيشاركوني فيه

لانهم هما بس اللي بايديهم يرتبوه

فهمت قصدي

فهمت انا ايه

يعني مش انا اللي هقول دلوقتي هوت بالنسبالي ايه

هوت بس هو اللي بايده يقولي هو ايه.....

شكراااااااااااااااااااااا ااااااااااااااا وياريت تكون فهمت قصدي

وبرده انا اسعد واحده في الدنيا