الالبوم الجديد لعمرو دياب اتسرب ولا؟؟؟؟؟

[● Moataz FoKak Meny Shoman ●]

طبعاً كل شوية حد بيقول الألبوم إتسرب .. وحد يقول لأ ده متسربش
لكن محدش عارف الحقيقة فين

الحقيقة إن الألبوم فعلاً إتسرب .. زى ما حصل السنة إللى فاتت بالظبط
أول ما عمرو يسلم الماستر لروتانا والألبوم يبقى فى مرحلة الطبع .. تبدأ عملية التسريب من داخل روتانا

السنة إللى فاتت بعد ما عمرو سلم ماستر (كمل كلامك) الألبوم إتسرب كامل ونزل على النت ومعاه غلاف السى دى
نفس إللى حصل السنة إللى فاتت حصل الأيام دى مع الألبوم الجديد .. بس لحد دلوقتى ربنا ساترها .. إزاى؟

السى دى إتسرب ومعاه تصميم الغلاف كمان بس وصل لناس محدودة جداً .. المعروف منهم لحد دلوقتى هو شخص واحد عضو فى المنتدى الخاص بالموقع الرسمى لعمرو ورفض إنه ينشر الألبوم أو يسمح لحد إنه ينزله على النت

هتقولوا يا سلام وده معقول .. أكيد أى حد معاه الألبوم كان زمانه نزله على النت طبعاً
بس لأ مش كل الناس ممكن تعمل كده .. إللى وصله الألبوم واحد زينا بيعشق عمرو ويهمه مصلحته .. مش مجرد واحد مستنى شريط عمرو دياب الجديد
وعشان كده مرضيش ينزله مع إن الناس قالت ده معندوش حاجة وبيعمل منظر لدرجة إن الإدارة عشان كانت فاكرة إن مفيش تسريب حصل ردت وقالتله لو عندك حاجة نزلها !!!

وهو أثبتلهم إن معاه سى دى متسرب للألبوم وبعتلهم منه حاجات على الإيميل عشان ماينزلش حاجة من الألبوم جوه المنتدى

إللى أكد الكلام ده هو إدارة الموقع الرسمى لعمرو وإللى عملت موضوع مثبت بتشكر فيه العضو ده على إنه محتفظ بالنسخة إللى معاه لنفسه ومش هيسمح بنشرها على النت


ده الموقف لحد دلوقتى عشان اللخبطة والكلام الكتير إللى بيتقال دلوقتى عن التسريب
وربنا يستر والألبوم مايوصلش لحد ينزله على النت