رايك ايه فى المغتصبه

**Hegazy** · 13-04-2008 03:26 AM

يا ترى ممكن تتجوز

واحده مغتصبه

وتم هتك عرضها

مع العلم طبعا ان ده رغم عنها

طيب لو البنت دى كانت حبيبتك اللى مالكش غيرها وده حصل معاها

هاتسبها وتتخلها عنها فى الوقت اللى هى محتاجلك

ومحتاجه ترميم الشرخ النفسى والحاجز اللى اتبنى جواها

طيب بلاش انت

يا ترى ايه نظرة المجتمع للبنت دى

اكيد فى اللى هايبعد هنا ويقول دى مش محترمه
مش عارف ليه مع انها ملهاش زنب فى ده

وفى اللى هايقدر ويفهم موقفها

يا جماعه لو سمحتوا عاوز اجابات صريحه ومقنعه
مش مثاليه وكده

وكل واحد يقولى لو ده حصل مع حبيبته

او مراته

او حتى امه او اخته

ايه اللى ممكن يعمله

وكمان للبنات

لو واحده صاحبتك حصل معاها كده

هاتسبيها

ولا هاتتمسكى بيها وهاتقفى جنبها

ربنا يبعد عن الجميع الحاجات دى

بس دى حاجات فى مجتمعنا وماينفعش نغمض عنينا عنها

**Messi** · 13-04-2008 11:46 PM

بص يا افندى هو انا اتعاطف اه معاها ولو احتاجت اى حاجه اقدر اساعدها بيها اكيد طبعا تحت امرها وهقف جمبها وكل حاجه
انما الجواز حاجه تانيه
وبعدين معلش مفيش واحده هتكون ماشيه فى السليم 100% وبتروح بيتها بدرى
ومبتمشيش فى اماكن مقطوعه ولبسها تمام وهتتعرض للاغتصاب ده مستحيل.
شكراااااااااااا يا نجم ع الموضوع

**Hegazy** · 13-04-2008 11:47 PM

هىهىهىه لا احرجتنى يا ميسى يا اخويا

**Haneen** · 16-04-2008 09:41 AM

لا حول ولا قوة الا باللة لا طبعا لو صاحبتي لايمكن اتركها وهاساعدها تتخطي ازمتها لانو دة حقها عليا شكرا لموضوعك

**Hegazy** · 17-04-2008 02:55 AM

ميرسى حنين على رايك و على المرور و الرد

**● **Snow White** ●** · 18-04-2008 01:08 AM

لو صحبتى هبقى جمبها طبعا بس بالنسبة للولد معرفش بس هيا فى كل الاحوال هيبقى مستقبلها ضاع و بس

**..●●**آه...لو**●●..** · 18-04-2008 01:12 AM

الموضوع واضح زي الشمس زي ما ميسي قال امشي عدل يحتار عدوك فيك
بس من الجانب الانساني انا قلبا وقالبا معاها لو عرفت بعد الجواز يبقى هكمل من غير حتى محسسها ان حصل تغيير بس لو قبل ممكن ارفض ده في رايي الصغنطوط

**| **Silent Guardian** ●** · 18-04-2008 01:16 AM

بص يا عم حجازي
في تلات احتمالات للموضوع ده
الاولاني البنت دي معرفهاش اساسا
التاني , اعرفها و متعلق بيها و يا ترى هتقدم لها واللاه لا
التالت اعرف بس مرتبط بيها او خاطبها

في الحالة الاولانية , كل اللي هقوله , لا حول ولا قوة الا بالله
و مش هفكر اني اتكلم عليها , و لو سمعت حد بيتكلم عليها هسكته , و اقوله حرام عليك كفاية اللي جرالها
بس مفتكرش اني هحاول اتعرف ليها , بس لو حصلت بالصدفة مش هيبقى في مشاكل يعني

الحالة التانية اني اعرفها اساسا , في الحالة دي هنفضل اصحاب و بس , بس مش ممكن الموضوع يتطور لاكتر من كده حتى لو كنت معجب بيها مسبقا

الحالة التالتة , اننا مرتبطين او مخطوبين اصلا ,
ممممممممممممممممممممم
قرار صعب

بس انا عارف نفسي لو بحبها , مش هقدر اسيبها خصوصا ان الموضوع حصل غصب عنها , انما لو كانت جوازة صالونات , ممكن منكملش مع بعض
دي الصراحة

**Hot Ice** · 18-04-2008 01:46 AM

موضوووووع شااااااااااائك

واصعب مراحله اني اكون مرتبط بيها !!

طب هعمل ايه ؟؟؟؟؟؟؟

حاجه من اتنين يااما هجرحها .. يااما هجرح نفسي

وغالبا هجرح نفسي .. لأنه مش ذنبها ..

طب ايه جرحي لنفسي ؟ جرحي هو ان عمري ماهنسي

اللي حصل لها .. وهيفضل ملازمني حتي لو مابينتش لها

وحتي لو نسيت لحظيا في ازدحام الحياة .. لازم هفتكر

خصوصا خصوصا في العلاقه الخاصه بين الزوجين

علشان كدا الموضوع مش بالسهوله دي !!!!!!!!!

**Hegazy** · 18-04-2008 08:48 PM

ميرسى يا جماعه على المرور والرد بس انا كنت عايز اسالكم على حاجه تفتكروا المغتصبه لو كانت متجوزه يعنى فى حياتها بينها و بين جوزها الحياه هتبقى عامله ازاى هيسيبها ولا هيقف جنبها ولا هيتخلا عنها ولا ايه بالظبط يا ريت اعرف5 رايكم