حوار مع الكبار

[حكايه]

بما ان مونى اخدت فترتها
والنت عندها بعافيه فالشغل الايام دى
اسمحولى انا هنقل الموضوع للعضو التالى
وهو حبيب قلبى وابن حبيبتى
كريم...راميلو .. مشرف رابطة عشاق الهضبه

[حكايه]

لا وكمان هنولك شرف اسئلتى اول واحد كمان

بصراحه..قلنا ايه الجانب فعمرو دياب بتعشقه وجانب اخر تتمنى لو لم يكن فيه

انت اخترت دراستك ولا هى اللى اختارتك..تنسيق او نتيجه او كده يعنى؟

لو حسيت انك مش طايق حد هنا فالمنتدى ممكن تسيب المنتدى بسببه ولا بتعرف تفصل بين الشخص والمنتدى؟

امتى تقول لحد انك فعلا بتحبه اوى وامتى ممكن تقولها مجامله؟

ممكن فيوم من الايام تندم على شىء اتمنيته؟ مثلا حبيبيه او بيت منتدى انضميت ليه؟

دموعك غاليه ولا ممكن تنزل على اى حاجه؟.؟وايه الحاجه الى ممكن تبكيك بحرقه؟

[كوكى زمالك]

اولا ميرسى أوى يا حيكو أنك ناولتنى الشرف دا يا خويا وبينى وبينك انا مش كنت عاوزة بس مش مشكلة أنا وقعت بقى وخلاص وهجاوب

بصراحه..قلنا ايه الجانب فعمرو دياب بتعشقه وجانب اخر تتمنى لو لم يكن فيه؟

بعيد عن أن عمرو دياب فنان غنى كل الاشكال من حزن وفرح ورمانسى وعتاب وشعبى فى أغانى قديمة الا ان عمرو دياب اللى شدنى ليه دماغة عنده دماغ عاليه جدا فى التفكير بيعمل لكل حاجة خطة مثال على كده أنو بنزل أغانى ألبوماتة فى الوقت الصح وأن مقصدش ميعاد الالبوم أنا بقصد كلمات الاغانى وتليحنها يعنى أنا مثلا سمعت حوار لبهجت قمر قال أن أغنية مالك كانت جاهزة علشان تنزل فى ألبوم أكتر واحد يبحبك لكن عمرو بذكائه شاف أن دى مش وقتها ونزل مكانها أغنية طبعا كلنا عارفينها بعد الليالى ودا الجانب اللى شدنى لعمرو دياب قوى وأنا بعشق النوع ده من الناس دا بجانب طبعا أغاي اللى محدش يختلف عليها.......... الجانب اللى أتمنى مش أشوفة فى عمرو أنه بقى مغرور شوية ودا طبيعى فى ظل أنه متربع على العرش الغنائى لوحدة بس بعقلية عمو وذكائة بعتبر دى حاجة مش كويسة وكمان عمرو فى حاجة برضة مش كويسة أنه بياخد ساعات أغانى من مؤلفين يغنيها فى الحفلات وبعد كده مش تعجبة ومش يأخدها ساعتها الاغنية بتتحرق بالنسبة للمؤلف ومحدش يرضى يأخدها منه ويضيع علية تعبه فى الاغنية ودى حصلت كتير ونفسى عمروقوى يتخلص من الحاجتين دول

انت اخترت دراستك ولا هى اللى اختارتك..تنسيق او نتيجه او كده يعنى؟
لا هى اللى أختراتنى يا كبير أنا كان نفسى أخش هندسة بس لعنة الثانوية العامة والارقام العشرية حالت بينى وبين الهندسة على نص فى المية ودخلت تجارة عين شمس بس الحمد لله خيرها فى غيرها والواحد مش عارف ربنا مقدر له أيه
لو حسيت انك مش طايق حد هنا فالمنتدى ممكن تسيب المنتدى بسببه ولا بتعرف تفصل بين الشخص والمنتدى؟
اااااااااااااااطلاقا أولا هفصل بين الشخص والمنتدى تانيا أنا لو طايقة هقوله أنا مدايق منك فى حاجة وأشوف رده عليا وبعدين مش ينفع اربط بين حاجتين هما منفصلين عن بعض يعنى أنا مثلا زعلان مع صاحبى أزعل مع أخوه أو اى حد يعرفة مثلا....

امتى تقول لحد انك فعلا بتحبه اوى وامتى ممكن تقولها مجامله؟
لما أنا أحس أنى بحبة قوى وأتاكد أنه هو كمان بيحبى قوى ساعتها هقولها أكيد أنى بحبة وبعشقة وبموت فيه كمان........ أنا عمرى ما بجامل حد مش من طبعى لان اللى على قلبى على لسانى لانى من الاخر ليا وش واحد هو الوش اللى اتولد بيه
ممكن فيوم من الايام تندم على شىء اتمنيته؟ مثلا حبيبيه او بيت منتدى انضميت ليه؟
اه حصلا فعلا أنى ندمت مرة على حاجة كده مع أنى لسه بحب الحاجة أوى ولسه بندم انى عرفتها علشان هى مش تستاهل اللى أنا عملته أو بعمله
دموعك غاليه ولا ممكن تنزل على اى حاجه؟.؟وايه الحاجه الى ممكن تبكيك بحرقه؟
لا هى مش غالية على قد ما هى قليلة لانى لما عينى بدمع بتبقى غالية أوى عندى زى دموعى ........ اللى ممكن يبكينى بحرقة بجد لما أكون فى ظروف خارجة عن أرادتى ومعرفش أصلى ولما أقعد مع نفسى أفتكر أن ربنا مش هيسامحنى مش هيتقبل العذر منى ممكن أعيط جامد بسبب حاجة زى دى ..........

الحمد لله الاسئلة خلصت يالهوى أسئلة رخمة من واحد أرخم منها هههههههههههههه
:ka::ka::ka::ka::ka::ka::ka::ka:

[كيوبيد]

ياراميللو...
أهلا بيك في حوار مع الكبار ...
يارب تكبر زيادة كمان وكمان

انا أسئلتي ليك هاتكون مختلفة وجديدة..
بما إنك رئيس رابطة عشاق الهضبة..

عايزك تجاوب وتعبّر عن كل سؤال مما يلي باسم أغنية أو كوبليه من أغاني الهضبة عمرو دياب..
..
وريني بقى انت قد ايه مذاكر...

1- متى كان أول حب في حياتك..
2- تعمل ايه لو حبيبتك معاك بالجسد ولكن روحها وعقلها في مكان اخر...تقول لها ايه.؟؟
3- وانت بتكبر وحاسس ان العمر لسه قدامك كبير..تفتكر تقول ايه.؟؟
4- لو زعّلت حبيبتك...تقول لها ايه؟؟
ولو زعلت منها تقول لها ايه؟؟

5- انا ايه بالنسبة لك؟؟

6- إيه أمنيتك في الحياة؟

7-للأم...ماذا تقول؟؟

بحبك...مبسوط؟؟

[كوكى زمالك]

هههههههههههه ماشى يا سمسم أنت أكتر واحد كنت خايف منه بس طلعت أسهل واحد ممكن أقابلة دى ردى على أسألتك
1- متى كان أول حب في حياتك.

كده عينى عينيك

2- تعمل ايه لو حبيبتك معاك بالجسد ولكن روحها وعقلها في مكان اخر...تقول لها ايه.؟؟

ولسه بتحبة

3- وانت بتكبر وحاسس ان العمر لسه قدامك كبير..تفتكر تقول ايه.؟؟
سنين

4- لو زعّلت حبيبتك...تقول لها ايه؟؟
وهى عاملة أيه... أدينى أرجعتلك
ولو زعلت منها تقول لها ايه؟؟
لو كان يرضيك

5- انا ايه بالنسبة لك؟؟
قلبى أختارك
6- إيه أمنيتك في الحياة؟
وياه
7-للأم...ماذا تقول؟؟

أنتى فى دمى

* ملحوظة :- أختيارى للاغانى دى بتعبر عن وجهة نظرى أنا يا سمسم لو ليك وجهة نظر تانية يبقى أكتبهالى ........ باى وأتمنى منك يا حكاية أنك مش ترشح حد بعدى لحد ما ارجع من القاهرة ولو أخترت أنا برشح جميلة أو كيوبيد:ق1::ق1::ق1::ق1:

[كتكوتة المنتدى]

معلش ياكيمو ممكن اسئلتى تكون رخمة شوية

1- مين اكتر حد حبيته فى المنتدى

2- مين اكتر حد احترمته فى المنتدى

3- حبيبت قبل كده وندمت او حبيبت ولسة بتحب

4- مين اعتبرته فى المنتدى صديق واخ

5-عرفى الشخصيات الاتية بكلمة او كلمات قليلة:

حكاية

كيوبيد

جميلة

سلطانة زمانى

على

سحر الشروق

باسم

بركان الاحزان

ورميووووووو

مونى

كفاية بقى كده اسئلة يارب مش تكون رخمة

[كوكى زمالك]

علش ياكيمو ممكن اسئلتى تكون رخمة شوية

لا ولا يهمك يا هبة أسألى براحتك يا كتكوتة المنتدى


1- مين اكتر حد حبيته فى المنتدى؟

أنا أكتر حد حبيتة فى المنتدى هى أمى طبعا ست الكل موووووونى ومفيش حد بينافسها فى الحب ده

2- مين اكتر حد احترمته فى المنتدى؟

هما أتنين ومش ينفع أفضل واحد فيهم عن التانى حكاية طبعا وكيوبيد لانهم بجد أصحاب وأخوات وأصدقاء لابعد الحدود

3- حبيبت قبل كده وندمت او حبيبت ولسة بتحب؟

آه يا هبة حبيت وندمت ولسه بحب اللى ندمت عليه ده

4- مين اعتبرته فى المنتدى صديق واخ؟

طبعا حكاية وكيوبيد برضة أخوات وصحاب بجد

5-عرفى الشخصيات الاتية بكلمة او كلمات قليلة:

حكاية
عاشق وفارس الرومانسية والحب فى زمن لا يعرف هذا الحب والرومانسية
كيوبيد
أفضل ما يقال عليه رجل من الزمن الجميل أو من زمن أخر أو من الرجال القلائل الذين انقرضوا من زمن
جميلة
هى فعلا جميلة وأجمل الجميلات ولكنى أطلق عليها وش السعد على المنتدى

سلطانة زمانى
لم أعرفها كثيرا ولكن أى شخص من البلد المحبة إلى قلبى السعودية أكيد شخصية محترمة ومحبوبة بالنسبالى

على
يارب أكون زيه راجل وصديق وصاحب أتشرف بمعرفتة وأتباهى به

سحر الشروق
أنتى حبيبى قلبى يا هبة وأخر العنقود

باسم
أعتبرة صديقى قبل أن يكون أخى

بركان الاحزان
تومة دا حبيبى صاحب صاحبة بجد وجدع جدا واللى مش يعرفة يبقى معرفش جدعنة أمبابة قبل كده

ورميووووووو
أبن بلدى الشرقية يعنى الجدعنة والكرم والشهامة والرجولة وأنا بحترمة جدااااا

مونى:ق1::ق1::ق1::ق1::ق1:
دى أغلى ما عندى أمى يا جدعان يعنى روح قلبى وعقلى يعنى الحنان كلة والطيبة وبجد أنا مش لاقى كلام غير ربنا يخليهالى لان الكلام قليل عليها .. بحبك يا ماااااااااااااماااااااااا اااا

كفاية بقى كده اسئلة يارب مش تكون رخمة
ولا يهمك يا كتكوتة أسألتك حلوة ولذيذة زيك ..........:ق1::ق1::ق1:

[كوكى زمالك]

اى حد عاوز يسألى يبقى يسيب أسئلتة وانا لما ارجع هجاوب عليها هتوحشوووووووووونى اوى

[حكايه]

ياعينى ع الحلو لما تبهدله المنتديات هههههههههههه

[كوكى زمالك]

طبعا حلو غصبن عنك هههههههههههههههههههه بحبك يا حيكو