الحبيب الذي لن يخذلك أبداااا

[ali_202000]

لو كنت حبيب وبتدور على الحب ومش لاقيه
ولو كنت حبيب مخلص ومش لاقي الإخلاص في الحب
ولو كنت حبيب مش لاقي اللي يسمعك وتسمعه
ولو كنت حبيب بيحب لكن مش حاسس بحب
ولو كنت حبيب بيحب كل يوم ومش لاقي اللي يستاهل
ولو كنت مش بتحب لأنك فقدت الأمل انك تلاقي الشخص المناسب


كل ده لسبب .....

لأنك ممكن تحب وتلاقي الحب
ولايمكن اللي هقولك عليه ده مايكونش مخلص في حبه ليك لو كنت مخلص ليه في حبه
ولا هيكون ثانيه واحده بعيد عنك وانت بتكلمه ودايما هيسمعك بالعكس ده لو عليه عايزك كل يوم تكلمه
وهتحس معاه بحب كبير وفرحه ما توسعاش الدنيا كلها
لأنك أخيرا هتلاقي أكتر حاجه تستاهل انها تتحب
ومش هتلاقي حاجه في الدنيا تستاهل أكتر منه انها تتحب

ده ربنا سبحانه وتعالى ... اللي كلنا ناسينه في كل حاجه في حياتنا
وبعدنا عنه لأننا حاسين بسعاده في الدنيا مع انها قمه التعاسه في البعد عن الله
وقربنا ليه بس بيكون لأننا حاسين بندم او محتاجين حاجه

حبك لربنا هينور طريقك .. ويزيد الفرحه في دنيتك .. ولما تكون إنسان بيحب ربنا وقريب ليه

والقرب لربنا مش شيء صعب ده خمس دقايق خمس مرات في اليوم ربنا هيكون سامعك فيهم ودايما هتلاقيه موجود

مش زي واحد او واحده بتحبها ممكن توعدك وتخلف بوعدها او بوعده ليك

ربنا دايما جنبك وبيحبك ... لكن شيطانك هو اللي بيبعدك عن طاعته وعن حبه وعن القرب ليه

وكلنا بنسمع للشيطان وبنكون مش حاسيين ... لأننا فاكرين ان كلامه صح
لأن نفسنا أماره بالسوء ... وكلنا هنحب الشيء الحرام .. الممنوع مرغوب دايما للإنسان ولكن أعمالنا هنتحاسب عليها ...

قال تعالى : " وَقَالَتْ الْيَهُودُ وَالنَّصَارَى نَحْنُ أَبْنَاءُ اللَّهِ وَأَحِبَّاؤُهُ قُلْ فَلِمَ يُعَذِّبُكُمْ بِذُنُوبِكُمْ بَلْ أَنْتُمْ بَشَرٌ مِمَّنْ خَلَقَ يَغْفِرُ لِمَنْ يَشَاءُ وَيُعَذِّبُ مَنْ يَشَاءُ " المائده 18

تجاربي في الحياه أثبتتلي انك لو بعدت عن ربنا ... كل حاجه في الدنيا هتبقى بتاعتك ... ايوه فعلا كل شيء هيبقى ليك وبسهوله ... إلا ... إلا الحاجه اللي انت تتمناها مش هتكون ليك .. لأنك قصرت في حق اللي خلقك ...

لو كنت فعلا نفسك من جواك تحب وتتحب من شخص في الدنيا ....
لازم تحب اللي هيكون جنبك وشايفك في كل وقت ... عشان تقدر تحب حد تأتمنه على بقيه حياتك وعمرك

وصدقني .. لو حبيت ربنا وقربت ليه مش في صلاتك وبس انما في كل حياتك وتصرفاتك ...
حتى حب ربنا سبحانه وتعالى هيغفر ذنوبك

قال تعالى : " قل إن كنتم تحبون الله فاتبعوني يحببكم الله ويغفر لكم ذنوبكم " آل عمران 31

هتلاقي حب يغنيك عن اي حب ... ولو ساعتها نفسك تحب بردو .. هتحب وانت مطمن إنك هتلاقي انسان هيحبك ويخلص ليك ومستعد يكون جنبك طول عمره

عارف ليه ؟؟؟؟

عشان ربنا - عز وجل -اللي كان جنبك من اول الطريق ... هو اللي هيختاره ليك...
ولايمكن ربنا يختار ليك شيء مش كويس او مش مناسب ليك ...

وده دعاء ممكن تقوله يمكن ربنا يكرمك بحبه ...

" اللهم إني أسألك حبك وحب من يحبك وحب عمل يقربني إلى حبك ، اللهم ما رزقتني مما احب فأجعله قوة لي فيما تحب ، وما زويت عني مما أحب فأجعله فراغاً لي فيما تحب ، اللهم اجعل حبك أحبّ إليّ من أهلي ومالي ومن الماء البارد على الظمأ ، اللهم حببني إلى ملائكتك وانبيائك ورسلك وعبادك الصالحين ، اللهم اجعلني أحبك بقلبي كله وأرضيك بجهدي كله ، اللهم اجعل حبي كله لك ، وسعيي كله من مرضاتك "


وفي النهايه أحب أقولكم إن اللي مش هيكفيه او يغنيه حب ربنا ... مش هيكفيه شيء أبدا في الدنيا

[see_1987]