الزواج العرفى بين الشباب

[igetmylovestory]

طبعا ده موقع شباب
وعشان نبقى شباب صح الح
لازم نتكلم فى كلام يفيدنا شوية
اللى حاسس ان الموضوع ده
جدير بالمناقشة انا منتظر رده
روميو

[Spider GirL(•'.'•)]

اكيد طبعا روميو الموضوع جديرا بالمشاركة
بس انت لسة ما تكلمتش فيه ولا وقولت اى حاجة

[| Nadooosh ●]

وانا كمان موافقة نتناقش فية
بس خش علينا انت بالبداية وملكش دعوة

[Hot Ice]

هنتناقش في ايه بس يا جماعه ؟؟

هو حد مختلف انها مصيبه كبيرة وابتلينا بيها !!!!

[Spider GirL(•'.'•)]

نتناقش فى اسبابها ودوفعها ونتيجها كمان

[Haneen]

اولا بتشكرك للموضوع ورايي الشخصي انو هاي صارت ظاهرة كتير منتشرة وبتصير بين اجواء كتيرة خاصة شباب الجامعات وبرايي انو دة غلط لانو الزواج اول شروطة الاشهار والشرط دة مابيتوفر بمثل النوع دة من الزواج وبدعي ربنا انو يهدي شباب المسلمين ويحفظ بناتهن

[● همسة ●]

هى فعلا كارثه وحتى مع وسائل التوعيه المختلفه
مازالت مشكله قائمه
ربنا يحفظ شبابنا ويقيهم شر انفسهم

[mr_gawafa]

بسم الله الرحمن الرحيم
طبعا كلنا متفقين ان ده من اشد واخطر الاغلاط اللي بيقع فيها الفرد

بس تعالوا نبص بنظرة عميقة شوية كده...

ايه الاسباب اللي بتدفع الواحد لعمل كده؟

حاجتين:
1- واحد يكون اخلاقه بايظة وغرضه من البداية في البنت وحش ويبدأ بفيلم الانسان الطيب البرئ لحد اما يتمضي علي الورقة ويحصل اللي يحصل وبعدين يبتدي يظهر
( وده حله مش عند حد)

طبعا ربنا ينجينا من النوع ده لأن النوع ده هو صورة الشيطان علي الأرض ويارب يهديهم

2- النوع التاني بقي يكون الواد كويس فعلا (بس مش كويس اوي..او كويس اوي بس فكر بغباء لدرجة الغلط)
بس تعالوا بصوا عالواد ده فكر ازاي.
ياااه انا لسة قدامي 4 او 5 او 7 سنين علي مخلص ( علي حسب الكلية) والبنت دي انا بحبها حب عبادة وهي متقدرش تستغني عني ومستعد اعمل المستحيل عشانها...طيب اعمل ايه..اكلم ابوها...هيطردني برة البيت...هتستناني لو قعدت ترفض عرسان هيفتكروا عنها حاجة وحشة او ابوها هيقلب الدنيا ولو قالت انها بتحب واحد مش هتشوف الشارع تاني....طيب والحل
طبعا الشيطان مبيسكتش هنا ولازم يأدي دوره في الحياه ويقترح حكاية الجواز العرفي دي سلاح ليهم قدام ابو البنت وميعرفش انه كده ضيعها وضيع نفسه

طيب والحل....
الحل مش هيكون بإيد الواد بس..لا ده بإيده وايد الاهالي كمان

الرجاء بيبقي للأهالي تبقي متفهمة ومش متعصبة حتي لو تقيل علي قلبها...اللي هو الدنيا مش هتقف لو البنت استنت سنة ولا اتنين بعد التخرج لكن بعد كده ماشي ارفض بس اسمع للواد مش ممكن يكون كويس وشجعه علي المذاكرة عشان يبقي كويس

طيب والواد...
افهم انك لو بتحب بجد تعمل اي حاجة ي صالح اللي بتحبه حتي لو كانت تبتعد عنه..لكن مش جواز عرفي ياراجل ده كده قلة ادب
وخلي قلبك جامد وكلم ابو البنت ايه اللي هيحصل يعني...والاب يكون متفهم ويقدر انك مش بتلف علي بنته ده انت بتكلمه شخصيا عشان بنته يبقي انت مقدره ومقدر بنته واللي فيه الخير يقدمه ربنا
يعني الحالة دي حلها عند الطرفين...الطرفين فيه خلل
يارب تكون رسالتي وصلت
وبجد شكرا اوي علي الموضوع ده اللي فتح المجال للكلام
وربنا يهدي الكل