ماتيجو نحارب الفقر في ربع ساعه!!!(( ارجو التفاعل))

**ReRe** · 05-04-2008 07:48 PM

السلا م عليكم ورحمة الله وبركاته

سورة الواقعة :

قال رسول الله صلى الله عليه و سلم (( من قرأ سورة الواقعة كل ليله لم تصبه فاقة ابداً .

وأيضًا ورد عن النبي ـ صلى الله عليه وسلم ـ أنه قال"علموا نساءكم سورة الواقعة فإنها سورة الغنى"

صدق رسولنا الكريم عليه افضل الصلاة والسلام

ايه بئا??
في حد يبقي عنده سوره عظيمه زي سورة الواقعه ويقول انا فقير ومش لاقي!!!!!!

يلا بينا ياجماعه نحارب الفقر

ومش هتاخد مننا ربع ساعه

وسورة الواقعه من السور السهله اللي بتتحفظ بسهوله

ياجماعه انا النهارده بدعوكم اننا نقري سورة الواقعه كل يوم علشان نبعد عننا الفقر

وياريت كلنا نحفظها ونقراها قبل النوم

اتمني اشوف مشاركتكم معايا وياريت ننشرها علي كل اللي حولينا
وماتنسوش تدعولي

اختكم في الله رحاب ابوورده"

**Spider GirL**(•'.'•) · 05-04-2008 09:59 PM

جزاكى الله كل خير رحاب وجعله فى ميزان حساناتك

**| Nadooosh ●** · 06-04-2008 01:41 AM

شكرا على التذكرة
وجزاكى الله كل خير ياحبيبة قلبى

**Hot Ice** · 06-04-2008 01:46 AM

والله يا ريري واحد من زمايلي لقيته في يوم بيقولي

علي الموضوع ده .. وكنا بنتكلم عن لخبطة الدنيا

وظروف الحياة المنيله ..

المهم قالي انه واظب عليها وفعلا حاله اتغير

وبيقولي ربنا سهلها معايا مش عارف ازاي !!!

تسلم ايدك يا ريري وجزاك الله كل خير

**| سندباد ●** · 06-04-2008 02:30 AM

ربنا يجازيكى كل خير على مجهودك يا انسة ريري

بس للأسف ،، ممكن تكونى مش تحققتى من الحديث قبل ما تحطيه
عشان هو حديث موضوع عن النبى
وياريت تحذفى الموضوع

وشكرا

**ReRe** · 06-04-2008 02:41 AM

شكرا ليكي يا اماني

شكرا ليك يا بشمهندس احمد...

وربنا يقدرنا اننا نواظب عليها ...

وفعلا انا كنت سمعت مره محمود سعد في البيت بيتك بيروي عن نفسه شخصيا انها فرقت معاه جدا

شكرا للاهتمام والمتابعه وجزاك الله كل خير

**| سندباد ●** · 06-04-2008 02:42 AM

اه
اما اموضوع صاحبك يا هوت ايس فهوموضوع نفسى مش أكتر
وبدأ يشعر بالراحة والتغير لأنه بدأ يكون قريب من ربنا

ويا جماعة انا اسف بس لازم ناخد الدين من مصادره الصحيحة لأن ده منهاج حياه مش مجرد شعارات

**ReRe** · 06-04-2008 02:49 AM

يا اخي الكريم اولا شكرا لمرورك

ثانيا ليه ديما متسرع في كل حاجه ( بلاش في حكمك علي الناس ولا حتي ردودك ولا حتي انك مابتترددش انك تضايق اللي قدامك...)

كلنا نعرف ان فضل سورة الواقعه انها تحمي من الفقر

انت ايه اعتراضك دلوقتي ؟؟؟

واعتراضك علي اي حديث بالظبط

الحديث الاول كلنا حفظينه عن ظهر قلب

والحديث التاني انا افتكر اني قريت القصه دي

دخل عثمان بن عفان علي سيدنا عبدالله بن مسعود وهو يموت , وكان له ثلاث بنات , فقال لابن مسعود:نأمر

لبناتك بعطاء يعني نصرف لهم من المال , فقال: لاحاجه لبناتي في المال , فقال عثمان كيف؟ فقال ياأمير

المؤمنين , علمني رسول الله صلي الله عليه وسلم , من قرأ سورة الواقعه كل ليله لم يصبه فقر ابدا, وقد علمت

بناتي ان يقرأن سورة الواقعه كل ليله .

وده الشيخ اللي انا نقلت عنه الموضوع
محمد رأفت عثمانأستاذ الفقه والشريعة بجامعة الأزهر

**Hot Ice** · 06-04-2008 03:24 AM

انا كمان مستني ردك يا سندباد

**Hot Ice** · 06-04-2008 03:27 AM

وعلي فكرة كون الحديث يصنف انه ضعيف

سواء لتواتر في الرواة او لعدم وروده في احد الصحيحين

فهو لاينفي ثواب العمل به ... وعلي فكرة الموضوع مش نفسي زي ماقلت خااالص