أين ذهب الحب؟؟

**● **همسة** ●** · 05-04-2008 01:31 PM

أين ذهب الحب؟؟
فى يوم حالك الظلمه شديد البروده كعادة أيام الشتاء تظهر هى واقفه فى شرفة منزلها المتواضع تنظر بلهفه زائفه الى الطريق الذى يقطعه كل يوم زوجها ليصل الى المنزل وبينما تنظر,
اذا هى تتمتم بصوت غير مفهوم وذلك حتى لا تسمع ابنتها الصغيره وتعرف مدى التناقض الذى يعيشه والديها فقد كانت تقول : " ايه اللى أخره ده المفروض ييجى بقه علشان احطله الاكل وأدخل أنام"
اذا فهى لم تكن قلقه لماذا تأخر
و.... فجأه!! ظهر!!
" أخيرا جه"
هرولت مسرعه الى المطبخ حتى تضع له الطعام على المائده ومن ثم تدخل الى غرفة نومها قبل ان يصل هو ويتبادلا أى نوع من أنواع الحديث فقلما تحدثا وكثيرا ما كانا يتشاجران ولكن حتى الشجار كان بأعينهما فقط وليس عن طريق الكلام ,
كانا يعيشان فى ظلام دائم وبروده قارسه حيت لم يكن هناك من الدفء الأسرى ما يذيب جدار الثلج الذى يعوق التفاهم بينهما رغم قصة الحب التى جمعت بينهما قبل الزواج :
ولكن.. أين ذهب الحب!!!
وهل يمكن لطفلتهما المسكينه أن تعيش فى مثل هذا المناخ؟!

**ReRe** · 05-04-2008 03:57 PM

الله عليكي ياريبو

بس ايه ده من ورايا X(X(

انا مش هعرف اكل عيش هنا بسببك ولا ايه

ههههههههه نورتي الاقسام الادبيه وانا عارفه انك بتكتبي من زمان بس مسكرته علي الموضوع

بس فعلا قصه اكثر من رائعه

وبتوصف البرود اللي بيعيشه كتير من بيوتنا

وما بيتظلمش فيه غير الاطفال
بس فعلا نفسي اعرف

اين ذهب الحب؟؟؟

ليه ديما بعد الجواز كل حاجه بتروح بيبقي الطرفين باقيين علي بعض من اجل الاولاد

اما الحب ...التفاهم ... مابقتش ليهم مكان

بئا يقولك ..ياعم انا مستحملها علشان العيال واهي واحده بتخدم وخلاص

وهي ... خايفه علي العيال ليجبلهم مرات اب تبهدلهم ...ولا ياعيني هتروح فين لو الطلقت ....

ويفضل الحال ...

برد وتلج و عيشه ....

**● **همسة** ●** · 06-04-2008 01:09 AM

الحقيقه ان ردك اسعدنى جدا يا ريرى
عارفه ليييييييييييييييييه
عشان سيحتيلى على المنتدى يا سوسه

فعلا معرفش ليه الحب بيضيع فى زحمة المشاكل بعد الجواز

**Hot Ice** · 06-04-2008 01:41 AM

دا ايه الموهبه الصاعده الواعده المتوعده المهدده دي !!!

طب بجد يا همسه هايله والله ... عارفه ليه ؟

لأنك رسمتي بكلماتك صورة أو لقطات حيه حتي لو كانت

لقطه صغيره ... بس الموقف والمشاعر المتناقضه والتعبير عنها

بتمكن حلو اوي ... مع انك عملتي زي يوسف شاهين

وسيبتي النهايه معلقه للقاريء او المشاهد بلفظ ادق ..

وبعدين مش تقولي يا ريري من زمان !

انتي كدا لنا في ذمتك يا همسه كل يوم .. او خليها

يوم ويوم .. حاجه جديده هنا في القسم ... والا

فضايح ( الدمج ) هتبقي علي الهوا !!

تسلم ايدك بجد يا همسه وفي انتظار ( اجندتك ) كلها

**● **همسة** ●** · 06-04-2008 11:23 PM

ههههههههههههههههههههههههه ههههه
كده تسييح علنى وعينى عينك
الله يسامحهم اللى فى بالى
على فكره لا فى اجنده ولا حاجه دى حاجات كده كنت بكتبها زمان ايام روقان البال
بس طالما عجباكم ادورلكم على حاجات تانيه زى كده

بالنسبه بئا لردك على القصه
بجد ردك اسعدنى اوى
ده انا طلعت بكتب حلو وانا مش دريانه
ميرسى ليك يا هوت

**Hot Ice** · 07-04-2008 01:50 AM

لأ والله كتاباتك جميله فعلا

ونسيت كمان اقولك ان فكرة وقصة الموضوع عجبتني

ووصفك لمشاعر الزوجه كان جميل اوي ...

وبعدين هاتي بس اللي في الاجنده ومالكيش دعوة

والا هخللي مراسلنا هناك يختطفها !!

**ReRe** · 07-04-2008 10:10 AM

بتوقعنا في الغلط ليه بئا

**● **همسة** ●** · 07-04-2008 05:33 PM

ههههههههههههههههههههههههه هههههه
طيب استر على الجاسوس بتاعك
كده تفضحه
عموما هعتبره تحذير
وهبعت الاجنده فى خزنه من خزاينى الخاصه المنتشره فى جميع البنوك الدوليه
طبعا انتوا عارفين انى صاحبة نفوذ

**● **همسة** ●** · 07-04-2008 05:35 PM

ههههههههههههههههههههههههه ههههه
ده رشقك فى حيطه
يلا ربنا يعينك بئا

**Hot Ice** · 07-04-2008 09:48 PM

انا برضه !!!

انتي بتتكلمي ليه اصلا دلوقتي ؟؟ ~X(~X(~X(~X(

فعلا ماشافوهمش وهما بيسرقوا

شافوهم وهما بيفضحوا نفسهم !!

صبرني يااااارب

معلومات الموضوع

أين ذهب الحب؟؟

الموضوع: أين ذهب الحب؟؟

أدوات الموضوع