๑♥๑ ::: هو انت محترم...؟؟؟

**Cadbury** · 05-09-2009 09:03 PM

متخافوش مش هتقروا كتير

معلش الموضوع صعب شويه بس مش عاوزكوا تتخضوا

انا عملت التوبيك دا بعد ما مر عليا شوية حاجات كدا يعني

وحبيت اني اوصلكوا التوبيك

انا عاوز اقولكوا ان فيه ناس بتكون عايشه على امل اننا اخوات واصحاب وبيكونوا مع بعض

فترات كبيرة اوي اوي اوي

وفي الاخر يسيبوا بعض لييييييييه

عشان سبب تافه جداااااااااا ومن واحد منهم

بيكون معندوش مخ يفكر بيه

لكن انا عاوز اعرف هوة انا ليه عقلي مرة واحده ينزل

والاقي نفسي باقول كلام تافه؟؟

ليه اخسر ناس قريبين مني؟

ليه بفكر ان كل الناس كدابين حتى اقرب الناس ليا؟؟

ليه عشان انت محبوب يبقى تخسر عادي وكدا كدا انا ليا ناس كتير؟؟

يا جماعه الموضوع صعب اوي ويعني الي يقدر يتخيله هيعرف ان الموضوع صعب

ان مرة واحده تلاقي اعز الناس ليك سايبينك بس

ليييييييييه من غير سبب

مرة واحده يقولك انت كداب طب ليه يقولك السبب وتلاقيه بيلف حوالين نفسه

مرة واحده يقولك مش عاوز اكلمك وشيل رقمي والميل بتاعي طب ليه

عشان كدا وخلاص بقه

لو لقيتوا رد قوولولي ولو حد فهم التوبيك كويس يرد عليا

مش مهم تدخل ومتردش كدا كدا هفهم ان مفيش رد

**moon night** · 05-09-2009 09:05 PM

بجد مش عارفة ياعمر دى بجد بتحصل كتير وبعدين نيجى فى الاخر ونقول ان كل شىء بامر الله بس

**imported_محمد الديب** · 05-09-2009 09:10 PM

انا مش عارف اوضح بس ده حاجه تدايق
:12::12::12::12::12::و::و:

**كيوبيد** · 05-09-2009 09:13 PM

ياعمر....الاتصال (communication) فيه متصل ومستقبل وقناة اتصال
وأي حاجة بحصل فيهل خلل من التلاتة بتسبب ان الاتصال ينقطع
ممكن المتصل يقول رسالة غلط وممكن المستقبل يفهم غلط نتيجة تشويش من الوسط الخارجي زي مثلا وشاية أو لكلكة من طرف تالت
وممكن قناة الاتصال ماتكونش مباشرة
وده بيسبب سوء فهم
انما الصداقات المتينة التي يكون فيها التصال بوعي وادراك ان شاء الله تدوم الى الأبد....

**pop_top** · 05-09-2009 10:00 PM

مش عاااااااااااااااااااااااا اااااارف
بس ممكن يكون محروج يقوله
بجد مش عاااااااااااااارف
ياريت تقول الجواب

**see_1987** · 06-09-2009 02:37 AM

واللله كلامك صحيح وصراحة موعارف السبب مع انه تافه جداااا انا متاكد

انا بقول بيكون الشيطان داخل بينهم

يعني مو الشيطان الي افهمتوها انتو شيطان تاني

او يكون متعصب وتطلع منه كلام وحش وتكون كلمة بسيطة

بس ده يتقل وده يتقل وتخرب الدنياااااااااااا

***NONIA*** · 06-09-2009 08:56 PM

حتي الصداقات المتينه مش بتدوم يا اسلام

انا كان ليا واحده صاحبتي وبقالنا مع بعض12 سنه

وبعدت عني بعد مااتجوزت
وبدون اي سبب

**كوكى** · 08-09-2009 11:37 AM

مفيش عندى رد
لانه موضوع مؤلم جدا

**Cadbury** · 10-09-2009 02:40 AM

صراحة بيعجبنى اوى رد وراى امام العاشقين

ما شاء الله
شكرا لمروركم المشرف يا جماعة

**صوفى** · 10-09-2009 03:27 AM

بص ياعمر كتير بنلاقى مشكلة فى التواصل مع الناس اللى خوالينا لان الناس مش بقى عندها صبر تفهمك او تقولك انت عملت كده ليه يعنى مثلا لو قلت كلمة لصديقة ممكن مش تكون تقصد منها حاجة وفجأة تلاقيها بتنهى وخلاص وتقولك ماينفعش مع ان ممكن بكلمة بسيطة منها وهى ( انت بتقول كده ليه ) تفهم وجهة نظرك وتقدر تتواصل مع افكارك وتفهمك بس للاسف كل واحد بينظر لكلام وتصرفات الاشخاص اللى حواليه من منظورة الشخصى دون الاخذ فى الاعتبار عقلية من يتعامل معهم فالمسالة تحتاج عقلية متفتحة وصبورة وللاسف ده مش موجود عند كتير مننا .. انا بتمنى ونداء لكل الناس تحاولوا تتواصلوا وتتفاهموا وتفكروا فى عقلية الشخصية اللى بتتعاملوا معاها وماتحكموش عليها من منظوركم الشخصى... لأ.. تناقشوا وماتنهوش بسهولة وتبيعو اسهل فربما صديق تبيعه الان ويكون اوفى صديق لك غدا
نيس توبيك ياعمر
saf_aa