ست مفتريه تعالا وشوف

**pop_top** · 04-09-2009 11:04 PM

اجمل حوار بين زوج وزوجه الساعه 4 صباحا

هي : ايمن اصحى اقوم بقى

هو : فيه ايه بتصحيني ليه دلوقتي

هي: اقوم يا اخي عايزاك الله

هو : وهي حبكت تعوزيني دلوقتي

هي : قوم وخلاص مش كفايه بتشتغل من الصبح لحد الساعة 2 الفجر وسايبني كله ده

لوحدي

هو : كويس انك عارفه حكايه الساعه 2 الصبح يعنى ملحقتش انام حرام عليكي

هي : يعنى اكلم نفسي واروح اخبط على الجيران علشان اكلمهم

هو في سره( روحي خبطي خليهم يخبطوكي على دماغك ستين جزمه) خير يا ست

هي : انا زهقانه كل يوم ما بين البيت وماما وقرايبي مفيش جديد

هو : عايزه ايه قولي من الاخر

هي : عايزه اشترك في نادي

هو : بتصحيني دلوقتي علشان تقولي كده انا كنت عارف انك مجنونه ياما حسيت بكده

بس قلت ياواد ده كسوف زياده بس طلعتي مجنونة ونص

هي : بتقول عليا مجنونه انت ناسي يوم ما جيت لماما علشان تخطبني وكنت لابس شراب مقطع

بان لما قلعانك الجزمة على الباب وقالولي اهلي كلهم طنط ناني وطنط الفت واونكل تيتو

ملقيتش الا المعفن ده وتتجوزيه وانا اللي وقفت قدامهم كلهم علشانك .

هو : ايه لازمة طول اللسان ديه على الصبح وبعدين حكايه الشراب ديه صفحه وانتهت من حياتي

مش كل شويه تزليني بيها

هي : خلاص المهم انا عايزه اشترك في النادي اللي بتروحه ميمي بنت خالتي ولا هيه احسن مني

هو: يعنى بلاش ناكل بلاش نشرب وكل الفلوس اللي عملتها في الغربه اشترالك بيها في نادي انت حرى لمخك

حاجه

هي: هتعرف جرى لمخي حاجه ازاي لما الم عليك الناس يا بخيل مستخصر فيا 60 70 الف جنيه

اشترك بيهم انا كان لازم اعرفك علىحقيقتك يابو شراب مقطع .

هو: قلتك بلاش السيرة ديه والا قسما عظما..

هي : قسما عظما ايه هتضربني فاكر اخر مرة لما زعقتلي وكلمت خالي في القسم وقلتله

وجالك ومعاه اتنين عساكر وسحبك للقسم وعبطك ورجعت وقفاك محمر ولا ناسي

هو : خالك يا حلوه خلاص طلع على المعاش ولا نسيتي

هي : اه بس خالي اللي في مستشفى المجانين لسه

وهكذا بعد ايام تجدينها تجلس في حديقة النادي وزوجها اشتغل شغلانه تالته

من الساعه 2 الصبح لغايه 8 صباحا

***NONIA*** · 05-09-2009 12:30 AM

هههههههههههههههههههههه

والله مش كلنا يا بوب

اي نعم المجانين كتير ...بس لسه في عاقلين

ههههههههههههههههه

**see_1987** · 05-09-2009 01:02 AM

هههههههههههههههههههههه
رااااااااائعة قصة حقيقية

**GeLoOo** · 06-09-2009 06:06 AM

طب الحمدلله انكوا عارفين
ههههههههههههههههههههههههه هههههههههههههههه

تسلم ايدك يا بوب

**ابرام** · 06-09-2009 08:03 AM

ياخي الستات عندهم مع الانوثة الجميلة الافتراء واحنا غلابة والانسان ضعيف

مشكور يا جميل علي التوبيك الرائع :ن:

الموضوع: ست مفتريه تعالا وشوف