خطر يهدد حواء اسمه .. الانيميا

**Hot Ice** · 01-04-2008 05:24 AM

س . ما المقصود بالأنيميا ؟

ج. الأنيميا تعرف بأنها نقص في كمية هيموجلوبين الدم , أو نقص في عدد كرات الدم الحمراء بالدم , مما يقلل من مقدرة الجسم على حمل الأكسجين من الرئه الى جميع أجزاء الجسم .

س.وما أهم أسباب حدوث الأنيميا ؟

ج. هناك 3 أنواع أساسيه من الأنيميا , وكل نوع له مسبباته وهذه الأنواع هي:

1- أنيميا نتيجه لخلل في تكوين الدم بالجسم بصوره كافيه :
****************************
وسبب هذا الخلل هو نقص تناول أو امتصاص العناصر الغذائيه اللازمه لتكوين الدم وهذه العناصر مثل : الحديد وفيتامين ب 12 والبروتينات , وبعض الفيتامينات الأخرى مثل فيتامين ب وحمض الفوليك وفيتامين ج .

2- أنيميا نتيجه لفقد كميه كبيره من الدم كما يحدث في حالات
****************************
* استمرار الدوره الشهريه لمدة طويله , أو زيادة كمية الدم أثنائها .
* نزيف القرح لهضميه مثل قرحة المعده أو قرحة الإثنا عشر أو قرحة الأمعاء
* نزيف دوالي المريء أو البواسير .
* أنواع الديدان مثل الانكلستوماوالبلهارسيا .

3- أنيميا ناشئه عن سرعة تكسير كرات الدم الحمرا :
**************************
وهذا التكسير إما لعيوب في كرات الدم الحمراء نفسها أو نتيجه لعوامل أخرى تؤدي الى تكسير هذه الكرات .

ومن اكتر أنواع الأنيميا شيوعا هي أنيميا نقص الحديد

س. وما أسباب أنيميا نقص الحديد؟

ج. مسببات هذه الأنيميا هي :
***********************
* نقص تناول الحديد كما يحدث في سوء التغذيه .
* خلل في امتصاص الحديد من الأمعاء (60% فقط من الحديد الذي نتناوله هو القابل للامتصاص )
* نقص تناول فيتامين ج والكالسيوم مما يقللان من امتصاص الحديد
* كثرة فقد الحديد من الجسم كما يحدث في الحالات التاليه :
****************************
- الاصابه بالديدان مثل الانكلستوما والبلهارسيا
- الدوره الشهريه الزائده في المدة والكميه
- الحمل المتكرر والرضاعه يفقد الجسم 1جم من الحديد يوميا
- نزيف بأي شريان في الجسم

س. وما أهم الأطعمه التي تساعد في علاج أنيميا نقص الحديد ؟

ج. هذه الأنيميا يمكن الوقايه والعلاج منها بتناول الأطعمه التاليه :
***************************
1- الكبده والقلب والكلاوي واللحوم الحمراء ولحم الابل والدجاج .

2 - السبانخ والفاصوليا والملوخيه والبقدونس والجرجير والباذنجان .

3 - المشمش والعنب والبلح والتين والخوخ والتمر المجفف والتين الشوكي والشمام .

4 - صفار البيض والعسل الأسود .

5 - الفول المدمس واللوبيا والعدس والقمح .

6 - الفستق واللب الأبيض واللوز والجوز والحمص .

* هذا بالاضافه الى الأطعمه الغنيه بفيامين ج والتي تساعد على امتصاص الحديد مثل الفلفل الأخضر وورق العنب وعصير الطماطم والأناناس والبطاطا .

## البرنامج الغذائي للوقايه والعلاج من الأنيميا :
************************
الافطار :
****
بليله ( 1/2 كوب قمح + 1كوب لبن + سكر للتحليه ) + 2 بيضه مقليه بالزبده أو 5 ملاعق فول بالزيت الزيتون + 1/2 رغيف خبز + برتقال أو يوسفي .

الضحى :
****
كمبوت ( خوخ أو برقوق أو أناناس)

الغذاء:
***
سلاطه خضراء ( بقدونس + فلفل أخضر + جرجير + طماطم + خرشوف + خس ) .
كبده مشويه أو لحم ضاني أو كلاوي أو قلب أو لحم الابل 100 جم يوميا .
بطاطس مقليه حسب الرغبه ( اختياري ) .
طبق متوسط كشري أو طبق متوسط محشي ورق عنب أو طبق متوسط سبانخ مطهيه أو ملوخيه مطهيه .

عصرا-:
****
سلاطة فواكه ( تين - خوخ - شمام - أناناس - موز )

العشاء:
****
كوب من اللبن الرائب أو الزبادي + ملعقه كبيره عسل أسود أو عسل نحل + 1/2 فنجان شوربة عدس + دجاج مشوي مع بسله وجزر مسلوق + 1/2 رغيف خبز .

قبل النوم:
*****
2 ملعقه كبيره مكسرات أو فول سوداني أو لب أبيض + كوب حليب .

=====================
يارب تستفيدوا من الموضوع ... مع اجمل الامنيات بالصحه والعافيه ...

**● **همسة** ●** · 01-04-2008 12:39 PM

احنا فعلا استفدنا من الموضوع
انا عن نفسى استفدت كتيييييييييييييييييييير
الف شكر يا بشمهندس على المعلومات القيمه دى
تسلم على التوبيك
اللى بيشرح السبب والعلاج فعلا بطريقه
تخلى كل واحد يعرف يداوى نفسه بنفسه

**ReRe** · 01-04-2008 07:41 PM

ايه اللي جاب سيرة الحديد هنا ياعم هتتمسك
اه يعيني بقي عندنا نقص في الحديد من يوم ماغلي بقي 6300
كان الاول البت من دول تقوم الصبح تقرقشلها ربع كيلوا مسماير دلوقتي خلاص ياعيني مابقوش لقيين بقو بيكلوا لبان
اه والله ماتشوفش اي بنت الا وياعيني بتجاهد في اللبانه هتعمل ايه...
((فكرتني بناس بيحطو لب في علبة السجاير:">:">))

علي فكره انا بحضر حبوب بخلاصة المسامير ياريت ياهوت تعملنا دعايه وتظبطنا

وبفكرك بمواضيعك دي مش هنلاقي شغل

ولاحتي هنبيع بيرسول ~X(~X(~X(

**● **TiTaNiC LoVeR** ●** · 01-04-2008 08:46 PM

شكرا يا ايس هوت على الموضوع
بجد انت افدتنى اوى بالمعلومات القيمه
حتى كمان الواحد يعالج نفسه بدل يجرى ورا الدكتراه

**● **TiTaNiC LoVeR** ●** · 01-04-2008 08:51 PM

لا متخفيش هتلاقى شغل
لانى هتشترى الخلطه منك
يلا بقى
الحقينى بخلطه المسامير ده
نفسى ادوقه
عشان اشوف طعمه حلو ولا لا
عشان لو طلع طعمه حلو هتلاقى الدعايا نزلت زى المطر

**Hot Ice** · 01-04-2008 10:36 PM

منورااااااااااااني والله يا همسه ... وبجد مش عارف اشكرك ازاي علي

تشجيعك الجميل ده ... ويارب ماتحرمنيش من مرورك اللذيذ ده

**Hot Ice** · 01-04-2008 10:45 PM

تقرقش حديد ومسامير !! دا علي اساس انك زينه المفتريه حضرتك !!

دا علي رايك انتوا يادوب بتاكلوا اللبان وبالعافيه ....

وبعدين هو اللب في علبة السجاير عيب .. أهو محاوله فاشله لعلاج الادمان !!

ايه الفضايح اللي علي الهوا دي

وعلي فكرة لما نشتغل هنشتغل في الاعشاب حضرتك .. لأني نويت اعلن الحرب علي وزارة الصحه