علم المنطق .. نيو لوك !!

**Hot Ice** · 01-04-2008 02:57 AM

في واحد راح يستقبل ابن عمه في المطار المهم وهم راجعين من المطا ر بيسأله : انت بقا لك عشر سنين في أمريكا .. كنت بتدرس ايه ؟ رد عليه ابن عمه : كنت بدرس علم المنطق .. قاله : ايه هو علم المنطق ؟

رد عليه : صعب اللي درسته فى عشر سنين اشرحهولك فى ساعه بس انا هديلك مثال على المنطق
قاله : اوكي .
سأله ابن العم ( ابو المنطق ) : انتم مثلا عندكم كلب في البيت صح ؟
رد عليه : ايوة عندنا.

قاله : بما ان عندكم كلب اكيد انكم عاملين له بيت فى الحوش .
رد عليه : صح عاملين له بيت في الحوش.
قاله : وبما انكم عندكم حوش ..اكيد انتم عايشين في فيلا...
رد عليه : صح إحنا عايشين في فيلا
قاله : وبما انكم عايشين في فيلا اكيد ان ابوك غني.....
رد عليه : صح ابويا غني
قاله :بما ان ابوك غني اكيد ان امك قاعده في البيت يعنى مش محتاجينها تشتغل رقاصة مثلا عشان تجيب فلوس ... !
رد عليه بغيظ : صحيح امي قاعدة في البيت
قاله ( بفرح ) : هذا هو المنطق ....... انك تبني شيء علي شيء . من وجود الكلب في بيتكم استنتجنا ان امك مش رقاصة ......!!
ردعليه : يااااااااااااه هو ده المنطق ؟

المهم ... صاحبنا راح عند صحابه با لليل وحب يتفزلك عليهم...
فسالهم بكبرياء ياشباب تعرفوا ايه هو المنطق ؟ ؟
رد واحد .. لا والله ما نعرفش . قال : انا اعلمكم .

سأل صاحبه: انتوا عندكم كلب في البيت ؟ رد عليه صاحبه : لا ما عندناش

قاله : تبقى مامتك ياحبيبي رقاصه .

**● **همسة** ●** · 01-04-2008 03:09 AM

هههههههههههههههههههههههه
جميل
هو ده المنطق
ده منطق....................... نيولوك بصحيح
لا بجد التوبيك اخر حاجه
تسلم يا بشمهندس

**Hot Ice** · 01-04-2008 03:21 AM

شكرا يا همسه لردك الجميل ..

وبما انك لسه سهرانه .. اذن مزوغه بكره من الشغل .. منطق برضه !!

**● **همسة** ●** · 01-04-2008 03:30 AM

نووووووووووووووووووووووز
انا بكره عندى القوميه
اللى بتبدا الساعه 7 ونص مساءا
يعنى برااااااااااااااااااااااا حتى خاااااااااااااااااالص
وعموما انا هقوم انام دلوقتى
لانى كنت فى احتفال بيوم اليتيم قبل المعاد
واتبهدلت واتعورت وكانت ليله
يلا الحمدلله جت سليمه