بأمانة كم صديق لديك؟؟؟؟؟

**Haneen** · 01-04-2008 01:25 AM

مساء الخير
الصداقة كلمة غالية ...

(كم صـــــديق لك ؟؟؟؟)

الصديق ... الذي يشاركك مســــراتــك وأحــــزانك ...

الصديق ... الذي يبادلك المشاعر في أفراحك وأتراحك ...

الصديق ... الذي يقف معك في حــلــو وقــتــك ومره ...

الصديق ... الذي يصـــــدقك الـــــحب والــــوفاء ...

(كم صـــــديق لك ؟؟؟؟)

الصديق ... الصدوق ...

الصديق ... الأخ ...

الصديق ... الإنسان ...

الصديق ... الوفي ...

(كم صـــــديق لك ؟؟؟؟)

في زمن طغى فيــــه الغـــدر والخيــــانه ...

في زمن انعدم فيــه الصـــــدق والوفـــاء ...

في زمن أظــلم بالكــذب والمـــجــامـــلات ...

في زمن سادت فيه الأنانية والمصالح الشخصية ...

في هذا الزمن ....
لديك مــال ... إذن لديك أصدقاء ...

لديك جــاه ... إذن لديك أصدقاء ...

لديك منـصب ... إذن لديك أصدقاء ...

فجــــــــأة !!!

ذهب المـــال ... فرّ الأصدقاء ...

زال الجـــاه ... رحل الأصدقاء ...

انعدم المنصب ... طار الأصدقاء ...

في هذا الزمن ...

لك عندي مصلحة ... فــأنت صــديقـــي ...

لك عندي حـاجة ... فــأنت أخـــــــي ...

لك عندي غــرض ... فأنت المخلص الوفي ...

انتهت المصلحة ....

مــن أنت ؟؟؟ ... لا أعرفك ؟؟؟ ...

لا أتذكرك ؟؟؟ ... لـم أرك ؟؟؟ ...

انتهت المصلحة ....

انتهى ... معها الكــــــلام ...

انتهى ... معها الســــــلام ...

انتهى ... معها حتى الإبتسام ...

(كم صـــــديق لك ؟؟؟؟)

امـــعن النظر بمن حولك ...

دقق النظر بمن يحيطون بك ...

أعـــــد حســـاباتــــك ...

ثم قلي بـــربــك ...

(كم صـــــديق لك) ؟؟؟

.......

طبعـــــــا للأمـانه الموضوع منقووول ...

بس عجبني هالموضوع وحبيت أطرحة عليـــكم ...

لأن الصـداقة صراحة باتت معدومة نوعا مـــــا...

وحبيت أشوف ردودكم وتفاعلكم معــــــاي...

أنتــــــــــــــــــــــ ـظركم

**| Bugs Bunny ●** · 01-04-2008 01:39 AM

طبعا التوبيك رائع و انتى عمله مجهود تحفه جدا , شكرا عن جد ليكى حنين
انا الحمد لله ليه صحاب كتير , بس فى الحقيقه انا كنت مقصره جدا معاهم , يعنى العيب مكنش منهم للاسف كان منى
بس الحمد لله بحاول اصلح دلوقتى فتره انقطاعى عنهم
بس الحمد لله صحابى كلهم تمام سواء اللى فى الجامعه او اللى بره الجامعه
انا بحبهم كلهم :X

**Hot Ice** · 01-04-2008 01:56 AM

الأصدقاء كتير !! .. لكن بالمعني اللي ذكرتيه في الموضوع

يؤسفني اقولك .. ماليش اصدقاء !!!

**| **Silent Guardian** ●** · 01-04-2008 02:29 AM

بصي يا حنين عشان مكدبش عليكي
او على نفسي
انا عندي بالظبط 3 اصدقاء
اتنين منهم بينطبق عليهم المواصفات دي بنسبة 75% و التاني 70% و الحمدلله النسبة في النازل مش في الطالع

!!
انما كصديق بيعمل معايا كل الحاجات دي بنسبة 100% فهو الصديق التالت
الا و هو الجهاز الغبي اللي انا قاعد عليه دلوقتي
My Computer
sankio haneen

**● **همسة** ●** · 01-04-2008 02:52 AM

لاااااااااااااااااااااااا ااااااااااااااااااااااااا ااااااااااااااا
الدنيا مش سودا اوى كده
دى مليانه ناس زى الفل
انا عندى اصدقاء يا بشر
مش هقول اختى صديقتى
هو صحيح توتا انا وهى صحاب اوى
بس لا
انا عندى صديقتين بنات
والتالته فى الطريق اليك
وهى السوبر فايزور بتاعتى بدانا نبقى اصحاب اوى
وعندى صديق ولد
الدنيا كويسه والله
او يمكن انا اللى محظوظه بيهم
بس هو اكيد محدش كامل
حتى انا نفسى اكيد مش كامله
بس الحمدلله انا واصحابى بنعرف نتعامل مع بعض
عشان كده مبسوطين اوى ببعض
اه

نسيت اقول الله اكبر وخمسه وخميسه فى عين كل اللى معندوش اصحاب

ميرسى حنين عن جد رائع
التوبيك

**Hot Ice** · 01-04-2008 03:14 AM

مش عارف ليه يا همسه حسيت ان ( الخمسه وخميسه ) دي

خبطت في وشي !! علي فكرة انا قلت مافيش اصدقاء ينطبق عليهم

الوصف الحقيقي للصديق ..

طب راجعي نفسك تاني كدا .. هتلاقي الخمسه وخميسه رجعتلك !!

**● **همسة** ●** · 01-04-2008 03:23 AM

بص هو المشكله انك مهما دورت على الكمال مش هتلاقيه
انا يمكن اصدقائى مش كاملين اوى
بس اللى انا فيه راضينى
يعنى محسسنى بالرضا
واحساسى بيهم حواليا بيسعدنى
هو بجد بجد بجد
اللى انا وهي منقدرش نفترق
وبقالنا 7 سنين مع بعض
نوسه صاحبتى ربنا يخليهالى
وهى فعلا صديقه صدوقه ليا

**Hot Ice** · 01-04-2008 03:34 AM

تعرفي قلتي كلام جميل اوي

اعترافك ان مهما دورنا عن الكمال فهو لله وحده

تاني حاجه الرضا والتكيف مع الوضع او الحاله .. لأن لو فضلنا

ندور علي الامنيه او الحلم اللي في خيالنا .. بجد هنتعب

ربنا يخليلك كل اصدقائك ويقربكم لبعض اكتر