اسئله عجيبة جدا .. واجابتها اعجب

**GeLoOo** · 18-08-2009 03:42 AM

ليه السمك بيخاف من اتصالات ؟
علشان أقوى شبكة.....

- طب ليه عملاء فودافون مش بيبردوا ؟
علشان فودافون أقوى تغطية.....

_ امتى السما يبقى لونها بتنجانى
لما الدنياتبقى مسقعه.....

ليه القطر مهم
...... عشان تحتيه خطين

ليه سندوتشات الكفته والبطاطس بتجري
...... عشان وجبات سريعه

ليه اليابان معندهاش حنان
...... عشان فى قارة آسيا

ليه البرازيل معندهمش تين
..... عشان فى امريكا اللاتينيه

ليه الفيل بينزل البحر بالشورت الاحمر .
.......... عشان الشورت الاخضر مش نضيف

عكس نجيب محفوظ؟؟ .
....... نودي محفوظ

ليه الكلب بيهوهو
.......... عشان القطه بتنونو

حاجه بتجري وعندها راسين و 8 رجول
....... كلبين بيجروا جنب بعض

ليه القرد سريع ؟؟
....... عشان القرد في عين امه غزال

اول مخلوق ظهر عالارض هو الحمار الوحشي ليه ؟؟
........ عشان ابيض واسود

و اخرمخلوق ظهر القنفد ليه ؟؟
عشان لسه بشوكه......

حاجه ليها اربع رجلين وطايره في الهوا؟؟
....... قطه مضروبه بالشلوت

عاوزين نطيّر كلب نعمل ايه ؟؟
.......... نضرب في ( 1\كلب )الكلب يطير مع الكلب

ليه النملة مش بترضي تركب الفيل قدامها عالعجله ؟؟
........ عشان بيلعب في الجرس

فرخه معلقه سلسله فيها صوره بيضه ليه ؟؟
............ صورتها و هي صغيره

ليه الفرخه بتعيط لما تشوف طبق بيض اومليت ؟؟
........... بتفتكر اخوها الشهيد

ايه الفرق بين عمرو دياب و إليسا ؟؟
إليسا بتعمل شريط كاست ....
و عمرو دياب بيعمل شريط كاراجل ....

ليه المنبه بيرن؟؟
....... عشان مش معاه رصيد يتصل

ليه الصيدلي بيبني عماره؟؟
........ عشان يسكن الآلم

طب وليه العماره وقعت؟؟
........ عشان بنااادول إكسترا )

ليه القطه بتخربش ؟؟
............ . عشان نفسها تكسب

ليه الأهرامات تلاته بس ؟؟
.......... عشان الشلن مش هايكفى نحط واحد كمان

ليه الام مدرسه؟؟
........ عشان بتذاكر لولادها

عكس بالونه ايه ؟؟ .
........ نشفونا

ليه الفيل بيلبس شرابات خضرا؟؟
........ عشان خضرا بتلبس شراباته

عاوزين نحط فيلين في برطمان من غير ما يلمسوا بعض نعمل ايه ؟؟
...... نحط فيل ما بينهم و نحطهم في البرطمان

عاوزين نركب 4 افيال على عجله نعمل ايه ؟؟
........... نركب فيل و نديله البرطمان يمسكه في ايده

ليه عمر دياب و هو بيقول فى اغنيه راجعين مخبطش فى اللى وراه ؟؟
عشان طلعت زين واقف وراه وبيقولو تعالا تعالا

حاجه صغيره و لونها احمر و بتاكل الزلط ؟؟
......... بنت الحاجه الكبيره اللي لونها احمر و بتاكل الزلط

طب حاجه لونها اسود و بتاكل الزلط. ؟؟
........ ظل الحاجه الصغيره اللي لونها احمر وبتاكل الزلط

ليه الفراعنه ريحه بقهم حلوه ؟
......... عشان كان عندهم ابو الهولز

ليه الفراعنه كانوا عيال ؟؟
....... عشان كانوا بيرسموا عالحيطه

طب ليه ابو الهول كان وشه اصفر ؟
......... من خوفو

طب اتنين فراعنه قعدوا عالقهوه هايطلبوا ايه ؟؟
...... اتنين ااامون و حجر رشيد لايت

واحد ماشي في الشارع و لابس كوتشي ابيض ليه؟؟
.......... عشان ماشي مع الطقم

لية السمك بيخاف من الجنية....؟!
علشان الجنية فية 100 قرش

واحد هندسة بقه تايه في الصحرا ومعاه مسطره حرف تي ..يعمل ايه ؟؟
.......... يمسك المسطره ويقيس مسافه ...
يكاملها تبقى سرعه ... يكاملها تاني تبقى عجله ... يركب العجله

قطه بنت عم قطه تانيه ... وقطه تالته بنت عم التانيه ... و قطه رابعه تبقى بنت اخت التالته ...... وقطه خامسه تبقى عمه الرابعه ... وقطه سادسه تبقى بنت خاله مراة عمه الخامسه ...
تبقى القطه الاولى تقول القطه السادسه يا ..... ايه ؟؟
تقولها ناو ناو