طريقك مسدود مسدود يا ولدى

[كوكى]

أولا: المقاطعة:

قاطع المنتجات الأمريكية لأنها تدعم اسرائيل.

قاطع المنتجات البريطانية لأنها تدعم أمريكا.

قاطع المنتجات الدينامركية عشان الكاريكاتير.

قاطع المنتجات الهولندية عشان الفيلم.

قاطع المنتجات الألمانية لأنها جنب الدول السابق ذكرها.

وفي النهاية كل الناس يبعتوا الايمالات لبعض من لاب توب كل البرامج الي فيه أمريكية، و هم قاعدين في ستاربكس بعد ما اتعشوا في كنتاكي و معاهم "تيك أوي" من ماكدونلدز.

ثانيا: الصحة:

لا تشرب بيبسي لأنه يحتوي على مواد تنظيف و عصارة خنزير.

لا تشرب ريد بول لأنه يسبب عقم..

لا تستعمل مزيل العرق و لاالشامبو و لا الصابون لأنه يسبب سرطان.

لا تأكل لحم البقر لأنه يسبب جنون البقر.

لا تأكل دجاج بسبب انفلونزا الطيور

لا تأكل سمك بسبب المد الأحمر

لا تأكل خضار و لا فواكه لأنها كلها هرمونات

لا تشرب ماء لأنه معالج بالكلور

لا تأكل معلبات لأنها تحتوي على مواد حافظة

لا تشرب عصير طبيعي لأنه يأتي على شكل عصارة مركزة

لا تشرب عصير غير طبيعي لأنه كله ألوان

طيب يعني آكل هوا؟!!! ..... لأ طبعا لأنه الهوا ملوث بعوادم السيارات و المصانع.

و اذا خالفت النواهي السابقة كلها، دخلنا على العادات:

لا تشرب ماء بعد الأكل.

لا تنام و لا تمشي و لا تقعد بعد الأكل.

لا تدخن و لا تشرب شاي و لا قهوة بعد الأكل

أحسن شي .... انك تاكل و تنتحر!!!!!!

لا تخلي الماء في الثلاجة داخل علب بلاستك لأنه مسرطنة

و لا تخلي في زجاج لأنه ممكن ينكسر بدون ما تعرف و تشربه و تموت.

و لا تخلية برة الثلاجة لأنه ممكن يتلوث.

و لا تشرب من الحنفية لأنها مش نظيفة

و لا تشرب مية معدنيه لأنها معبئة من الحنفية أو مكررة و فيها مواد مسرطنة.

لا تتكلم عالموبايل بدون سماعة عشان الموجات تقتل خلايا المخ

و لا تتكلم عن طريق السماعة عشان الكهربا الساكنة

و لا تتكلم عن طريق البلوتوث عشان الموجات برضو تقتل خلايا المخ.

(يعني كل العالم الي عايشين اليومين دول عايشين بدون مخ)

لا تخلي الهوا يدور في السيارة لما تشغل التكييف لأنه يتلوث من التنفس.

و لا تخلي الهوا يجي من بره لأنه ملوث.

لا تعبي بنزين الصبح عشان الكثافة عالية

و لا تعبي في الليل عشان الكثافة واطية

و اشرب خل عشان يحرق الدهون .... و لا تشرب خل عشان يسبب قرحة

و اطلع في الشمس عشان فيتامين "د" .... و لا تطلع في الشمس عشان الأوزون.

ثالثا: الدين:

ابعث هذا الايميل لجميع من عندك الله يعطيك 25864973 حسنة ....

(على أساس أنإاللي باعت الايميل مكشوف عنه الحجاب)

حارس قبر الرسول (صلى الله علية و سلم) حلم انه الرسول (صلى الله علية و سلم) قالة انه لازم يبعت الرسالة.

و يجيلك ايميل مكتوب في أولة قسم انك تبعت الايميل لكل الي تعرفهم و بعدين يتم يذكرك انك أقسمت.

(ماسك عليك زله)

و ايميل فيه الجملة الحلوة اللطيفة (اذا لم تبعث الايميل فانت لا تستحق أجره)

و ايميل يقولك أحاديث كاذبة و اذا مبعتهاش فأنت مقصر

و ايميل يقولك "دعاء مرة واحدة في العمر"(يعني ادعية و افجُر!!!!)

و ايميل يقولك "دعاء هز عرش الرحمن"

و ايميل يقولك "دعاء من دعاه حققت له 100 أمنية"(ده مصباح سحري مش دعاء!!!!)

و بعدين فتوى الرضاعة

و فتوى تحريم "البوكيمون"

و فتوى تحريم "البلايستيشن"

و أحلى فتوى فيهم ............ فتوى قتل "ميكي ماوس"

يعني أحسن حل .... انه الواحد لا ياكل و لا يشرب و لا يتنفس و لا يتكلم على التلفون و لا يطلع من البيت و بس يقعد يبعت ايميلات ....

ملاحظة: اذا بعت الايميل ده لكل الي عندك حيطلعلك جني سويسري راكب بنتلي، و اذا ما بعته حأطلعلك أنا كل يوم في المنام و اقولك "ليه ليه ليه ليه ليييييييه" للصبح

[صوفى]

هههههههههههههههههه
والله عندك حق فى كل كلمة بس هنعمل ايه ولا حتى مين اللى بينفذ الكلام ده اهو كله بيشرب وبياكل وبيتكلم فى الموبايل وبيلعب وسيبها على الله ماحدش بيموت ناقص عمر
نيس توبيك ياكوكى بجد الله ينور عليكى
saf_aa

[همسة حب]

هههههههه والله فعلا طريقنا كده مسدود مسدود
جميل اوى موضوعك

[حكايه]

تشاؤم؟هههههههه لا طبعا كلامك غلط ومش منطقى

[صوفى]

لا ياحكاية كلامه صح جدااااا وده اللى حاصل بجد فعلا كل حاجة غلط وفيها مرض وخطر وووووو
يعنى بجد لو سمعنا كل اللى بيتقال يبقى لاهناكل ولا هنشرب ولا هنمشى ولا هنعمل اى حاجة فى حياتنا
saf_aa

[ابرام]

واللهي هو الموضع حلو علشانك كوكي بس تقدري تقولي احنا المصريين اللي بتخرج الاشاعة ونصدقها ونصدرها وبعد ما نسمعها نقول سبحان الله

[كوكى زمالك]

:ط: