تعريف عجبني أوي للحب !

**Hot Ice** · 03-04-2008 01:57 AM

ميرسي ميرسي

**● **همسة** ●** · 04-04-2008 02:04 AM

على فكره فى رأيى تعريف العقاد للحب هو التعريف المثالى

**● **همسة** ●** · 04-04-2008 02:08 AM

على فكره فى رأيى تعريف العقاد للحب هو التعريف المثالى وبتفق معاه بشده
بسسسسسسسسسس
هو انا بختلف معاكى ياريرى فى ان الحب غريزه طبيعيه عند الراجل والست
واذاكان فى ستات عندهم القدره انهم يدوا حب فا كتير قلوبهم حجاره
والعكس بالنسبه للرجاله فيهم اللى قادر يدى حب وفيهم اللى قلبه حجر
وكمان بالنسبه لحكاية التأقلم مع الحياه بردوا نسبيه

بس انا عايزاه اخد رايكم فى وجهة النظر دى يا شباب
هى تقريبا مقارنه بين الولد والبنت فى الحب والفراق
بالنسبه للبنت

البنت لما بتحب الراجل بتحبه كده دفعه واحده كله علي بعضه مافيش اجزاء عشان كده عادي جدا تلاقي ولد مع بنت زي القمر الناس مش بتبقي عارفه ان البنت ليها خاطفه وميض زي ما بيقولوا ساعتها مش بتفكر في شكل ولا في اي حاجه تانيه عشان كده حبها بيبقي عنيف جدا ومره واحده

الراجل بقي

الراجل لما بيحب بيحب تفصيل معين في البنت اه هو بيحب كل حاجه فيها بعد كده بس تلاقي راجل في بدايه كلامه علي اي بنت يقولك دا عليها عنين دا عليها جسم دا عليها مش عارف ايه يبقي حبه بيبدا علي اجزاء وينتهي بحاجه كامله في النهايه حبه بيبدا بسيط وينتهي كبير جدا
حب علي الهادي غير البنت

عشان حب البنت جه مره واحد هى اللي في الاول هتبقي تعبانه جدا بعد الفراق وعياط وزعل بس فاجاه وبدون اي مقدمات هتلاقي نفسها ارتاحت وكل ده ولا كانه موجود اه في تجربه بس خلاص مبقتش جرح بقي كل الحكايه انها بقت تجربه
وتجربه مفيده جدا جدا وهتتعلم منها كويس جدا بعد كده
الراجل بقى بيحصله ايه
بيفضل قوي وعادي جدا جدا وزي ما حب علي ا جزاء بيبدا يتالم علي اجزاء بالنسبه ليه مش هتبقي تجربه اه في الاول هيقول كده
بس في النهايه هيكتش انها بقت جرح كبير جدا جدا
على فكره ده مش راييى ده راى اتقال ليا وعايزه اخد رايكم فيه

**Hot Ice** · 06-04-2008 02:26 AM

يمكن يا همسه الكلام ده صح في بعض الاحوال ومااعتقدش

ان التسلسل ده هيستمر طبيعي .. لاني مثلا لو هحب بقاعدة ( حته حته )

مش هيبقي حب حقيقي .. يعني لو حبيت عينيها كبدايه ولاقدر الله حصل لعينيها حاجه

يبقي بالمنطق ده فقدت سبب حبي لها !!

الحب الحقيقي مقتنع بيه تماما زي وجهة نظر العقاد ( لا لأنها

اجمل النساء ولا لأنها اذكي النساء ولا لأنها أوفي النساء ولكن

لأنها هي هي بمحاسنها وعيوبها )

وده الحب اللي هيستمر ... يعني هحب كل حاجه كل حاجه فيها

حتي لو غيري شايفها وحشه !!

وبالتالي لو حصل جرح .. هيبقي من اشد مايمكن ..

شكرا همسه لرأيك ومناقشتك الجميله

**● **همسة** ●** · 06-04-2008 11:00 PM

أنا اللى بشكرك يا هوت على ردك عليا
دى كانت حاجه اتقالتلى وانا فعلا كنت عايزه اعرف راي غيرى فيها
شكرا مره تانيه على التوبيك وعلى ردك الجميل

**Hot Ice** · 07-04-2008 01:52 AM

منورة الموضوع يا همسه

واضافاتك ومشاركاتك الجميله ادت للموضوع طعم

تقبلي كل التحيه لمرورك الغالي

**عاشق البحر** · 18-08-2008 03:35 PM

تسلم ايدك ياجميل
موضوع جميل وياريت يطبق صح

**عاشق البحر** · 18-08-2008 04:00 PM

شكرا يا همسه على مرورك

بس مش كل ه بيبص على البنت زى ما انتى بتقولى
لان فى الى بيحب بجد
ما بيقلش جميله ولامش جميله
ولا عنيها ولا جسمها
لان الى بيحب بيحب الروح
الجمال عموما بيعيش قد ايه 5 10 سنين وبعد كده
يا جماعه الى بيحب بجد
بيحب روح الشخصيه مش اى حاجه تانيه

**| Mannora ●** · 19-08-2008 02:26 AM

والله الموضوع حلو والتعريف احلى
بس يا جماعه الحب ده مبقاش موجود
كل واحد فى الايام الغابره دى
قبل ما يحب يسأل عنها كام فى البنك
هتورث كام وكده بيعنى
واللى هيعارضنى هقوله سورى حضرتك عايش
فى زمن الروايات الرومانسيه