๑ஜ๑ أشهر جمل بيقولها الأب والأم فى مصر ๑ஜ๑

**● **Moataz FoKak Meny Shoman** ●** · 16-03-2008 08:34 PM

الموضوع عن أشهر جمل بيقولوها الأب و الأم في مصر

وربنا يخلى لك واحد والدايه يارب

انت فاكرنا لاقين الفلوس دي في الشارع

*اوعى تلعب كورة فى الشارع ولو لعبت فى مكان البس حاجة فى رجليك

* ما تتكلمش بصوت عالي في الحمام

* والله ما انت فالح .. وادي دقني أهه

* ما تنمش غير لما تغسل سنانك

* ما تلزقش في التلفزيون كده .. نظرك هيضيع

* سلم على عمك كويس يا ولد

* يا ابني محدش هينفعك

* ما تطلعش ايدك من الشباك

* قصة الغريق الكاذب اللي كل مره يقول الحقوني ... لحد ما غرق بجد

* ربنا يرزقك بعيل يوريك اللي ورتهوني

* ما تطلعش على الملايه النظيفه و رجليك متوسخه كده

* نسيت تشرب ؟ نسيت تاكل ؟ نسيت تاخد المصروف ؟ نسيت تعكنن عليا و على امك ؟

* طلع ايدك من جيبك و انت بتكلمني

* ايه الا مبالاه و الاستهتار اللي انت عايش فيهم دول

* قوم اقرا لك كلمتين ينفعوك

* وطي المدعوق ده شويه

* انت فاكرنا نايمين على ودانا ؟

* يا ابني انت مسطول ولا ايه ؟

* ما تلبسش القميص على اللحم زي العيال الصايعه

* بلاش أكل بره

* كلمنا لما توصل

* عيـــب ... لازم تحترم اللي أكبر منك

* لو شفت خناقه ما لكش دعوة بيها ولو حد كلمك اضربه على دماغه واوعى تسيب حقك

* لازم تأكل سلطه وسبانخ فيهم بروتين

* اوعى تكدب عليا كده تاني مرره

* اوعى حد غريب يديلك حاجه تاكلها و تشربها و تاخدها منه

*امشى جبن الحيطة ولو مكنش فى حيطة ابنى حيطة وامشى جنبها
وبص شمال ويمين قبل ما تعدى الطريق او خلى حد كبير يعديك

* يا ابني كلم خالتك العيانه اسأل عليها

* بلاش لعب في الشارع

* ما تعليش صوتك ومتشوحش باديك ومترفعليش حواجبك كده وانت بتتكلم

* وانت فاكر احنا مستنيين منك حاجه

* المسلسل مش هينفعك ...قوم

* ما تقعدش قدام المروحه وانت مستحمي

* كفايه رغي في التليفونات

* بلاش وقفة الشبابيك و البلكونات

* اوعى تقول لحد هات لي حاجة

* كل على مهلك .. وامضغ كويس ... وما تكلش وانت واقف .. وكل من قدامك ما تحفش

* اطفي التلفزيون وقوم ذاكر . أو اطفي التلفزيون و خش اوضتك

* ربنا يهديك ربنا يهديك ... وأحيانا .. انك لا تهدي من أحببت

* صليت العصر ؟!

* ما تمشيش حافي في السقعة دي

* ما فيش مذاكرة على المزيكا .. أو .. بتذاكر إزاي و البتاع ده شغال جنبك

* افرد ظهرك

* ما تتأخرش بعد المدرسه او الكلية و تقعد تصيع مع أصحابك

* ومالها الكتب بتاعة الوزاره ؟!

* اللي بيشيل قربه مخرومة بتخر عليه لوحده

* لو مش فاهم حاجه ارفع ايدك و قول للأستاذ او الدكتور مش فاهم .. متتكسفش

* تقعد في أول صف قدام السبوره او البينج

* ما تردش عليا

* مش عايز اسمع صوت

* مالكش دعوة بالسياسة .. وماتمشيش في مظاهرات

* التهديدات المخيفة شكلا و الكارتونية مضمونا مثل:
هأقطم رقبتك أو هأقطع ايدك أو هأقطع لك لسانك أو هأدبحك دبح

* و أخيرا ::

ضرب امثلة تشجع على الكفاح و أشهرها :

أحد الأقارب اللي كان بيذاكر على لمبة جاز أو على عامود النور اللي في الشارع و نجح وخد الدكتوراه وسافر أمريكا

**Haneen** · 17-03-2008 12:13 AM

هههههههههههههههه نصائح ابوية هايلة ولابد كل حدن بدو ينجح يعمل بيها

**Hot Ice** · 01-04-2008 01:13 AM

ههههههههههه .... واقعيه فعلا ..

لكن لو كلها بتتقال مرة واحده ورا بعضها كدا يا ماتريكس

اكيد كانت العواقب هتبقي وحشه اوي ( للوالدين طبعا ) !!!

وبعدين انت كنت كاتم كل ده في قلبك وساكت ومستحمل ؟؟

**| **Silent Guardian** ●** · 01-04-2008 02:10 AM

شكرا يا معتز باشا
انا عن نفسي من يوم النتيجة و انا بسمع الكلام ده كله دفعة واحدة و ورا بعضه حوالي خمس ست مرات يوميا
و كل اللي بعمله اني بسكت و اخش اقعد على الكمبيوتر حبيبي و خلاص

كلنا لها
بكرة تبقوا ابهات و تطلعوا عينين اولادكوا كده برده
يا رب ما ابقاش كده

سلام يا معلم

**● **Moataz FoKak Meny Shoman** ●** · 02-04-2008 07:57 PM

شكرااااااااااا يا جماعه على ردكم الجميل

**LovelyGirl55** · 03-04-2008 12:25 AM

ههههههههههههههههههههههههه ههههه
حلو الموضوع يا سبحان الله
كل الابهات والامهات شبه بعض

**Samar Alam** · 03-04-2008 02:42 PM

لا استنى لسه فى اهم حاجة:
الناس خيبتها السبت والحد وانا خيبتى مورضتش ع حد!!!!!مع دى طبعا

**| سندباد ●** · 05-04-2008 12:14 AM

يا حبى انت شايل الهم ليه،،روق نفسك

امال ربنا خلقنا بودنين ليه؟؟

لا ،، بجد الناس دى بتخاف علينا وعايزنا نكون فى أحسن حال ، وعشان كده مهما عملنا عمرهم ما هيرضوا عنا

اه،،وتلاقيك بقى مش خدت بالك وهما بيقولوا كلوا السلطة عشان فيها فيتامين والسبانخ عشان كله حديدعشان مش يجيلك انيما وتفضحنا لما تتجوز

هههههه