وتبقي الذكريات !!

**Hot Ice** · 15-03-2008 02:20 PM

... الذكريات .. لايملكها احد .. ولا يملك انسان ايا كان

ان يحرم اخر من ذكرياته ..

الذكري تملكنا ولانملكها ... بها نعيش وبها نسعد......

وبها ايضا نتعذب .... !!

( .. وتبقي الذكريات )
****************

.. وان ضاعت منا أمانينا ..

وتحطم بيت كان يأوينا ..

وهربت منا الأ حلام .. وهجرت ليالينا ..

وصار عمرنا .. أشلاء .. نجمعها بايدينا

لو بات الدمع لحنا ..

ومــات ... أحلي ما فينا ...

ستبقي الذكريات ..

ولو اخذتي كل مالديا ...

وحرمتيني .. كل الدنيا ..

ستبقي .. عيناكي و.. عينيا ..

وسيبقي كفيك .. في يديا ..

ورغما عنك

سيظل صبحنا .. ورديا ..

لأ نك ...

نسيتي أغلي شيء ...

نسيتي عندي .. الذكريات .

=========== أحمد

**Messi** · 15-03-2008 02:51 PM

جامد اوى يا نجم كلامك ده
وياريت متحرمناش من كلامك ده

**ReRe** · 15-03-2008 04:37 PM

طبعا جميله

بس انا لازم ديما ذي ماعودتك ابقي الشريك المخالف

وهقولك الي اي مدي نقدر نحتفظ بالذكريات

وياتري كل الذكريات بتسعدنا
طبعا لاااااااا واااااااء

ساعات كتير الاحتفاظ بالذكري بيعذب بيغمي عنيك عن الدنيا بيأثرك في متاهات ماتعرفش تخرج منها
بيحول بينك وبين اي حياه جديد
بيمنع وصول اي شعاع نور انه ينور قلبك

انا معاك ان الذكريات شيء مهم وبرغم ساعات قسوتها عليك بتتمسك بيها ومابيبقاش عندك استعداد انك تنساها زي ماتكون بتتلذذ بتعذيبها ليك

فاكر الخاطره بتاعتي بتاعت رحلت الذكري.....

**Spider GirL**(•'.'•) · 15-03-2008 04:41 PM

جامدة جدا يا بشمهندس احمد

نورت المنتدي ويارب تمتعنا ديما

وبجد احساسك جميل اوي

**Hot Ice** · 21-03-2008 05:54 AM

شكرا لتشريفك وردك الجميل المشجع ده يا ميسي

ويارب انت اللي ماتحرمنيش من مرورك الجميل ده

**Hot Ice** · 22-03-2008 01:12 AM

يامرحبا بالشريك المخالف .. بالعكس دا انا بعز جدا الشريك المخالف علي اساس انه

بيفتح مجال للمناقشه وبيوضح الفكرة سواء للكاتب او المتلقي .. المهم ..

طبعا كلامك جميل يا ريري ومافيش نقطة هختلف معاكي فيها الا فيما يخص الاحتفاظ بالذكري !

اولا زي ماقلت الذكري ملك لنا ولا يملك احد سلبها منا .. حتي حق الاحتفاظ بها نحن فقط

من نقرر ذلك .. بمعني .. أكيد لكل منا ذكرياته الخاصه والسعيد منها بالنسبه لنا نظل نستعيده

ونسترجعه ونسعد به .. وعلي النقيض التعيس او المؤلم منها .. نحاول حذفه الي قاع الذاكرة

حتي نهرب ولو لحظيا من المه وعذابه .. الخلاصه .. نحن من نقرر .. صحيح ان هذا القرار

ليس بهذه السهوله .. وليس هناك نسيان ابدي .. ولكن هذا مانملكه .. !!!

بخصوص خاطرتك ( رحلت الذكري .. ) طبعا جميله جدا وقلتلك رأيي فيها .. وياريت تنزليها هنا

لو ماكنتش موجوده .. لأني لسه زي ماانتي عارفه ماتجولتش كتير بالمنتدي ..

اشكرك جدا يا ريري لمرورك الغالي .. تقبلي تحياتي .

**Hot Ice** · 22-03-2008 01:18 AM

أشكرك جدا يا spider Girl علي تشريفك اولا للموضوع .. وثانيا علي ردك وكلماتك الجميله

والمشجعه في نفس الوقت .. شكرا كمان مرة وخالص التحيه ..

**ReRe** · 22-03-2008 10:09 AM

ايون ايون انا كده الفكره وصلتني

معلش اصلي اي حاجه تخص الذكري بتعفرتنيX(X(

انت تقصد ان لما حد بيقرر يرحل عن حبيبه مثلا بامكانه ياخد كل حاجه الا الذكري

هي الحاجه الوحيده اللي مابيقدرش يحرم حبيبه منها

اما بقي حتة انه يحتفظ بيها او لا ترجع للشخص نفسه

ويبقي انا كده معااااااااااااااااااااااك

افرح بقي