نكت مصريه 100/100

[حكايه]

واحد جاب ولاده قبل اما يموت وعاوز يعلمهم ان في الاتحاد قوة والتفرق ضعف ، قال لواحد خد عود حطب واكسره فالولد كسره قاله خد اتنين فكسرهم قاله طب
خد خمسين فكسرهم فالراجل قال لولاده خلاص اموت وانا مطمن ان معاكم البغل ده


مرة اثنين عندهم كلاب صيد صاحب الكلب الاول أول ما يضرب طلقة من البندقية يجرى الكلب ويروح يجيب الفريسةوالثانى أول ما يضرب الطلقة كلبه يكّش فنصحة صاحبة انه يروح أفراح في الارياف، فالكلب هيتعود على صوت البندقية راح الارياف وفضل يحضر فى افراح لمدة 6 شهوروبعدين رجع يصطاد، ضارب طلقة من البندقية
راح الكلب وقف على رجله وقعد يزغرط


مرة واحد صاحب مزرعة جزر وكان بجانبه واحد صاحب مزرعة ارانب كان كل يوم يجى صاحب مزرعة الجزر يلاقى الارانب اكلوه الجزر بتاعوه كل يوم كل يوم لحد مازهق وقرر ان هوه يروح عند مزرعة الارانب وبعد كده راح عند الارانب وجاب شاكوش وكسرلهوم كل اسنانهم جاه تانى يوم الصبح لقى الجزر بتاعوه بردوه حد اكلوه راح عند الارانب ومسك واحد فيهم وقالوه :واديتوه الجزر فين
قالوه الارنوب :عملنا عثير وثربناه

محشش جابوه للقاضي قاله لو قلتلى 10 حاجات بتعملها من ساعة ما تصحى لغاية ما تنام وتكون تبدا بحرف الالف حسيبك
قاله المسطول: اجيبها واحرقها وافرطها والفها و اولعها واعمرها وامخمخ انسطل اطفيها انام

طرزان شاف مامته بتلف ورق عنب.... قال لها
كم مرة قلت لك متلعبييييش فى الشورت بتاعى

كتبت أحدي الصحف القومية عن ظهور البؤبؤ....
وبدأت الناس تتسأل هل ممكن يشوفوا البؤبؤ قبل ما يموتوا ويتحقق لهم حلمهم الكبير...
وكانت المفاجأه بعد شهرين..كتبت الصحف أن البؤبؤ سوف يقوم برحلة حول العالم علي متن سفينتة الخاصة....ومن ضمن برنامج الزيارة سوف يجيء الي مصرنا الحبية أرض الكنانة..
وأجتمع مجلس الوزراء...وبدأوا يعدوا العده لزيارة البؤبؤ
تم تجديد ميناء الأسكندرية....وفتح محلات وبازرات ومطاعم وبناء فنادق فاخره لأستقبال السياح من جميع أنحاء العالم...التي سوف تأتي في جموع غفيره...لمشاهدة البؤبؤ..
وجاء اليوم الموعود...وظهرت السفينة..وها هي تقترب من رصيف الميناء
رويدا رويدا....ورست السفينة علي الرصيف....
وظهر قبطان السفينة...وكان يحمل بيده زجاجة كبيرة...
فألقي بها في الماء ......وعملت بؤ بؤ بؤ بؤ

كان فيه خمسة صعايدة سموا نفسهم الشجعان التلاتة

مره راجل خلف ولد جبله كوره بنج بونج حمره دخا المدرسه جبله كوره بنج بونج حمره دخل الجامعه جبله كوره بنج بونج حمره خلص جامعه جبله كوره بنج بونج حمره اتجوز جبله كوره بنج بونج حمره خلف ولد جبله كوره بنج بونج حمره المهم ابوه تعب شويه وابنه راحله بيساله يابا ايه حكايه الكوره البنج بونج حمره ابوه قله ..... اء ومات


بلدياتنا نجح في إنتخابات مجلس الشعب، في اول جلسة قاعد جنب واحد أفندى فالأفندى عزم عليه بسيجارة مارلبورو، وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا


نزل قرار فى البلد بمنع الصعايده من السفر طب يعملوا ايه عشلن يعرفوا الصعايده قالك احنا
نجيب جوافاية ونسأل كل واحد ده ايه الصعيدى هيقول على الجوافة دوافة واحد صعيدى عرف قالك انا اركز واحفظ الكلمه صح المهم الصعيدى ده راح المطار بتاع الجوازت بيقولوا ايه ده يا بلدينا قاله جوافة ب قاله الظابط مظبووط قام قاله وايه دي؟ قاله الصعيدي ماندة (مانجة)

واحد ندل عينوه مدير المطافي غير النمرة من 123 عملها 567309261046574852

شوية اسئلة البايخة :

ايه هو الحيوان التعيس؟
القطة...ليه؟
عشان ديما تخربش ومتكسبش


ليه ابوتريكة بيلبس فانلة 22 ؟
عشان 21 ضيقة عليه

طب ليه مبيلبسش 23 ؟
عشان فلافيو بيلبس 23



طب ايه الحيوان اللي دايما مشغول؟
الخرتيت .. تيت .. تيت

طب ايه الحيوان اللي بياكل ويشرب بديله؟
كل الحيوانات بتاكل وتشرب بدلها .. عمرك شفت حيوان ساب ديلو وراح ياكل؟

طب ايه اقدم حيوان؟
الحمار الوحشي .. عشان ابيض واسود

طب ايه هو اجدد حيوان؟
القنفد .. ليه ؟
عشان بشوكه

طب ليه التلاجة غبية؟
عشان بتحفظ الاكل .. مبتفهموش

[*NONIA*]

هههههههههههههههههه

يخرب عقلك انا كنت هاموت من الضحك

هههههههههههههههههه

[نادر]

ههههههههههه
شكرا حكاية

[noha]

هههههههههههههههههههههه
ههههههههههههههههههههه
هههههههههههههههههههه
ههههههههههههههههههههههه
نو كومينت ياحكايتي

[دلوعة لبنان]

كان فيه خمسة صعايدة سموا نفسهم الشجعان التلاتة
جمبلة جداااااا

[كوكى]

طبعا منتظر الرد بتاعى
انا مش هاقول غير حاجة واحدة بس
.................................................. ............................

[كوكى]

نكت باااااااااااااااااااااااا يخة وقديمة