الشــــــــات والبنـــــــــــات

[*NONIA*]

الشات والبنات

ولتبدأ الاسطوانه الاولي

اسمك ايه؟

نرمين ...وانت؟

محمد

محمد.....عندك كام سنه يا نرمين

عندي18 سنه...وانت؟

24(وقد يكون في الاربعين)

حوارات حوارات حتي ياخدو علي بعض...وبعدين؟

نمرة تليفونك كام يانرمين؟

لا طبعا مش ممكن اقولك...اديني انت نمرتك وانا هاكلمك

خدي يا ستي(..............)

يا تري عندك

id

يعني خاصية اظهار الرقم

لاماعنديش

ياسلام

صدقيني يانرمين....وبعدين لو مش واثقه فيا ماتكلمنيش

لا طبعا واثقه فيك وهاكلمك (ال يعني عشرة عمر)هههههههههههه

بس ياريت بعد واحده بالليل

حاضر

الاسطوانه الثانيه
(في التليفون...الثانيه صباحا)

الو...محمد

ايوه... مين؟(طبعا هو عارف ومستنيها علي نار)

انا نرمين

وحشتيني

صمت(في المره الاولي غالبا)

بقولك وحشتيني يا نرمين....انا ماوحشتكيش؟

وحشتني اكيد

تعرفي اني مانمتش بقالي يومين!!! (ياراااااااجل)

ليه؟عندكم اكلان؟ هههههههههههههههههه

لا ....عشان بفكر فيكي ...مش عارف انتي عملتي فيا ايه؟

ياسلام (تريد ان تسمع منه اكثر)

بجد يا نرمين ..انا حاسس اننا نعرف بعض من زمان

وانا كمان

طب ليا طلب عندك وياريت ماتكسفينيش

لو اقدر!!

عاوز اشوفك يا نرمين

صمت(هيا نفسها تشوفه بس خايفه)

ماردتيش عليا...

لا طبعا يا محمد صعب جداااااااااااااااااااا

(الحاح الحاح الحاح...مع توالي المكالمات)

الاسطوانه الثالثه
(في ماكدونالدز غالبا)

كنت خايف تديني بمبه

لا طبعا ما دام قلت هاجي يبقي هاجي

زي ماتخيلتك بالضبط (بالطبع هيا عكس ما تخيلها تماما)

صحيح(تريد ان تسمع اكثر فهي لا تصدقه)

صحيح يا نرمين ..وبصراحه انتي هاديتي كل احلامي

يعني ايه؟؟؟

دلوقتي حالا اتغيرت فتاة احلامي...بقت نرمين!

بجد يا محمد؟

(ندخل منعطف خطيرااااااااااا فقد امسك يديها)

بجد يا نرمين انا دلوقتي متاكد اني بحبك

(تصمت وقلبها يرقص طرباااااااا)

الاسطوانه الرابعه
(تتعدد المقابلات)

صارت نرمين تعشق محمد بالفعل وهي لا تستطيع ان تستغني عنه او تتصور حياتها بدونه اما هو_الله يسامحه_ممثل بارع!
يريد منها قبله!!!!!

هاتعمل ايه يامحمد ؟؟....انا مابحبش كده

(يبدو عليه ان كرامته انجرحت) طبعا تمثيل

انتي مابتحبنيش يا نرمين...بتستخسري فيا بوسه؟؟

مش وقتها يا محمد ....لما ....لما ...

تقصدي لما نتجوز

اه
(لا ييأس...الحاح الحاح الحاح..حتي يقبلها ..ويفعل اكثر من هذا..والمسكينه متاكده انه زوج المستقبل

(((ثم تبدا الصوره تتضح)))

محمد..مالك متغير معايا من فتره؟

ابدا يا حبيبتي...فيه شوية مشاكل...

مشاكل ايه؟

مشاكل ماديه

(تفتح شنطتها ان كانت (غنيه)

عاوز فلوس يا حبيبي

(في هذه الحاله سيقبل بعد ان يمتنع كثيرا وتلح هي عليه بحجة اننا واحد)

وتنتهي القصه...بعد ان تترك جرحا عميقا بداخل نرمين تحولها الي انسانه اخري تختلف عن تلك التي كانت تدخل عالنت وتعمل

شات

قد تتقوقع علي نفسها وتتعقد وقد تجرب حظها مع شات جديد..وقصه جديده..واسطوانات جديده!

اما محمد فهو لايضيع وقته ...ف كل شهر تقريبا يقوم ببطولة مغامره مع احدي محترفات الشات!

ولا يمكن ان يكون ماحدث سببا في رفضنا للشات رفضا باتا...ولكن..

هناك نوعان من البنات اللاتي ((يعملن شات))

النوع الاول::::>

بنات محترفات شات..تعرضن للموقف السابق مرات ومرات حتي صرن صاحبات خبره(ايا كان ثمن الخبره)وهذا النوع لايعنينا

ولا نوجه اليه هذه السطور

اما النوع الثاني::::>

فهو المعني بسطورنا هذه الفتيات البريئات الساذجات _عذرا_واللاتي يصدقن الكلمات المعسوله..ويقعن في براثن الاسطوانات

ويثقن بقراصنة الشات.ثم يندمن_بعد ذلك_ علي ما فات حيث لا ينفع الندم ولا لطم
(الخدود)

واليهن اقول وانصح::::::::>

لا يمكن ان تنشا علاقة حب سويه سليمه عن طريق الشات ونسبة الكذب والخداع فيما يقال لمن تتعدي ال95%

ونسبة الذئاب المتربصين بالضحايا الجميلات96%

والافضل لهن اعتذال ذلك الشات وهن في القمه.....ومن لا تصدقني
فهي حره!!!!!!!

اللهم بلغت....اللهم فاشهد

[حكايه]

هقولك زى ردى هناك
ههههههه انتى مذاكره اهوه ههههههههه

[*NONIA*]

هههههههههههههههه

مش حكاية مذاكره يا حكايه
المشكله ان هو ده اللي بيحصل للاسف
ويرجعوا يقولو يا رتنا

[محمد تيتو]

تسلمى بجد جميل

[*NONIA*]

الف شكر ليك يا تيتو

[a_3bir]

هى فعلا اسطوانه ومشروخه كمان
موضوع متميز ويمس الواقع

[*NONIA*]

الف شكر لمرورك الكريم
ونورتي التوبيك

[همسة حب]

وياريت بعد ده كله البنت بتتعظ لكن للاسف بتكرر نفس القصه مع اختلاف الشخصيات
شكرا يا جميل ع التوبيك الواقعى

[*NONIA*]

اه والله يا همسه ياريت بيتعظوا

الشكر ليكي يا همسه ولمرورك الراااااائع

[المشاكس]

تسلمي موضوع رائع وواقعي ومتنسيش

لن اجعل احاسيسي ارضا يداس عليها

بل سماءا الكل يتمني الصعود اليها