دعاء لمن ضاقت به الدنيا ..........!!!

**| Nadooosh ●** · 07-03-2008 02:49 PM

.:: بسم الله الرحمن الرحيم ::
قــال تعــالى :
{ ادعوني استجب لكم }
هذا الدعــــــاء الطيـــــب ،،
ما عليكــــم ســـوى قرائتــــه بخشـــــوع وبقلـــب سلــــيم ،،
و ان شـــاء الله ستـــلبى كـــل تساؤلاتكــــم من عنــــد رب العالمـــــين

يا رب عبدك قد ضاقت به الأسبابُ
وأُغلقت دونه الأبوابُ
و بَعُدَ عن جادة الصوابُ
و زاد به الهم والغم والإكتئابُ
وانقضى عمره ولم يُفتح له الى فسيح مناهل الصفو والقربات بابُ
وأنت المرجو سبحانك لكشف هذا المصاب
يا من إذا دُعي أجاب
و يا سريع الحساب
يا رب الأرباب
يا عظيم الجناب
يا كريم يا وهاب
رب لا تحجب دعوتي
و لا ترد مسألتي
و لا تدعني بحسرتي
و لا تكلني إلى حولي وقوتي
و ارحم عجزي
فقد ضاق صدري
و تاه فكري
و تحيرت في أمري
و أنت العالم سبحانك بسري وجهري
المالك لنفعي وضري
القادر على تفريج كربي
و تيسير عسري
اللهم أحينا في الدنيا مؤمنين طائعين
و توفنا! مسلمين تائبين
اللهم ارحم تضرعنا بين يديك
و قوّمنا اذا اعوججنا
و ادعنا اذا استقمنا
و كن لنا و لا تكن علينا
اللهم نسألك يا غفور يا رحيم
أن تفتح لأدعيتنا أبواب إجابة
يا من إذا سأله المضطر أجاب
يا من يقول للشيء كن فيكون
اللهم لا تردنا خائبين
و آتنا أفضل ما يؤتى عبادك الصالحين
اللهم لا تصرفنا عن بحر جودك خاسرين
و لا ضالين ولا مضلين
و اغفر لنا يوم الدين
برحمتك يا أرحم الراحمين
اللهم اميــــــــــــن

**Hegazy** · 07-03-2008 04:18 PM

جزاكى الله كل خير يا ندى

**عفريته النهار** · 07-03-2008 04:34 PM

شكرا يا منتوسه على الموضوع
وربنا يجازيكى كل خير ويزيدك من حسناتك

**Spider GirL**(•'.'•) · 10-03-2008 03:13 PM

جزاكى الله كل خير نونة

**| Nadooosh ●** · 10-03-2008 06:44 PM

ثانكس على الردود
وجزانا اللة واياكم كل خير

**اميره الثلج** · 10-03-2008 08:31 PM

جزاكى الله كل خير
بجد دعاء جميل جدا

**| Nadooosh ●** · 10-03-2008 08:50 PM

ِكرا اميرة الثلج على مرورك وردك الحلو دة
ويارب ينفعنا كلنا

**| Nadooosh ●** · 10-03-2008 08:53 PM

أحمد بيصلي .......
--------------------------------

استغفـر الله العظيـم

إستووا.. إعتدلوا.. إستقيموا يرحمكم الله

الله أكبر..

أحمد ركز بأه في الصلاة وبلاش تسرح، طيب خلاص، إمممم.. هو الراجل اللي جنبي ده صوابع رجليه عاملة كده ليه؟ صباعه الكبير ده كبير أوي، آه بمناسبة الصوابع هي صوابع زينب دي اللي هيا إيه؟ بيتهيألي دي اللي عاملة زي الزلابية، زلابية؟؟ زلابية إيه بس وبتاع إيه

الله أكبر

أحمد ركز يا أحمد، طيب ماأنا مركز أهوه، مركز إيه طيب إنت قريت سورة إيه؟ أنا قريت سورة اللهب شفت بأه أنا مركز إزاي؟ لألأ دي كانت سورة الفيل

سمع الله لمن حمده

ربنا ولك الحمد، أنا جعت، بس مش عارف أفطر إيه النهاردة؟ آه المطعم الجديد اللي كانوا بيتكلموا عنه إمبارح، بيقولوا عليه أكله حلو، بس هو في شارع إيه؟ لما أخلّص الصلاة أتصل بالتليفون أعرف العنوان

الله أكبر

هيا الساعة كام دلوقتي؟ زمانها أربعة وخمسة، على فكرة هيا الساعة التانية الجلد كنت حطيتها فين؟ آه.. ياإما في الدرج ياإما في الدولاب، دولاب ايه بس يا أحمد ركز ياأحمد إنت بتصلي، أستغفر الله

الله اكبر

أهوه أنا مركز أهوه، إنظر لمكان السجود وركز في الأيات اللي بيقولها الإمام

الله أكبر

الشيطان ده أعوذ بالله بيخلي الواحد يسرح، مش هو الشيطان بيتسلسل في رمضان، يعني بيتسلسل تلاتين يوم، أيوه بس هو رمضان ده تسعة وعشرين ولا تلاتين؟ هو إبتدى إمتى؟ تعالى نحسبها كده.. هو كان يوم السبت في السعودية وفي مصر الأحد
غريبة أوي الحكاية؟ طيب لو واحد على الحدود ورجل بره ورجل جوه يصوم ولامايصومش؟ أحمد.. شفت أهوه إنت رجعت تسرح تاني

الله أكبر

هو إحنا في الركعة الكام؟ يعني هانقوم ولا هانقرأ التشهد؟ لا دي التانية، طيب أقولك إتأخر شوية وشوف الي جنبك هايقوم يقف ولا يقعد يقرأ التشهد

الله أكبر

أيوه دي الركعة التانية، شفت بأه عشان سعادتك عمال تسرح، لأ خلاص أعوذ بالله من الشيطان الرجيم

الله أكبر

السجادة دي مريحة ولونها حلو، هيا سجادة ولا موكيت، لاموكيت بنسيج السجاد، آه على فكرة إبقى إفتكر تكنس السجادة اللي في البيت بالمكنسة، بس لازم أنضف كيس المكنسة عشان بقالي مده مانضفتوش

الله أكبر

الراجل اللي جنبي ده، رجليه بتزق في رجلي، طيب أحرك رجلي شوية، الله ده بيلزقها فيا تاني، أستغفر الله

الله أكبر

فيه صوت موبايل، الناس دي ليه مش بتقفل الموبايل ساعة الصلاة.. مش عارفين ان ممكن ده يخلي الواحد مايركزش في الصلاة مع إن فيه يافطة محطوطة على الباب مكتوب عليها إغلق الجوال من فضلك وعليها صورة موبايل عليه علامة إكس.. بس هو الموبايل ده كان نوعه إيه؟ بيتهيألي سيمنس.. هيا إيه الرنة دي؟ آه أنا عايز أبقى أغير الرنة، فاكر الموضوع اللي كتبته عن رنات الموبايل

الله أكبر

الراجل اللي جنبي ده عمال يتحرك كتير، أستغفر الله مافيش خشوع خالص، أنا أهوه مش باتحرك

السلام عليكم ورحمة الله

السلام عليكم ورحمة الله

إيه هيا الصلاة خلصت ؟

السلام عليكم ورحمة الله

السلام عليكم ورحمة الله

أستغفر الله العظيم !!!!!

لا اله الا الله الحليم الكريم
لا اله الا الله العلى العظيم
لا اله الا الله رب السماوات السبع ورب العرش العظيم

إلـــــــــــــــــهي
لا تغضب علي فلست أقوى على غضبك
و لا تسخط علي فلست أقوم لسخطك

منقووول