موضوع مهم للاعضاء ويشغل بال الجميع

**MeEeGoOoO**(•'.'•) · 20-02-2008 08:30 PM

ازيكم يا جماعه
انا عندى موضوع عايز الاعضاء كلهم يتكلموا عنه
والموضوع عن الانحراف و عايزين نعرف ليه الشباب بيسلكوا طريق الانحراف
والنهاردة هنتكلم عن نوع من انواع الانحراف وهو الادمان
وايه الدافع اللى خلاهم يعملوا كده
وطريقه معالجه هذه المشكله
ويا ريت يا جماعه متهملوش الموضوع ده لانه موضوع مهم
مستنى ردودكم

**Messi** · 20-02-2008 11:42 PM

بص يا عم زورو
اولا متشكرين ع الموضوع
ثانيا .انا شايف ان الانحراف ده بيحصل نتيجه حاجات كتيره اوى منها خد عندك
غياب التربيه ودى طبعا بتقع مسؤليتها على الاباء عندك برضه ممكن الواد يكون متربى بس مفيش تواصل بينه وبين اهله فبيبداء يتعامل مع الناس اللى حواليهم باستثناء ابوه وامه ممكن بقى يكون فى الناس اللى حواليه واحد يساعده على الانحراف .
ممكن برضه عدم احساس الشباب بالمسؤليه يودى لانحرافهم .
هو ده اللى جه فى دماغى بس تقريبا لسه حاجات كتير اوى تودى للانحراف.

**● **Snow White** ●** · 22-02-2008 04:23 PM

والله خير ما اخترت من ظواهر الادمان
بص يا سيدى الادمان ده مرض منتشر فى الوطن اخر أحصائيه بتبين إن المدمنين فى الوطن العربى وصل عددهم إلى 30 مليون شاب و فتاة إن لم اكن مخطئة يعنى الموضوع مش بسيط خالص بالمره وانا عندى كلام كتير فيه بس أستاذن سعتك هحضر الماده و هاجى على طول

**● **TiTaNiC LoVeR** ●** · 22-02-2008 07:51 PM

شكرا يا zorro على الموضوع
موضوع الانحراف ده موضوع كويس فى عوامل مرتبطه بالانحراف
ان الفرد بيتعلم الانحراف زى ما بتعملم السلوك الكويسلما الطفل بينشأ فى بيئه لا تحترم القانون والمجتمع اللى عايش فيه وبرضو الرهان ممكن نلاقى اتنين بيتراهنوا على حاجه فممكن يعملوا ىاى حاجه حتى ولو يسرقوا عشان يكسبوا الرهان
والادمان ده عباره عن حاله نفسيه بتحصل للانسان بتخليه يتعاطى مخدرات بصوره متصله وبرضو فى حالات مكمن تخليه يتجه الادمان مشكلات زوجيه وامراض نفسيه والاكتئاب و احباط الشباب وخاصه الشباب اللى بيواجهوا البطاله والغربه والظروف الاجتماعيه السيئه و ......... وممكن لما يحس بالفشل ينتحر
علاج الادمان لازم الشباب يستوعبوا اضرار المخدرات واثاره السلبيه والنفسيه ولازم تتحسن ظروفهم المعيشيه ومكافحه الفقر والبطاله
بس ده كله اللى فى دماغى معنديش اكتر من كده