حد يساعدني في مشكلتي

**The White Wizard** · 12-10-2008 12:22 AM

انا عندي مشكله كبيرة اني مش بعرف اقول كلام حلو بنقعد نتكلم في اي موضوع
ببقى حاسس انها عاوزه تسمع كلام حلو بس انا مش بعرف
مش عارف اقول ولو قلت خايف انها تحس اني بتصنعه ومتحسش بيه عشان انا اصلا بقوله زي ما بيكون اي حد بيسمع حاجه حافظها مش عارف اعمل ايه

**mora mor** · 12-10-2008 05:28 AM

قول اللى انت حاسس بيه ومتخفش مش لازم يكون كلام متزوق المهم يكون من القلب وشوية شوية هتلاقى نفسك بتعرف تقول كلام حلو

**mora mor** · 12-10-2008 05:31 AM

وكمان الكلام مش كل حاجة الاهم ان الحب يبان فى معاملتك وفى عينيك كلام العيون احلى بكتير من كلام اللسان

**رحيق العسل** · 12-10-2008 10:41 PM

انا برأيي انت شخص رائع يا وايت وزارد والدليل على كلامي انك بتحاول تلاقي حل لانك مش حابب تخسر حبها ليك بس صدقني الحب مش كلمات تنقال الحب بالقلب والروح والمشكلة دي متكبرهاش قولها بصراحه انك بتحبها حب كبير بس التعبير دايما بيخوني ومبيخرجش ولو بتحبك صحيح وبجد هتنسيك المشكلة دي
وكمان اللي بيحب بجد مبيعرفش يتصنع كلام ابدا اعطي نفسك فرصة وان شاء الله تيجي بخير

**The White Wizard** · 13-10-2008 03:16 PM

انا متشكر جدا ليكم على مروركم على الموضوع ده وشكر اكتر على انكم فكرتم معايا في اني الاقي حل للمشكله دي واراءكم دي فتحت في دماغي افكار جديده غير الكلام ز متشكر مرة تانيه