هيس معانا وويانا يحلى التهييس

**حكايه** · 08-09-2008 02:01 AM

واحد بيقول لمراته ... انا النهاردة عايز رومانسية فى البيت ... راحت
الزوجة سألت امها : يعنى ايه رومانسية ؟؟ الام : مش عارفة بس احتياطى
إنقعى الرز

سواق ماشى ع الطريق واحد لابس احمر فى احمر شاورلة فوقف السواق و قالة انت مين و عايز اية قالة انا الفرفور
الاحمر و عايز توصلنى فقالة لا مبوصلش فرافير و مشى و سابة شوية لقى واحد لابس اصفر فى اصفر و بيشاورلة فوقف
و قالة انت مين و عايز اية قالة انا الفرفور الاصفر و عايزك توصلنى فقالة لا مبركبش فرافير و مشى و سابة شوية و
قابلة واحد لابس اخضر فى اخضر عمل معاة نفس الحكاية ف السواق سابة و مشى شو ية كمان كدة و لقى واحد لابس
ابيض فى ابيض بيشاورلة ف السواق وقف و قالة يا ترى انت بقى الفرفور الابيض فقالة الراجل فرفور اية رخصك يا روح امك

واحد بخيل سألوه تعمل ايه لو الدنيا برد

قال : اقرب من الدفاية

: طب لو الدنيا بردت اكتر

قال : اقرب شوية من الدفاية

قالولو : طب لو الدنيا برد موت

قال : ساعتها اشغل الدفاية

واحد طويل شرب لبن مات ليه؟؟؟؟؟؟؟؟؟؟؟؟؟؟ عشان صلاحيته انتهت قبل ما يوصل بطنه

واحد ماشي في الصحراء شاف واحد قاعد علي صخره وبيعمل فوووووووووو فوووووووو ... سابه ومشي ... و شويه شاف واحد تاني قاعد علي صخره وبيعمل عن عن عن عن ...... سابه ومشي... و شوية شاف واحد قاعد على صخرة بس ساكت ، قال له قاعد كدا ليه ؟؟؟؟ ده في اتنين مجانين قاعدين يعملوا فوووووو وعن عن عن ورا ، راح قال له ايه دا هما قربه ؟؟ فوووووووووووووووووووووووو ووووووووو

ست ركبت اتوبيس وهى شايلة ابنها الصغير، جت تدفع التذكرة الكمسارى اتخض أول مابص للولد

وقال: اللهم احفظناانا عمرى ما شفت عيل وحش كدة، غطيه يا ست حرام عليكى!

الست زعلت قوى، وقعدت فى كرسيها تعيط بحرقة، الراجل اللى جنبها سألها: مالك يا مدام، بتعيطى ليه؟

الكمسارى ده ماعندوش دم، قل أدبه علي وانا خفت أرد عليه

تخافى تردى ليه؟ الاتوبيس ما فيهوش رجالة؟ردى عليه ولو فتح بقه بكلمة نخرشمه

عندك حق، أنا حأروح أبهدل كرامته

عداكى العيب، شيلينى النسناس بتاعك بقى علشان تعرفى تتخانقى براحتك

واحد قاعد في أمان الله بيقرا الجرنان، وفجأة جت مراته وضربته بغطا
الحلة فوق دماغه .. طرررررخ!!! الزوج: "فيه ايه يا بنت الحلال؟ ليه
كدا؟؟؟" الزوجه:"ايه الورقه اللي في جيب بدلتك ومكتوب عليها "سوسو"؟؟"
الزوج: "يا بنت الحلال، ده أسم الحصان اللى بنشجعه في السباق!" الزوجه
صدقته وراحت لحالها... بعد اسبوع، الزوج قاعد في أمان الله يقرا
الجرنان، وفجأة جت مراته وضربته بغطا الحلة على راسه !! الزوج: "خير
يابنت الحلال في ايه تاني؟؟" الزوجه:"حصانك على التليفون
..!!"

وحده جوزها من اسبوعين مرجعش البيت
فأخذت ابنها الصغير وراحت قسم البوليس علشان تبلغ
فقال لها الضابط اعطيني مواصفات جوزك
فقالت: أبيض ..طويل ..عيونه خضر ..أشقر ..أمور !!!
قام ابنها قطع عليها الكلام ( يا ماما ده مش بابا )
فقالته اسكت..ممكن يجيبو واحد أحلى منه

واحد قاعد في خمارة لقى اتنين مساطيل بيكلموا بعض
- انت ساكن فين
- في مدينة نصر
- معقولة؟ وانا كمان .. فين في مدينة نصر؟
- في المنطقة الأولى شارع النصر
- الله وأنا كمان، في عمارة كام؟
- شقة 35
- لأ مش ممكن ، وانا كمان
الراجل هيتجنن، سأل الجرسون ايه الحكاية؟
- متاخدش ف بالك دول واحد وأبوه بيسكروا هنا كل يوم

واحد نشر في إعلانات مبوبة :مطلوب زوجة!!! تاني يوم جاله 100 جواب
فيهم نفس الرد: تاخد بتاعتي؟؟

واحد سكران كان بيعاكس وحدة وحشة اوي بالليل
فكان بيقول لها يا وحشة يا وحشة
راحت ملتفتة ليه وقالت له يا سكران
راح قايل لها طب انا سكران حفوق بكرة .. وانتي

الابن: بتعمل اية يابا؟؟
الاب: بكتب جواب لعمك
الابن: هو انت بتعرف تكتب؟؟
الاب: يعني هو عمك اللي بيعرف يقرا يا فالح

ولد جاب لأمه دوا يرجع الشباب
ياماما أنا جبت لك دوا تاخذي ملعقة وحدة ترجعي عشر سنين لورى و أبويا مايبص لوحدة غيرك أبدا
الولد دخل لأمه تاني يوم وقال لها يا ماما شكلك حلوه ايه الحلاوة دي
ومين الولد الصغير إلي جالس على حجرك داه ؟؟
راحت قالت دا أبوك شرب الدوا كله

واحد كسلان اتحكم عليه بالإعدام بدفنه في حفره
فقالوا له نفسك في أيه قبل الموت
قال نفسي أشرب قالوا له قوم أشرب
قال لسه حقوم اردم ياجدع

**حكايه** · 08-09-2008 02:09 AM

واحدة حامل فى ثلاث توائم
يوم الولادة الدكتور بيطلع العيل الأول لقاه نايم وساكت قعد يضريه على وشه حتى صرخ الطفل ركنه على جنب وطلع الطفل الثانى لقاح زى أخوه قعد يضربه لما فاق وركنه
جه الدكتور يدور على الطفل الثالث مش لاقيه راح ماشى وقال للممرضة كملى لأنهم اثنين بس
الممرضة جت تكمل لقت الطفل الثالث طالع براسه بالراحة وبيسألها
هو الراجل اللى بيضرب العيال مشى ولا لسة

ثعبان قابل ثعبان لقاه بيعيط قالوا انت بتعيط ليه رد اصلي انا نظري ضعيف قالو بسيطه ركب عدسات وبعد يومين معدي لقاه بيعيط تاني قالو انت بتعيط ليه رد اصلي اكتشفت ان اللي بحبها من عشرين سنه طلعت خرطوم

طفل في حضانة قال لزميلته تتجوزينى؟؟
بصت له بأستحقار و قالت له أنا مبحبش العيال
فقالها و أنا كمان مش مستعجل عليهم

مرة واحد غبى واقف في الشارع و بيتكلم في المحمول و عمال يزعق و يقول: بس دوري تاني ، دوري كويس واحد معدي في الشارع جه قال له: في إيه ؟؟
راح واخد المحمول منه وبيسمع ... لقى .... (الرقم الذي طلبته غير موجود في الخدمة)!!!!

**رحيق العسل** · 08-09-2008 05:54 PM

واحدة حامل فى ثلاث توائم
يوم الولادة الدكتور بيطلع العيل الأول لقاه نايم وساكت قعد يضريه على وشه حتى صرخ الطفل ركنه على جنب وطلع الطفل الثانى لقاح زى أخوه قعد يضربه لما فاق وركنه
جه الدكتور يدور على الطفل الثالث مش لاقيه راح ماشى وقال للممرضة كملى لأنهم اثنين بس
الممرضة جت تكمل لقت الطفل الثالث طالع براسه بالراحة وبيسألها
هو الراجل اللى بيضرب العيال مشى ولا لسة,,,,,,,,,,,,,,,, هو من اولها ضرب افضل حاجه يرجع تاني هههه

واحد نشر في إعلانات مبوبة :مطلوب زوجة!!! تاني يوم جاله 100 جواب
فيهم نفس الرد: تاخد بتاعتي؟؟ ,,,,,,,,,,,,,,شكل الستات مطفشين الرجاله ربنا يكون معاهم
هههههههههه

موضوع جميل جدا تسلم ايدك حكاية